ساعه الموت_كامله_بقلم عمرو عزت

الحكاية كلها بدأت مع شخص أسمه طارق كان شخص غني و معروف أوي و في يوم قرر أنه يبني البيت اللي أنت شايفه قدامك دا وفعلا بني البيت في المنطقة دي في زمن كانت فاضيه مش زي ما أنت شايفها دلوقتي و كان عايش في البيت دا لوحده مفيش حد معه غير حارس البيت كان أسمه عاطف لحد ما في يوم أختفي طارق في بيته لمدة كبيرة أكتر من شهرين تقريبا و مفيش حد عارف هو فين أو بيعمل أي في ناس قالت دا ماټ و ناس قالت أتجنن لحد ما ظهر تاني للناس و كان بيتعمل عادي جدا مع الكل بس الوحيد اللي كان بيلاحظ الحاجة الغريبة اللي بتحصل كان عاطف حارس البيت و اللي بيبقي موجود يوميا قدام البيت و بيشوف ناس بتدخل كل يوم مع طارق البيت و مش بتخرج منه تاني في الاول قال ممكن تكون بدخل و أنا مش بشوفهم و بدأ يركز عشان يتأكد و فعلا أتاكد أن اللي بيدخل البيت دا مش بيخرج منه تاني بدأ ېخاف و قرر أنه لازم يعرف الناس دي بتروح فين و بيحصل فيها أي مش طبيعي الناس تختفي كدا من غير مقدمات في يوم وكالعادة خرج طارق من البيت و كالعادة مش هيرجع غير أخر اليوم قرر عاطف أنه يدخل البيت و يدور فيها علي أي حاجة غريبة يفهم منها اللي بيحصل وبالفعل دخل عاطف و بدأ يدور في كل البيت بس من غير أي فايدة مفيش أي حاجة غريبة مفيش أي أثر للناس اللي مش بتخرج من البيت خرج عاطف من البيت و هو مستغرب وخوفه بيزيد وفي نفس اليوم رجع طارق و معه واحده شابه ممكن تكون في أول العشرينات المهم دخلت معه البيت و عاطف واقف مش عارف يعمل أي لحد ما قرر أنه يدخل البيت براحة من غير ما حد يحس بيه و يشوف الناس دي بتروح فين فعلا دخل البيت من باب صغير دا من وراء و بدأ يمشي في البيت بس المفاجأة أن البيت فاضي حتي طارق من موجود زي ما تكون الأرض أنشقت وبلعتهم بدأ عاطف ېخاف بعد ما أتاكد أن طارق من موجود في البيت بدأ يسأل نفسه أزاي و هو لسه داخل قدامه من خمس دقائق و ممكن أقل قرر أنه يطلع من البيت و لسه بيتحرك عشان يخرج سمع صوت صړخة جاي من تحت رجله في البداية أتفزع و بدأ يستعيذ بالله من الشيطان الرجيم بس بعد دقيقة كان استجمع نفسه مرة تاني و بدأ يمشي وراء الصوت لحد ما و صل لباب سري في أرضية البيت موجوده في أوضة المكتب الخاصة بطارق فتح الباب لاقي سلم طويل بينزل لتحت مش شايف أخره نزل علي السلم و الجو كله ظلام مفيش أي أثر لنور لحد ما من بعيد بدأ يظهر نور بدأ يقرب منه و هو خاېف أول ما وصل كان في نهاية الممر باب و النور خارج من وراء الباب ده حاول يبص من وراء الباب و شاف أكتر منظر مرعب ممكن يشوفه في حياته المشهد قدامه كان كالاتي
طارق عريان من غير أي هدوم قاعد علي الارض جوا دائرة و جوا الدائرة حروف ورموز غريبة و جوا الدائرة في دائرة تاني يعني دائرتين جوا بعض و بينها في كلام و رموز مكتوبة بسائل لونه أحمر مفكرش كتير عشان يعرف أن السائل دا ډم و دا بسبب الچثة اللي قدامه و اللي كانت من غير رأس و قدامه كان واقف أبشع كائن ممكن حد يشوفه في حياته شيطان بكل ما تعنيه الكلمة من أول القرون الخارجة من رأسه و عينه اللي لونه أحمر و جسمه اللي عبارة عن عظم و مخالب خارجه من أيده و اللي ماسك بيها رأس الچثة و في الايد التانية كان ماسك ساعة شكلها غريب كل دا و عاطف واقف مش مستوعب ولا مصدق عينه ثواني مرت عليه كسنة لحد ما طارق لف