ابويا فسخ خطوبتي وخلاني اتجوز؟ بقلم رحاب القاضي
انت في الصفحة 1 من 6 صفحات
_ ابويا فسخ خطوبتي واجبرني اتجوز جوز اختي والسبب..
محمود
انتي شايفه نفسك علي ايهلا فوقي واعرفي مقامك هنا انتي فاهمه
ولاء بدموع
وايه مقامي بقي يا محمود..
محمود
شغاله تاخد بالها من ولاد اختها وبس ومالكيش اي حق في اي حاجه تانيه..
ولاء بدموع
تمام يبقي خليني بقي مع ولاد اختي وانت مالكش حاجه عندي ولا تطلب مني اي حاجه..
انا اللي اقوله تنفذيه انتي مش هتمشي كلامك عليا..
_وقبل ما نبدأ حكايتنا اعرفكم علي بطلتنا النهارده واللي اسمها ولاء وعندها 20 سنه ولسه بتدرس في الكليه ومخطوبه لابن خالتها اللي اكبر منها بخمس سنين..
وفي يوم كانت قاعده بتذاكر ودخلت عندها امها وقالت بهدوء..
ناهد
ولاء تعالي يا حبيبتي ابوكي عايزك بره في كلمتين..
حاضر يا ماما جايه حالا اهو..
_وطلعت ولاء مع مامتها وقعدو مع فتحي باباها اللي قال..
فتحي
تعالي يا ولاء بصي يا بنتي الدنيا سعات بتجبرنا ناخد قرارات بتكون صعبه بس لازن ناخدها عشان نرتاح ونريح غيرنا..
ولاء
ايه كلام الافلام ده يا بابا انا مش فاهمه حاجه..
فتحي
اختك الله يرحمها بقالها ست شهور مېته وحماتها مش راضيه تشيل العيال..
خلاص هاتوهم عندنا هنا اصلا الحضانه من حق ماما..
ناهد
نجيبهم ازاي ويبقو العيال اتحرمو من امهم وابوهم كمان وهو عايش الولاد لازم يتربو مع ابوهم وفي خيره..
ولاء
طيب والمفروض يحصل ايه دلوقتي هو محمود جوز مريم الله يرحمها عايز يتجوز يعني..
فتحي
ايوه هو عايز يتجوز بس خاېف يتجوز واحده ټأذي الولاد وتبقي ليهم مرات اب وما تبقاش ام..
فعشان كده هو اختارك انتي عشان انتي خالة الولاد ومش هتتعبيهم وهتاخدي بالك منهم وكانك امهم بالظبط..
ولاء پصدمه
ايه اللي انتو بتقولوه ده ازاي يفكر فيا كده انا اخت مراته يعني اختهمحمود ده انا بعتبره اخويا وو وانتو ازاي توافقو نسيتو اني مخطوبه اصلا..
فتحي
انا خلاص كلمت سليم وقولتله يجي ياخد. شبكته للظروف احكام..
انت بتقول ايه يا بابا ازاي بعني تعمل كده تفسخ خطوبتي عشان اتجوز جوز اختي..
فتحي
اختك الله يرحمها ووصتنا علي اياد وعمر ولادها وما فيش حد هياخد باله منهم ويبقي حنين عليهم غيرك وانا مش بجوزك لواحد وحش ولاممكن يظلمك انتي اكتر واحده شاهده ان محكود كان مخلي مريم اختك ملكه واللي نفسها فيه قبل ما تطلبه بيكون عندها وراجل الناس كلها بتحلف بأخلاقه
علي نفسه انا مش عايزااه انا راضيه بسليم خطيبي ومش هتجوز وتضحو بيا عشان ولاد بنتكم..
مسكها فتحي من دراعها وقال
انا ابوكي وعارف مصلحتك واللي اقولك عليه تنفذيه من غير ولا كلمه
ولاء پبكاء
انتي يرضيكي اللي بيعمله بابا ده يا ماما..
ناهد.
ابوكي عامل علي مصلحتك برضو يا ولاد ومحمود ما يتقالوش لا..
ولاء پبكاء
بس كده حرام انتو مدين سليم كلمه وهو خطيبي قدام الناس كلها..
فتحي
وانا ابوكي وحر فيكي اجوزك للي انا عايزه وانتي تسكتي وتسمعي الكلام. وعلي فكره هو ما عندوش مشكله تكملي تعليمك بس تروحي الجامعه في الامتحانات بس وجهزي نفسك لان الخميس الجاي زي النهارده كتب كتابك ودخلتك انتي ومحمود..
_سابتهم ولاء ودخلت اوضتها وهي بټعيط وعدت الايام واتجوزت محمود واول ما دخلت شقة اختها اللي بقيت شقتها هي دلوقتي وكانت لابسه الفستان الابيض محمود قالها..
محمود
طنط اخدت الولاد عندها النهارده عشان نبقي براحتنا..
ولاء بدموع
نبقي براحتنا في شقة اختي يا محمود هانت عليك مريم تتجوز اختها..
اتنهد بضيق وقال
عشان ولادي عملت كده واختك الله يرحمها وانتي اللي مراتي دلوقتي وانتي فاهمه قصدي كويس انا مش هضغط عليكي في حاجه بس عشان تبقي فاهمه الوضع بينا هيبقي ازاي انتي مراتي وانا جوزك..
ولاء
انا هدخل اوضة اياد وعمر وهبات هناك تصبح علي خير..
_ودخلت فعلا اوضة ولاد اختها وهو دخل اوضته وقرر انه يسيبها براحتها خالص وعدي يوم في التاني في اسبوع وكانت ولاء بتعمل كل حاجه لولاد اختها وكانهم ولادها بالظبط..
وفي يوم طلع محمود. من اوضته وقال
ولاء فين القمصان بتوعي..
ولاء
في الدولاب عندك..
محمود
ما فيش ولا واحد. منهم نضيف هو انتي حتي الاوضه ما بتدخليش تروقيها..
ولاء
حاضر هبقي اروقها..
محمود
بطلي برودك ده تقدري تقوليلي دلوقتي هروح الشغل ازاي رانتي لازمتك ايه في البيت اصلا..
ولاء پحده
وطي صوتك وانت بتتكلم معايا وقولتلك خلاص بعد كده هبقي اعملك حاجتك..
قرب منها وقال پحده
ده ڠصب عنك ومن النهارده ارجع من الشغل الاقيكي ناقصه هدزمك في اوضتي ونعيش كأننا اتنين متجوزين انا صبرت عليكي بما فيه الكفايه بس خلاص للصبر حدود ولو كلتمرما اتنفذش هيبقي الكلام مع ابوكي جو المراهقين والعيال الصفيره ده ما ينفعش معايا...
_قال كلامه وسابها ومشي واخر اليوم لما رجع كانت ولاء قاعده في الصاله بتذاكر هي وولاده اللي لما شافوه قال اياد..
اياد
حمدلله علي السلامه يا بابا خالتو خلتنا نذاكر وهي كمان بتذاكر معانا..
قعد محمود جنبيه وقال
شاطر يا حبيبي انت واخوك ولو نجحتو السنه دي بمجموع حلو هنسافر كلنا اسكندري..
فرحو ولاده وهو قالهم
ادخلو بقي كملو مذاكره جوه لحد ما الغدا يجهز..
سمعو الولاد كلامه وهو قال لولاء
انتي بتعملي ايه
ولاء
زي ما انت شايف بذاكر عشان عندي ميد تيرم كمان يومين..
محمود
ماليش فيه انا اللي يهصني اني ادخل البيت الاقي مراتي قاعده بتشوف طلباتي مش قاعده بتذاكر..
ولاء پحده
هو انت فاكرني الشغاله اللي جابوهالك اهلك..
محمود
احترمي نفسك وانا مش بطلب منك تبقي شغاله انا بطلب منك تبقي زوجه وتراعي ربنا فيا وفي طريقتك معايا..
ولاء
والمطلوب مني دلوقتي اعملك ايه
محمود
هدخل اخد دوش واطلع الاقي الغدا جاهز واعملي حسابك امي جايه في الطريق وهتتغدي معانا..
ولاء
حاضر حاجه تاني..
_ ما ردش عليها محمود ودخل اوضته ولقاها فعلا نقلت هدومها عنده في الاوضه ابتسم بهدوء وقال..
محمود
ناويه تتعبيني معاكي يا ولاء بس الصبر..
_وبعد شويه كانو كلهم قاعدين بيتغدو وقام اياد وقال..
اياد
انا شبعت يا لولو هروح اغسل ايدي..
عمر
وانا كمان شبعت يا لولو.
ساميه ام محمود
ايه لولو دي يا ولد منك ليها اسمها ماما ولاء..
اياد
خالتو هي اللي قالت نقولها كده يا تيته وما نقولش لحد ماما بعد ماما الله يرحمها..
ساميه پحده
والله عال انتي بتعلمي الولاد قلة الادب ولا ايه..
ولاء پحده
وهي ايه قلة الادب في اللي هما قالوه ده انا مهما عملت هبقي خالتهم وبس مش بالعافيه هبقي مكان اختي وهما من زمان بيدلعوني وبيقولولي يا لولو..
ساميه
ولنا تقفي وتردي عليا كده قدامهم بلسانك الطويل ده دي مش قلة ادب برضو..
جات ولاء ترد يس محمود قال بجمود
خلاص يا ولاء وادخلي مع الولاد عشان يغسلو ايدهم واعملي شاي..
_اتملت عيون ولاء دموع واخدت ولاد اختها ودخلت المطبخ بيهم وساميه قالت لمحمود بعصبيه..
ساميه
معقوله دي تبقي اخت مريم اللي كانت في منتهي الادب والاخلاق..
محمود
وهي غريبه يعني يا ماما ما هي اختها وبصراحه ما فيش واحده هتبقي حنينه علي الولاد بعد مريم غؤر ولاء وعشان كده اتجوزتها..
ساميه
وانت البت دي بتشوف طلباتك ولا لا..
محمود
دي حاجه بيني وبينها يا ماما وانا ما اشتكيتش من حاجه..
ساميه
محمود انت لسه في عز شبابك يا حبيبي ولو كنت بس سمعت كلامي واتجوزت بنت مدام هناء كان زمانها مهنياك..
محمود
انا مرتاح كده مدام ولادي مرتاحين وولاء مع الوقت هتتعود علي الوضع انا مش عايز اضغط عليها ولا عليا احنا
