اخويا جوزني وانا عندي 10 سنين عشان ياخد ورثي بقلم رحاب القاضي
انت في الصفحة 1 من 5 صفحات
اخويا جوزني وانا عندي عشر سنين عشان ياخد ورثي
_وقبل ما نبدأ حكايتنا اعرفكم علي بطلتنا النهارده واللي اسمها ملاك وعندها 12 سنه من عيله غنيه جدا وعندها اخ واحد بس من ام تانيه واكبر منها ب سنه لان ابوها راجل كبير واتجوز امها وخلفها وبعدين ماټ علي طول..
وقبل سنتين من دلوقتي كانت قاعده ملاك بتلعب في البيت مع بنت اخوها اللي في سنها بالظبط وجات ياسمين امها وقالت..
انتي يا بت تعالي معايا عايزااكي في موضوع مهم فوق عند اخوكي..
ملاك
انا عايزه العب مع نيره يا ماما الاول..
ياسمين
انتي هتقومي يا بت انتي ولا اجي اجيبك من شعرك واقطع الشبشب عليكي هااا..
ملاك پخوف
خلاص قايمه اهو اديني قايمه يا ست ماما..
_واخدتها ياسمين وطلعو عند اخوها اللي كان قاعد في البلكونه الكبيره وبيشرب شاي وشيشه ولما شافهم قال..
سلام قول من رب رحييم وانا اقول الدنيا غيمت كده ليه اتاريكي انتي وبنتك جايين عندي.
ياسمين
من الاخر يا ابن جوزي انا لا جايه اقعد عندك ولت عايزه اقعد في البيت ده تاني انا اخويا جابلي عريس وهتجوز وهسافر بره البلد وكل مشكلتي دلوقتي في اختك دي فخدها بقي خليها عندك..
نعيم
يا سلام دلوقتي اخليها عندي بعد ما فتحنا وصية ابويا وطلعت انا الواصي عليها علي العموم انا اختي اولي بيها وبربيتها من الغريب واهي تتربي مع بنتي وانتي روحي لحالك اصل وجودك يا مرات ابويا تقيل علي قلبي اوي..
من القلب للقلب يا عينيا انا همشي بقي وانت خلي بالك من اختك مش عشاني لا عشان الوصيه يا سيادة الواصي عليها..
وجات تمشي بس ملاك مسكت فيها وقالت پبكاء
استني يا ماما خديني معاكي ما تسبنيش هنا...
زقتها ياسمين بكل جبروت وقسوه وقالت
يا بنتي حلي عني بقي خليني لشوف نفسي واعيش سني وعمري وحياتي بدل ما اتدفنت هنا في البلد المتخلفه دي اوعي كده جاتك الهم انتي كمان..
نعيم
بس با ملاااك يا حبيبتي خلاص هي مش عايزاكي ومهما بكيتي مش هترجع وتاخدك تاني فقومي يلا يا شاطره روحي اعمليلي شاي عشان اقول عليكي شاطره..
ملاك بدموع
بس انا مش بعرف اعمل شاي يا نعيم..
نعيم پحده
هو انتي كنتي عملتي شاي قبل كده مثلا عشان تقولي اعرف ولا ما اعرفش..
انت اټجننت يا نعيم. سيب اختك وقوم قولي هي مرات ابوك سابت البيت بجد وحق وحقيقي ومشبت ولا هي بتهزر معايا وهتروح مشوار وجايه..
نعيم
لا يبقي اقلقي يا اختي عشان هي مشيت فعلا ورمتلي البنت وربي يا نعيم وكبرها يا نعيم ما هي للاسف اختي...
نجلاء
للاسف ليه يا نعيم ده انت كده الدنيا لعبت معاك ورث اختك بقي في ايدك..
ما هو كان في ايدي من الاول هو انتي ناسيه ان ابويا الله يرحمه موصيتي انا علي الورث بتاعها..
نجلاء
ما انا عارفه بس امها لما كانت موجوده كانت طابقه علي نفسك ونفسي ومش عارفين نتصرف في حاجه علي مزاجنا انما دلوقتي انت المتحكم لوحدك في كل حاجه..
نعيم
طيب يا فرحتي كفايه الهم اللي علي كتافي مش كفايه عليا بنتك كمان هربي اختي روحي اعمليلي كوباية شاي..
نجلاء
والله طول ما انت بدماغك دي يبقي لا هتفلح ولا هتكسب حاجه..
وبصت لملاك اللي بټعيط وقالتلها پحده
انتي لسه قااعده عندك يا بت انتي ما سمعتيش اخوكي وهو بيقول عايز شااي قومي يلا روحي اعمليلو كوباية شاي وبعدين اغسلي الاطباق اللي في المطبخ يلا يا اختي
