نعمة اندرو شريف المخوفاتي

ومش معانا غير الدار ومعاش بسيط بنصرف منه.
يبقى تتجوز بنت استاذة فريدة انت ماتعرفش جوزها يبقى معاه شركة اسهمها قد ايه في البورصة دلوقتي
ومش عايز اعرف تعرفي ليه.. عشان دي تبقى حياتي والست اللي هتجوزها دي هتبقى مراتي انا وعامة الفرح الاسبوع الجاي لو عايزة تحضري يبقى شرفتيني يا امي ولو مش عايزة يبقى براحتك.
علي.. انت لو خرجت من الباب ده تبقى.
قاطعها بكل برود
مش ابنك ولا اعرفك قديمة ومحروقة في افلام كتير عن اذنك يااا... يا استاذة مي.
مع بربشة عيني المشهد اتبدل مرة تانية كنت في نفس المكتب واستاذة مي واقفة متوترة ومتعصبة ومع عصبيتها كانت واقفة قدامها واحدة اول مرة اشوفها
يرضيكي اللي بيحصل ده يا لبنى بقى الواد يتجوز واروح فرحه ڠصب عني لا واخرتها ايه.. بيجيب حماته تقعد في الدار عشان مش لاقية حد يراعيها.
مانتي برضه يا استاذة مي ماكنش يصح توافقي دي ست فلاحة وصعبة أوي.
انا مش فاهمة هو بيحبها كده ليه ده الواد ماسك فيهم بايديه وسنانه انتي متخيلة ان كل ما بيشوف اللي اسمها سعيدة دي بيبوس راسها!
متخيلة وبشوفها يا استاذة مي بصي انتي ماقدمكيش غير انك توقعي بينهم.
ازاي يا ام العريف مانتي شايفة هو ماسك فيها ازاي.
ازاي دي سيبيها عليا يا ست المديرة انا هخطط وامخمخ وبعدها هقولك نعمل ايه.
لبنى خلصت كلام وخدت بعضها واتحركت لبرة لفيت جسمي ناحيتها عشان اشوفها رايحة فين لقيتها اختفت وحد بيفتح الباب والغريب ان لبنى هي اللي فتحته ودخلت لجوة كانت متوترة وخاېفة وقفت قدام المديرة وهي باصة على الأرض وقالتلها
انا اسفة والله ماعرفش اني بالطريقة دي هقربهم من بعض اكتر.
قعدتي تقوليلي ماتخافيش يا استاذة مي البت لما تشوف لؤي معاه فلوس ومتريش هتسيب علي واخرتها راحت قالت لعلي عليه ومن وقتها وعلاقتهم بقت اقوى.
مش يمكن يعني البت كويسة وبتحبه!
استاذة مي طلعت فيها مرة واحدة وعلامات الڠضب باينة على وشها
وانا مايهمنيش هي بتحبه ولا بتكرهه انا كل اللي يهمني انها تبعد عن ابني وبس.
بس ااا.
مابسش.. ومش عايزاكي تدخلي في الموضوع ده مرة تانية.
من غير ولا كلمة زيادة لبنى خدت بعضها واتحركت لبرة فتحت الباب وخرجت ساعتها شوفت نعمة واقفة قدامي وبتقولي
الموضوع ماخلصش هنا دي كانت مجرد بداية.
خدت خطوتين ناحيتها وساعتها كانت اختفت والباب اترزع ومع رزعته المكان اتغير لقيت نفسي جوة الأوضة الملعۏنة ونعمة كانت بتقفل الباب بالمفتاح وسعيدة والدتها واقفة بعيد لما قفلته.. اتحركت ناحية سعيدة وقالتلها
عايزة ايه اكتر من ان الناس بتراعيكي هنا ده حتى بوق الماية هم اللي بيجيبوه!
وانا مش عايزة يا نعمة ومن بكرة الصبح هرجع البلد هقعد هناك واللي يحصل يحصل.
يعني ايه هترجعي البلد.. انتي عارفة كويس ان عمي خلف مش هيسيبك ده راجل شړاني واحنا ما صدقنا ارتاحنا منه.
خلف احسن كتير من انك تعيشي في مكان حاسه فيه انك غريبة يابنتي دول مش شبهنا دول ولاد ذوات واحنا لأ ولولا اني عارفة اخلاق علي وعارفة انه كويس ماكنتش وافقت على الجوازة دي من اصله حتى امه ست المديرة بتعاملني بطريقة انا مش مرتحالها ده انا حتى كنت فاكرة بمجيتي هنا هرتاح من خلف وطريقته اللي تقرف بعد مۏت عيد جوزي لكن للأسف ماعرفش ان الحياة وسط الناس دي هتتعب اكتر.
حقيقي انا مش عارفة اساعدك ازاي دايما بتبوظي كل حاجة بدامغك القديمة بس بقولك ايه انتي لازم تعرفي ان عيشة الفلاحين دي مش