اسكريبت تخيلي جيران الشقة الجديدة

الرسالة دي بعتتها ليا صاحبتي هي ممكن تبان ليك رسالة عادية لكن هي مش كده نهائي
الرسالة دي رسمت نهاية حياتي حرفيا
أنا لسه راجعه من السفر أنا وجوزي كنا مسافرين بقالنا فترة وقررنا لما نرجع نشتري شقة جديدة 
وبما إن صاحبتي كانت لسه منتقله في عمارة جديدة وشقة جديدة سألتها إذا تقدر تشوف لنا كده لو في شقق فاضية في العمارة لأنها كانت بتتشكر فيها وبالمرة نكون أنا وهي سوا بعد الغربة اللي كنت فيها

وقالتلي إديني يومين وهرد عليك..
بعد يومين ردت عليا فعلا الرد ده اللي في الصورة كنت متحمسة جدا وتاني يوم فعلا رحنا أنا وجوزي وشوفناها مع صاحبتي الشقة كانت في الدور التاني شقة جميلة وواسعة و العمارة تقريبا سكانها مش كتير
تقريبا صاحبها بدأ يسكن الناس فيها حديثا يعني
عجبتنا وكلمت صاحبتي عشان أقابل صاحب العمارة فسألتها وأنا طالعة من الشقة 
فين صاحب العمارة! الصراحة عجبتنا وحابين نشتريها!
هو مش موجود دلوقتي.. بس أنا ليا تعامل معاه.. يعني لو حابة أوصله حاجه!!
مش فاهمه! أنا عايزة أشتري.. المفروض نقعد ونتكلم في الموضوع ده صح!
صاحب الشقة أنا إتفقت معاه على السعر زي ما قولتي.. هو مسافر وراجع بعد أربع أيام تقدري تنقلي كل حاجة وبعدين نتكلم في التفاصيل دي.. يعني عشان تشوفي إذا إرتحتوا وكده!
غريبة! يعني أول مره أشوف حاجة زي كده!
أنا زيك بردو.. أنا لسه ناقله من يومين زي ما إنت عارفة ولسه متكلمناش في التفاصيل دي.. هو مستريح مادي ا تقريبا عشان كده!!
تمام.. هكلمك!!
تاني يوم نقلنا وعزلنا في البيت الجديد بصراحة كنت مجبره إني أمشي وخصوصا لأن صاحب البيت القديم كان بيزن كل يوم فوق راسنا أننا نعزل عشان هو قرر يخلي العمارة للعيلة وبس قرر أنه مش هيأجرها بعد كده نهائي
كل الحاجات دي كانت سبب في أننا نتخذ سرعة الإنتقال للبيت الجديد اللي في العمارة الجديدة وواحده واحده بدأنا نظبط العفش والدنيا بس في شئ أنا متعودة إني أعمله كتير وهو إني لما بنتقل لعمارة جديده وخصوصا لو فيها سكان تانين معانا لازم أطلعلهم حاجة كده من باب الذوق والإحترام ونسلم عليهم وننزل تاني..
عرفت من صاحبتي إن في ست ساكنة فوقنا يعني العمارة تقريبا مش فيها حد غيري أنا وصاحبتي والست اللي فوقنا دي صاحبتي أصلا مطلقة واللي فوقنا جوزها مت وفي تقريبا لسه بفتح الباب وهطلع أنا وجوزي وطبعا قولنا نشتري أي حلويات من باب الذوق عشان مندخلش عليها بإيد فاضيه طلعت من باب الشقة ولسه بقفلها لقيت صاحبتي بتفتح باب شقتها وبتقولي بابتسامة بتخبي وراها توترها 
إيه رأيك تطلعي لوحدك ليها!
إشمعنا يعني! أنا الصراحة مبحبش أعمل حاجة بدون جوزي!
تمام..