نعمة اندرو شريف المخوفاتي

مي اللي قالتلي
انتي واقفة هنا بتعملي ايه داليا.. وبعدين انتي مارجعتيش البيت ليه... النهاردة الجو مش حلو والمطرة ممكن تمطر في أي وقت.
انا اسفة يا استاذة مي انا كنت مستنية بيري تخلص مكالمتها عشان اروح معاها.
طب انا عايزاكي في موضوع مهم.
اه طبعا يا استاذة مي اللي حضرتك عايزاه.
بكل صراحة انا مش هينفع اجيبك هنا تاني اصل الستات تعبانين زي مانتي شايفة وانا مش عايزة اتقل عليهم بس انا على وعدي وقت الامتحان هطلعهم بعربية للمدرسة عشان يمتحنوا واظن انك خلصتي شوط كبير معاهم.
اللي حضرتك تشوفيه وانا متشكرة جدا على مساعدتك ليا.
يا حبيبتي دي اقل حاجة وانا مش عايزاكي تزعلي الستات فعلا اشتكوا ومش عايزين يضايقوكي وانا اقنعتهم بالعافية انهم يمتحنوا.
في اللحظة دي بيري اتدخلت في الحوار.
ماما الحقي الجو برة بيمطر تلج كأنه رصاص شكلنا مش هنعرف نتحرك من هنا.
ردت عليها وهي منفعلة
يا بيري ما عشان كده قولتلكوا تمشوا بدري.
اعمل ايه طيب.. ما انا انشغلت في كام مكالمة.
ماتعمليش حاجة هتعملي ايه يعني.. هتقعدوا هنا لحد ما الجو يهدى او لحد بكرة الصبح ولا اقولك شوفوا عايزين تعملوا ايه انا مابقاش فيا دماغي افكر واللي فيا بصراحة بقى مكفيني.
بعد ما قالت الكلمتين دول مشيت وقتها بيري بصيتلي وهي صعبان عليها نفسها ولما حاولت اواسيها غيرت الموضوع وقالتلي
سيبك مني دلوقتي وكلمي باباكي قوليله انك هتقعدي هنا لحد ما الجو يتعدل.
خبطت ايدي على دماغي لما افتكرت بابا اتصلت بيه وبالعافية وافق اقعد هنا ولما اقنعته اني مش هعرف امشي في الجو ده وممكن دماغي تتفتح وافق لكن وقتها انا ماكنتش عارفة اني هقضي اسوء ليلة ممكن تعدي على اي انسان في حياته.
والليلة دي او الموضوع كله ابتدى لما خدنا اوضة جوة الدار نقعد فيها انا وبيري وساعتها هي كانت قاعدة وماسكة الموبايل بتخلص في شغل وانا متكومة على السرير وخاېفة وفضلنا على الحال ده والجو ماتظبطش لحد نص الليل بس لحظة ما دقت الساعة واعلنت عن يوم جديد سمعت نعمة بتهمس في ودني
دلوقتي يا داليا دلوقتي هتعرفي الحقيقة.
قومت من على السرير منطورة بصيت حواليا عشان اشوفها فين مالقتهاش ومش بس كده الأوضة كانت فاضية تماما حتى بيري اختفت كإن الأرض اتشقت وبلعتها وقتها ماكنش قدامي غير اني اقول يا رب ومع كلمة يارب اللي خرجت مني نعمة رجعت تهمس في ودني بنبرة كلها حزن
ماتخافيش يا داليا انا مرتبة كل حاجة ومش عايزة منك غير انك تشوفي اللي حصل وقتها هتساعديني من غير تردد.
مع بربشة عيني لقيت نفسي في مكتب المديرة كانت واقفة ومعاها شاب في اواخر العشرينات ومن الواضح ان فيه بينهم خلاف كبير لأن صوتهم كان عالي وهم بيزعقوا في بعض خاصة مديرة الدار اللي كانت بتقوله
تتبع
ماتنساش تعمل لايك وكومنت برأيك بعد ما تقرأ عشان ده بيشجعني أكمل ولو عجبتك القصة يا ريت تاخدها شير وبس كده اشوفكوا في الجزء التالت والأخير
أندرو_شريف_المخوفاتي
شبح_نعمة
شبح نعمة
٣
مع بربشة عيني لقيت نفسي في مكتب المديرة كانت واقفة ومعاها شاب في اواخر العشرينات ومن الواضح ان فيه بينهم خلاف كبير لأن صوتهم كان عالي وهم بيزعقوا في بعض خاصة مديرة الدار اللي كانت بتقوله
وانا مش موافقة يا علي ازاي بنت فلاحة زي دي تناسبنا! انت عارف احنا كنا ايه
كنا يا ماما وبابا اتوفى مديون واخرتها بيعنا اللي ورانا واللي قدامنا عشان نسدد دين هو ماكنش قايلنا عليه ومن وقتها