ابويا وجوزي _كامله

وقبل ما نبدا الحكايه اعرفكم بنفسي أنا ولاء
وكنت رايحه عند ابويا وانا مضړوبه ولقيته بيقولي
الاب 
كويس انك جيتي يا بنت دلوقتي ادخلي انا جايب نص كيلو لحمه جوه اسلقيه وحمري ليا كده 
بس هو انتي اكيد مش هتقعدي تاكلي معايا صح
ولاء 
هو ده اللي في دماغك بس هو انت مش شايف وشي عامل ازاي ولا ايه مش المفروض قلبك يبقى ملهوف عليا وتسالني ايه اللي في وشي ده

الاب 
صحيح يا بنت ايه اللي في وشك ده انت كنت بتتعبي بوكس مع حد ولا ايه
ولاء 
جوزي اللي عمل فيا كده مش عارف هو عمال يعمل فيها ايه والله بجد علشان انت على طول ساكت حرام عليك يا بابا اللي بيحصل فيا ده
الاب 
حرمت عليك عيشتك يا بنت انت من امتى وانتي بتتكلمي معايا بالطريقه اللي انتي بتتكلمي بيها دي
ولاء 
بالله عليك تيجي معايا وتقوله ما يمدش ايده عليا تاني لاحسن ان انت ما تعرفش والله بيعمل فيا ايه
الاب 
اسمعي كلام جوزك يا اختي وهو عمره ما هيعمل فيكي كده ادخلي يا بنت يلا لاحسن انا جعان واعملي كوبايه رز على قدي بس شكلي كده مش هتقعدي معايا مش صح
ولاء 
انا بفكر اطلق منه وهاجي اعيش معاك هنا بجد انا مش قادره اعيش معاه تاني
الاب بعصبية 
نعم نعم ياختي تطلقي من مين لا طبعا 
انا مش موافق طلاق يعني مصاريف وعيال 
وهات يا بابا وجيب يا بابا لا طبعا انا 
مليش في الكلام ده احنا جوزنا بيكون 
دايم طول العمر يعني من يوم ما اتجوزتي 
وانا خلاص رميت طوبتك انتي سامعه ولا لا
ولاء 
حرام عليك والله اللي بتعمله فيا ده هو انا 
مش بنتك وبعدين ده ربنا حلل الطلاق 
انت عايز تحرمه ليه بس
الاب
ان ابغض الحلال عند الله الطلاق ياختي 
ولا انتي مش فاهمه في دينك كويس ولا اي 
بقولك اي يا بت روحي امشي من هنا 
ولو علي حته اللحمه انا هحمرها ل نفسي 
امشي غوري ال اطلق ال بنات 
هم والله وبعدها مشيت وانا عامله اعيط
وانا نازله قبلت عمتي
العمه 
هههههههههههه حلو اوي اللي في وشك ده ما قولتك تتجوزي ابني وانتي كنتي هتعيشي 
معاه اسعد ايام حياتك انتي اللي اتنكتي
ولاء 
بالله عليكي يا عمتي مش ناقصه كلامك اللي انت عماله تقوليه ده سيبيني انا اللي فيا مكفيني
العمه 
انا مستعده يا بنتي انتي اقف جنبك واعملك كل اللي انتي عايزاه بس برده انتي كمان تعملي اللي انا عايزاه
ولاء 
ارجوك يا عمتي قوليلي ايه الموضوع اللي انتي عايزاني فيه وانا اعملك والله ان انتي عايزه بس اطلق من اللي اسمه هشام ده
العمه 
تمضي لابوكي على بيع البيت ده وانا ساعتها هديكي شقه فيه بس ارمي ابوكي رميه الكلاب في الشارع
ولاء 
انتي اكيد بتهزري انا لا يمكن اعمل الكلام اللي انت بتقولي عليه ده انت فاهمه يعني ايه اجي على ابويا واعمل كده انتي خدتي نصيبك مره يا عمتي في البيت وانا لا يمكن اخليكي تعملي كده في ابويا
العمه 
ماشي يا حبيبت ابوكي امشي بقي من هنا 
وخليكي معاه اللي مطلع عينك ده وبعدها روحت 
البيت ولقيت هشام قاعد هو وحماتي
الحما 
اهي السنيوره جت اهي شوف مراتك المحترمه كانت فين بقى ان شاء الله
هشام 
انت ازاي يا بنت انتي تخرجي من غير اذني وكنت فين كده بقى ان شاء الله
ولاء 
من غير ضړب طيب يا هشام وانا هقولك والله انا كنت بشتري شويه حاجات وقولت اعدي على بابا كده اشوفه يكون عايز حاجه
الحما 
كدابه فين الحاجه اللي كنتي بتجبيها وبعدين 
ياختي ابوكي مين ده بقي اللي رايحه تشوفيه هو كان يا