اختي بدلت دهبي بقلم هويدا زغلول
انت في الصفحة 1 من 8 صفحات
اختي بدلت دهبي بالصيني علشان ترضي حماتها
وقبل ما بدا حكايتي اعرفكم بنفسي انا اسمي ريهام عندي 25 سنة مخطوبة وليا اخت متجوزه وعايشة مع حماتها في بيت واحد وكل يوم والتاني تعمل مشكله بسبب ان حماتها مش بتحبها وبتعاملها وحش
وفي يوم لقيت اختي جايه ټعيط لماما وتقولها
انا مش عايزة ارجع البيت ده تاني ياماما انا زهقت وتعبت من الوليه دي خالص دي قرفتني في عيشتي
ايه تاني بس يا رقيه انتو كل يوم والتاني تتخانقو وتيجي ڠضبانة من حماتك يابنتي حرام عليكي والله اللي بتعمليه ده ده مش اسمة كلام ده
رقيه
اعمل ايه بس للست دي دي هتجبلي الضغط انا تعبت خالص انا قولت لخالد يطلقني احسن بسبب امه دي
الام
يلهوي طلاق ايه بس يابنتي وبناتك الاتنين دول تروحي بيهم فين بس لا لا يا رقيه جوزك بيحبك وشاريكي وعمره ماهيفكر يطلقك سيبك من الكلام الفاضي ده
هو انتي متجيش عندنا هنا غير وانتي منكده على نفسك وعماله ټعيطي حرام عليكي كده ياشيخة والله مينفعش كده
رقيه
اعمل ايه يعني ياست ريهام ربنا وعدني بحما بورية منها بورية يارب ياختي ماتكون حماتك زيها كده وتطلع طيبه وكويسه
ريهام
اكيد طبعا حماتي طيب وكويسة انا عارفاها من دلوقتي من قبل ماروح عندها
خلاص بقا يابنات ريهام خودي يابنتي ساندي وسهير دخليهم معاكي جوه في عشان ميحسوش باللي امهم بتعمله ده
ريهام
حاضر ياماما تعالي ياساندي تعالي ياسهير تعالي ياحبايبي ندخل جوه الاوضه عندي
واخدت بناتها ودخلت الاوضة ورقيه قالت لماما ده حتى غصبت على ابنها نسمي البت على اسمها وانا اقوله ياخالد يعني الكبيره يبقا اسمها ساندي والصغيرة اسمها سهير ده اسمه كلام ياراجل هطلع البت كارهه اسمها يرد يقولي اللي امي تقول عليه هو اللي يمشي انتي عمرك شوفت كده ياماما
برضو ومالو هو بيحب يرضى امه مفيهاش مشكلة عادي ده انتي باللي هو بيعمله مع أمه ده المفروض تشليه فوق راسك مش تزعلي منه
رقيه بټعيط
انا عارفه اني محدش هينسفني اصلا ياما انا غلبانة يعنى
الام
استغفر الله العظيم هو انتي اللي يقولك الحق يبقا غلط في حقك يابنتي حرام عليكي بقا انا هاقوم احضر الاكل عشان الولاد ياكله
هي ماما هتفضل ټعيط كده علطول ياخالتو هي كل يوم بټعيطي كده عشان تيته بتزعق معاها
ريهام
بصي ياساندي احنا ملناش دعوة بالكبار ياحبيبتي يعنى هما ليهم مشاكلهم بتاعت الكبار انتي لسه صغنونة ماشي
ساندي
حاضر ياخالتو انا مش هيبقا ليا دعوة بحاجة خالص عشان انا صغنونه
برافو عليكي يلا بقا هاتي حضڼ كبير عشان اديكي شيكولاتة انتي وسوسو
ورجع خالد البيت ملقاش اختي في البيت وقال لامه
هي رقيه فين يا أمي مش موجوده
