اختي بدلت دهبي بقلم هويدا زغلول

انا مفيش مني وبكرة لو رحت هتقولي مكانش فيه زيك يارقيه
حماتي
طيب ياختي متوريني كده اللي مفيش منها دي
رقيه
ماشي ياحماتي حاضر انا هسمع الكلام في كل حاجة واقولك أمرا وطاع تمام كده
الحما
ايوه كده يلا ادخلي على المطبخ اعملي لي فنجان قهوة وحشتني القهوة بتاعتك يامخفيه انتي
رقيه
من عنيا حاضر ودخلت جوه رقيه وحماتها قالت 
والنبي البت دي هبلة وعبيطة
خالد 
بس بتحبك والله يا امي ده احنا ملناش بركة الا انتي
الام 
ماشي ياحبيبي كوول بعقلي حلاوه ياواد
خالد 
خلاص بقا يا أمي
وكنت قاعده في اوضتي اتصلت با امجد خطيبي قولت له
انت مش ناوي تيجي عندنا بقا على فكرة انت بقالك فترة بتقولي جاي ومش بتيجي
امجد
اعمل ايه بس يا ريهام الشغل كتير عليا اوي ياحبيبتي بابا مشيلني مسؤولية الشركة كلها فوق دماغي ومش عارف اخد يوم اجازه حتى على العموم جهزي نفسك يوم الجمعة الجايه عشان اخرجك خروجة حلوه
ريهام
بجد يا أمجد طيب هستناك بس على الله بقا تيجي تقولي مش جاي او تعتذر وتقولي حصلت لي ظروف هزعل بجد
امجد
لا لا ياحبيبتي متقلقيش خلاص جاي بإذن الله
وقفلت معاه وخرجت قولت لماما انه امجد هيجي يخرجني الجمعة وقالت لي
ومالو ياحبيبتي ربنا يسعدك يارب بس انتي متأكدة انه جاي اصل دايما يقولك جاي ومش بيجي
ريهام
لا ده أكد عليا خلاص وبعدين بنتك مسيطرة يعنى ياماما
الام
ربنا يسعدكم ياحبيبتي وافرح بيكي بقا
وعند اختي رقيه حماتها كانت قاعده مع واحده صاحبتها وقالت لها
والله يام محمود انا نفسي اجوز هند بنتي بس هجهزها منين العين بصيره واليد قصيره ياختى دي عايزة شي وشيويات هجيب لها منين واخوها كتر خيره اهو بيعمل اللي عليه
الصاحبة
ياختي ربنا يكرمك ويرزقك ان شاء الله انتي بس فكري في الموضوع الراجل اللي محمود ابني قالي عليه ده جدع زي الفل وميترفضش يا ام خالد فكري ياختى في الموضوع وردي عليا
الحما
خلاص انا هتكلم من البنت واشوف اخوها راية ايه وارد عليكم
الصاحبة
طيب ياحبيبتي بالاذن انا بقا فوتك بعافيه يام خالد
ومشيت ورقيه قالت لحماتها هو ايه ياحماتي هي الحاجة ام محمود كانت عايزة ايه
الحما
اسكتي يابت دي جايبه عريس لهند بنتي وبتقول انه جدع ابن حلال وشاري بس انا هعمل ايه يابت يا رقيه مش معايا حاجة عشان اجهز هند هنجيب منين بقا
رقيه
طيب لما هي توافق انتي بقا تشوفي موضوع الجهاز ده بعدين وكمان ياحماتي البنت بيجي رزقها لوحده كده اطمني
الحما
منين يابت منين وبعدين لو قولت لخالد انتي عارفه انه ممعهوش فلوس هيجيب منين الا اذا بقا يكون عاين حاجة وانتي مش عايزة تقولي
رقيه
عاين حاجة ايه بس ياحماتي ولا عاين ولا بتاع ده خالد غلبان خالص
الحما
اسمعي يابت يا رقيه لو عايزاني ابقي راضيه عنك وقلبي مفيهوش غيرك يبقا تخلي جوزك يساعد اخته ويحاول يجيب لها حاجة في