اختي بدلت دهبي بقلم هويدا زغلول

الجهاز لو قدرتي تخلي جوزك يعمل كده متعرفيش انا هرضي عنك ازاى
رقيه
عيوني ياحماتي انا هكلمة وهقنعة بس اهم حاجة تكوني راضيه عني انتي بس
ورجع خالد وطلع لرقيه وقالت له على الموضوع بتاع العريس قالها
وانا هجيب منين بس يارقيه مش فاهم انا
رقيه
انا عارفه انك مش هتقدر ياخالد بس انت ممكن تعمل سلفه من الشغل ولا حاجة هو انا اللي هاقولك تعمل ايه ياحبيبي دي برضو مهما ان كانت اختك
خالد
بقولك ايه يارقيه سبيني بس دلوقتي لما يبقا يحصل خطوبه يبقا يحلها حلال
وسابها وقام دخل ينام
وجه يوم الجمعة وامجد خطيبي جه عندنا وقالي
وحشتيني اوي ياريهام يلا بينا بقا عشان نلحق اليوم من أوله عشان انا ناوي اخرجك خروجة محصلتش
ماما قالت له
خلو بالكم من نفسكم يا أمجد
امجد
حاضر ياحماتي متقلقيش علينا ااه صحيح قبل مانسي خودي الهدية دي عشانك
الام
ايه يابني عشاني انا الخاتم الدهب ده ربنا ما يحرمني منك يارب
امجد
وانتي كمان ياريهام خودي ده عشان
ريهام
الله يا أمجد حلوين اوي وبعدين معاك يا أمجد انت مغرقني دهب انا بقول كفايه كده عليك انت بتجيب لي انا وماما دهب كتير
امجد
مفيش حاجة تغلى عليكي ياست البنات انتي وست الكل حماتي
الام
ربنا يبارك فيك يابني ويسعدك يارب
امجد
طيب ايه بقا يلا بينا هنتاخر كده
ومشينا انا وامجد وفسحني يومها فسحة جميله وراني مصر كلها وجبلي كل اللي نفسي فيه
وتاني يوم جات عندنا رقيه بس المره دي كانت جايه ومش ڠضبانة واقعدت وماما قالت لها
اسكتي يارقيه خطيب اختك كان عندنا امبارح وجبلي الخاتم ده هديه لا وكمان جاب لاختك مشاء الله خاتم واسورة انما ايه الواد امجد ده كريم اوي ربنا يسعده
رقيه
ااه يعنى هو بيجيب ربنا يسعده وعشان خالد جوزي على اد حاله ومش بيجيب حاجة يبقا مش تدعيله زي سي امجد بتاعك
الام
لا اله الا الله هو انا يابنتي جبت سيرة خالد جوزك انا بوريكي الحاجة اللي خطيب اختك جابها مش قصدي حاجة يابنتي خالص والله
رقيه
خلاص ياماما طيب وهو احنا يعني مش هينولنا من الحب جانب ولا ايه احنا بلاش يعنى وبعدين دي الست ريهام جالها دهب بالهبل هي ناقصه دهب يعنى
الام
يابنتي ده رزق اختك وجاي لها هتقولي ايه يعني اختك غلبانة ورزقها في رجليها عقبال ماربنا يكرم جوزك ويجبلك كل حاجة يابنتي
رقيه
ااه طيب ياست ماما ربنا يخليلكم سي امجد بتاعكم ده
الام
ربنا يهديكي يارقيه يارب
وخرجت من الاوضة وقولت لها في ايه يارقيه مالك هو يعنى بلاش خطيبي بيجبلي حاجة ولا ايه هو بيحبني وبيجبلي اقوله لا يعني ولا انتي غيرانه
رقية 
وانا هغير من اية ان شاء الله
ريهام 
غيرانه ان خطيبي بيجيب ليا دهب كتير و مش حرمني من حاجة وانتي جوزك علي قده و مش بيجيب ليا حاجه
رقية 
شايفة بنتك بتقول اية يا ماما شايفة
الام 
عيب كدة