شرف ارمله _الحلقه الاولي _محمد خلف صالح
انت في الصفحة 1 من 3 صفحات
جنة الخلوود حبيبتي بصراحة حلوة ومختلفة
شرف أرمله
الحلقه الاولى
فى احد المنازل البسيطه المتوسطه ...
تعيش سيده ولديها من الابناء ابنتان ... إلهام وأميمه ...
الام انعام يا إلهام ... انتى يا بت يا إلهام
إلهام وهي البنت الكبرى بنوته ف 5 ابتدائى ...
إلهام وهى رافعه بنطلون الترننج وماسكه ممسحه فى ايديها ... بتقف وهى بتحاول تاخد نفاسها ... ايوه يا ماما ... انا عاوزه اخلص المسح ... عاوزه ألحق الدرس ...
إلهام بخضه مالك يا أميمه ... من يوم ما اتولدتى وانتى تعبانه كده ... !!!
انعام بدموع اه يا بنتى ... بختها مايل تتولد وابوها ېموت . وميعديش عليها اسبوع غير وهى عيانه ... اعمل ايه بس ربنا كبير وقادر يرحمها ويرحمنى من تعبى دا ... يلا هروح وانتى خلى بالك من الشقه ومتدخليش حد غير لما اجى ...
ربنا بس يطمنى على اختك ... وهاجى على طول ...
ماشى .......
ماشيه أنعام فى الشارع وهى شايله بنتها الصغيره وبتجرى بيها على الطريق ...
وهى سامعه وشايفه نظرات الجيران ليها ...
صاحب السوبر ماركت منصور بيتكلم وهو بيبص عليها بنظرات حاده ايه يا ست الستات رايحه فين كده ...
منصور لالالالا استنى اقفل الدكان واجى معاكى ... ونوديها انضف عياده فيكى يا منطقه ... ومن جنيه لالف .
أنعام بتكمل طريقها بسرعه لاء شكرااا ... انا هوديها متشكره ...
وصوت كذا حد طالع لهطت القشطه اهيه ... بقى فى حد يسيب المهلبيه دى وېموت يا جدعان ... ايوووووه لو توافق بس ... وهكذا لحد ما دموعها نزلت ... على العيون الطمعانه فيها ... وعدم الامان اللى حساه .
بعد اكتر من ساعه اميمه عبدالله رفعت ...
أنعام بتفوق من شرودها انا اهو ...
بتدخل اوضه ... وبعد الكشف ...
الدكتور بنتك زى الفل ... هى بتشتكى من ايه ...
أنعام بصوت هادى مبتعملش حمام غير كل 3 ايام ... وبتعيط على طول حتى لو لسه راضعه ولا مغيره برضو مبتبطلش ابدااا ...!
الدكتور انتى بترضعيها طبيعى ولا صناعى ...
لاء بصى البنت دى مبتشبعش منك ... لازم تكمل لبن ببرونه وهى هتبقى زى الفل ... مفيهاش تعب هو جوع ... وكمان قليله على 3 شهور اوى ...
يعنى انت عاوزنى ارضعها صناعى ... حرام يا دكتور هتبقى تخينه ومفيهاش صحه ...!
