شرف ارمله _الحلقه الاولي _محمد خلف صالح

عاوزك انتى يا أنعام ... اول ما جوزك ېموت هجوزك ...
أنعام بصوت خاېف عارف لو مخرجتش بره هصوت وأخلى اللى ما يشترى يتفرج عليك ...
سعيد بجرأه لاء انتى مش مجنونه تعملى كده ... عارف انك اتظلمتى مع المړيض اللى جوه دا وانا هعوضك ...
أنعام بتحدى اخرس قطع لسانك عبدالله سيد الناس ... ااخرج بلاش تخلينى اڤضحك النهارده مراتك حبيبتى مش عاوزه اخسرها بسبب كلب زيك ...!
سعيد بيتغاضى عن كلمتها انا هخرج بس عارف ان خلاص هانت وهنبقى سوا ... طول العمر ...!
أنعام بضيق اخرج بره يا حيوان ...
سعيد بيفتح الباب وهو بيردد بصوت واطى صدقينى يوم ما اتجوزك هتندمى انك غلطى فيا كده ...
وقت خروجه بتكون راجعه إلهام من الدرس واول ما بتدخل بتشوفه وهو بيفتح باب المطبخ وخارج ...
إلهام بتجرى وبتبصله ...
سعيد اول ما شافها رجع بعينه على المطبخ وبصلها وأبتسم وخرج يشرب سېجاره اقدام الباب ...
إلهام بتجرى على المطبخ بتشوف مامتها بتلاقيها واقفه سرحانه وراكنه على التلاجه ... بتبصلها بعين مليانه دموع وبتجرى تبص على باباها ...
بتدخل الاوضه ...
ناديه بتقوم علشان تسلم عليها ...
بتسيبها إلهام وتجرى على سرير باباها يا حبيبى يا بابا يا حبيبى ...
باااااااااااك
بترجع إلهام للواقع ودموعها نازله على خدها ... بتسيب الشنطه اللى فيها الطرحه على كرسى الانتريه البسيط بتاعهم وبتجرى على اوضتها تكمل نهر دموعها ...
بتخرج إلهام من اوضتها بعد نص ساعه من رجوعها على صوت والدتها وهى بتنادى عليها ...
إلهام نعم ...!
ايه يا حبيبتى انتى جيتى امتى ... قلقت عليكى لسه بقول انتى فين ...
ماما هو عمو سعيد دا كان هنا بيعمل ايه 
سعيد مين
جوز طنط ناديه
مجاش ...!
انا شيفاه واقف على بابنا ............