صحيت لقيت نفسي متجوزه ومخلفه_ كامله _بقلم هويدا زغلول

_نمت وصحيت لقيت نفسي متجوزه ومخلفه
وقبل ما نبدا الحكايه اعرفكم بنفسي 
انا ندي عايشه معاه قريبنا من بعيد 
بعد ما اهلي راحوا وفي يوم كنت بعمل الفطار 
وبدخله البلكونه عند سمير ابنهم
سمير 
يا شيخ حرام عليك مش تكحي افتكرتك بابا خليتيني رميت السېجاره
ندي 
ما هو انت لو فكرت تشرب سجاير تاني انا هقول لابوك فعلا يابني خاف علي صحتك شويه
سمير
خلاص بقي يا ندي ما تكبريش الموضوع دي سېجاره وراحت لحالها قولي ليا بقي انتي مبسوطه هنا معانا..
ندي 
هو انا اعرف حد غيركم اصلا يعني مبسوطه او لا فا انا لازم ارضي بالعيشه وخلاص والاجر والثواب من عند ربنا..

سمير
امشي يا بت انتي من هنا ده بابا وماما بيعاملوكي احسن مني اصلا..
ندي 
معاك حق بس عشان فعلا اتحب اصلا يا سمير المهم انا داخله انام بقي عشان الحق صلاة الفجر.. ودخلت نامت وهو طلع قعد في الصاله والام قالت..
الام 
ها يا واد يا سمير كلمتها ولا لا في الموضوع اللي اتفقنا عليه..
سمير
لا يا ماما ما قولتلهاش ايه اللي هيخلي وحده زي ندي توافق بيا انا وانتو عارفين اللي فيها..
الاب 
والله ابنك معاه حق يا عليه ده لا شغله ولا مشغله وعايش علي قفايا وهو داخل علي التلاتين سنه ومش بس كده لا كمان ليه سابقه بسبب البت اللي كان عايز يعمل معاها اا..
عليه الام پحده 
لا والنبي ما تدخل تقولها احسن ان ابنك ليه سابقه عند. الشرطه بسبب انه قل ادبه علي بنت جيرانا في البيت القديم وكمان قعد سنتين في الاحداث..
سمير بغيظ 
هو انتو ليه يا جماعه كل ما انسي تفكروني ده انا كنت عيل صغير وقتها وبعدين انتو ندي عندكم اهي كلموها انتو لو هي وافقت يبقي انا ما عنديش مانع..
الاب 
بس انت اللي هتتجوزها وانت اللي لازم تكلمها في الموضوع ده..
عليه 
خلاص منك ليه سيبو الموضوع ده عليا انا وانا هعرف احله كويس واخليها توافق عليك وعلي لي حاجه نطلبها منها كمان... وتاني بوم الصبح صحيت ودخلت المطبخ عشان اجهز الفطار ودخلت عليه..
عليه 
انتي بتعملي ايه يا حبيبتي علي الصبح كده..
ندي 
لقيتك كل يوم بتصحي انتي تجهزي الفطار يا طنط قولت انا اجهزه النهارده..
الام 
يا اختي يا ريتها البت نجلاء بنتي زيك والله لا كنت اشتكيت ولا اتكلمت انها هي مش وراها غير الموبيل والصرمحه..
ندي 
معلش يا طنط مسير الايام تجيبها مش انتي برضو لما بتتكلمي بتقولي كده..
ضحكت عليه وقالت
ههههه معاكي حق انتي بقيتي كمان بتتكلمي زيي بالظبط المهم بس سيبي الفطار ده نجهزه بعد ما اتكلم معاكي كلمتين مهمين...
طلعنا قعدت في الصاله وقولتلها
خير يا طنط في ايه..
عليه 
في كل خير يا حبيبتي انتي عارفه ان بعد الحاډثه االي حصلتلك واحنا ما كانش ينفع نسيبك لوحدك حتي بيت ابوكي اللي انتي كنتي عايشه فيه انتي مش فاكرااه فين....
ندي بدموع
ما انتي عارفه يا طنط من وقت الحاډثه مش فاكره اي حاجه وصحيت لقيتكم في وشي وانتو قرايبي واهلي..
عليه 
عارفه يا بنتي بس الناس كلامها ما بيرحمش وقعدتك هنا وسمير موجود خلت الكلام كتر علينا..
ندي بجزن 
انا ممكن امشي وادور علي بيت ابويا واقعد فين..
عليه 
بطلي كلام ما لوش لازمه انتي مش هتمشي من هنا وكمان سمير ابني مش هقدر اقول ليه امشي من هنا وانتي عارفه ده غلبان وطيب ومش هيعرف يتصرف....
ندي 
طيب وايه الحل يا طنط انا مش عايزه اعمل ليكم مشاكل اكتر من كده..
عليه بخبث
بصي انا عندي حل هيخرس لسان الناس كلها عننا بس انا عايزكي تبقي بنتي حبيبتي بجد وتوافقي...
ندي بقلق
طيب ايه هو الحل يا طنط عليه وانا لو اقدر عليه او اقدر انفذه مش هقول غير حاضر وانتي عارفه..
عليه 
انا اقولك انا عايزاكي لسمير ابني تتجوزيه وتقعدو معانا في الشقه هنا...
ندي بتوتر
ايه الكلام اللي انتي بتقوليه ده يا طنط انتي عارفه سمير ده في مقام اخويا..
عليه 
بس هو مش اخوكي انتي ما تعرفيش انه بيحبك ده ديما بيقولي بحبها يا ماما ونفسي اتجوزها..
ندي 
ازاي بس وهو عمره ما قال ليا حاجه زي دي ابدا..
عليه 
مكسوف يا حبة عيني اكمنه لسه ما لقااش شغل بس انا اخويا خلاص قال هيلاقيله وظيفه حلوه..
ندي 
خلاص اللي تشوفيه يا طنط انا موافقه عليه كغايه والله وقفتكم جنبي..