ام احمد
بحد
الجارة
طيب اسمعي بقا عشان ابو الت مرات ابني عايز يعمل قاعده رجاله ويجيب الناس تشهد وبما انك انتي صاحبتها فأنا عايزاكي تيجي وتشهدي عليها
سنية
وانا هشهد عليها بايه بقا انا مشوفتش حاجة ولا اعرف عنها حاجة من زمان يا وليه انتي بقولك ايه ابعديني عن الحوار ده
الجارة
طيب لو قولت لك تاخدي الالف جنية دي وتيجي تشهدي عليها وبعد ما ابني يطلقها انا هديكي الف زيهم ها قولتي ايه
ااا بصي يا ام ابراهيم انا مليش دعوة بالموضوع ده ياختي ااه وبعدين انتي عايزاني اشهد عليها بايه مش فاهمة
ام ابراهيم
هو مش انتي عارفه ان البت مرات ابني دي كانت مخطوبة قبل كده انتي بقا هتقولي انك شوفتيها بتكلم خطيبها ده كذا مره وانتي نصحتيها انها متعملش كده بس هي ابدا كانت مصممة على ده
طيب وانا كده مش هبقا بقول عليها بالباطل ولا ايه يا ام ابراهيم
ام ابراهيم
بتقولي عليها بالباطل ايه بس يابت ماهي دي الحقيقه انا شوفتها وسمعتها بنفسي بس اعمل ايه في ابني اللي مصدقني ومكدبني قدام الناس
سنية
طيب خلاص انا هفكر يا ام ابراهيم وبعدين ابقى ارد عليكي
ام ابراهيم
ماشي وانا مستنية ردك يابت اوعي تتأخري عليا لحسن القاعدة هتتعمل كمان يومين يلا انا همشي بقا دلوقتي
بقولك ايه يامنصور انا العلاج بتاعي خلص وعايزة علاج تاني
ردت حماتها وقالت لها
فلوس ايه يابت هو انتي كل يوم والتاني عايزة فلوس وهو ياحبيب امه هجيب لك منين يعني
سنية
هو ايه اللي يجيب لي منين ياحماتي اومال انا هجيب العلاج منين وبعدين العلاج ده اللي بيظبط الهرمونات عشان اعرف اخلف ولا انتي مش عايزة أحفاد
لا ياختي انا عايزة ابني يخلف بس مش منك من واحده تانية غيرك لما انتي تغوري في داهيه من هنا أن شاء الله
سنية
انت عجبك كلام امك ده يا منصور شايف بتقول عليا ايه
منصور
خلاص بقا يا سنية بطلي وانتي ياما بطلي كلامك ده الله يخليكي انا مش ناقص
الام
بقا كده يامنصور طيب يابني انا الحق عليا اني بدافع عنك روح بقا هات لها فلوس خليها تبعزق فلوسك يمين وشمال على قلة فايدة
اسمعي يا سنية انا لما يبقا معايا فلوس انا هديكي بطلي بقا كل شوية تطلبي مني فلوس كده يلا انا ماشي
قال كلامه ومشي وحماتها قالت لها
ريحي نفسك بقا ياختي ابني مش معاه ولا مليم عشان يديكي روحي لابوكي هاتي منه فلوس بلا هم كتك داهيه
طلعت سنية شقتها واتصلت بام ابراهيم وقالت لها
اسمعي يا ام ابراهيم انا موافقه اعمل اللي انتي قولتي لي عليه بس الأول اخد الالف جنية اللي اللي كنتي هتديهو لي في الأول ده
والالف جنية جاهز يابت اهو وبكرة تيجي تشهدي في القاعده وليكي الف زيهم
وفعلا اخدت سنية الفلوس واتعملت القاعده في البلد وهي حلفت وشهدت زور انه فعلا مرات ابنها بتكلم خطيبها الاولاني وجوزها طلقها وام ابراهيم قالت لها
عفارم عليكي يابت ياسنية خودي الالف التاني اللي اتفقت معاكي عليه اهو يلا روحي انتي بقا
ورجعت سنية البيت وقالت لنفسها
ده الموضوع ده طلع سهل اوي يا ولاد ده ايه ده ده انا هعمل كده علطول بقا هاشوف مين اللي حماتها قارفاها ولا مين قارفه مرات ابنها واروح اشهد معاها
