ام احمد
واقف
دي ام احمد يا استاذ منصور اللي قولت لك عليها وهي اللي هتعرف في ايه بالظبط
ام احمد
خير يا جماعه في ايه بس
منصور
ادخلي جوه ياست ام احمد وانتي تعرفي كل حاجة بس ارجوكي محدش يعرف حاجة عن اللي هتعرفيه
ام احمد
اطمن محدش هيعرف حاجة ابدا
ودخلت على المتوفيه شوفتها ومنظرها كان اللهم احفظنا مرعب اوي كان لسانها نازل لحد دقنها وقولت لها
لقيتها قامت وفضلت ټعيط وتقول لي
انا عملت ذنب كبير في حياتي ولساني ده هو السبب في الذنب انا كنت عايشة طول عمري بتكلم على الناس وبجيب في سيرة دي ودي بالباطل
ام احمد
ياساتر يارب ليه كده يا بنتي انتي متعرفيش ان لسانك ده هو اللي ممكن يدخلك الجنة وممكن يدخلك الڼار واديكي شوفني اللي حصل فيكي اهو
انا عارفه اني غلطت في حياتي بس عايزة اكفر عن ذنبي انا هحكي ليك عن اللي حصل مني طول حياتي انا كنت عايشة على الشهادة الزور
ام احمد
الشهادة الزور يعني ايه يعني كنتي بتروحي المحكمة وتشهدي شهادة زور
هي
لا يا احمد كنت بقعد في قعدات في البلد هنا واقول على حاجات زور محصلتش عشان اخرب بيوت انا ياما خربت بيوت يا ام احمد
لا اله الا الله طيب وليه كده يابنتي عملتي كده ليه بس
هي
ڠصب عني ياحبيبتي الشيطان هو اللي غواني وكنت بعمل كده عشان الفلوس بس ادي النتيجة واللي حصل لي
ام احمد
ايه بقا اللي انتي عملتيه في الناس عشان لسانك يبقا كده
هي
انا هحكي لك انا أسمي سنية وعايشة مع جوزى في بيت حماتي اللي كانت بتعاملني وحش اوي وكانت مورياني النجوم في عز الضهر وفضلت مستحملاها لحد في يوم ماجات واحده جارتي وقالت لي
الجارة
ازيك يا سنية عامله ايه بقولك ايه انا كنت عايزاكي في موضوع كده انا زهقت من البت مرات ابني دي اللي مخلياني مش عارفه اتلم على الواد خالص
سنية
وليه بقا ياست ام ابراهيم هي مرات ابنك عملت لك ايه ولا اوعي تكوني زي حماتي من اللي بيعملو عمايل سودة في مرات ابنها وتبين انها البريئة اللي مفيش منها
اخس عليكي يا بت انتي تشبهيني زي حماتك دي دي وليه قادرة ويتفات لها بلاد لا انا يابنتي مش شكل حماتك دي انا فعلا مرات ابني دي مورياني السواد وبعدي ما هي صاحبتك وانتي عارفاها كويس
سنية
ايوه صاحبتي والشهادة لله بتشكر في ابنك اوي وبتقول انه مدلعها ومهنيها ومش بيخليها محتاجة حاجة اصل الدنيا دي ياختي حظوظ بقا
ايوه ياختي حظوظ بلا هم اسمعيبقا انا البت دي انا مش عايزاها ولا عايزه تفضل على ذمة ابني وانتي اللي هتساعديني
سنية
وانا هساعدك ازاى بقا ياختي فهميني انتي كده هتخليني دماغي تودي وتجيب وايه نوع المساعده اللي هعملها لك دي
الجارة
بصي انا الصراحه كده قولت لابني اني بشوفها ماسكة التليفون ليل نهار والظاهر كده انها بتكلم حد يعني بتكلم رجاله وابني ياحبيبي صدقني ومسكها ضربها
سنية
طيب وانتي ليه تعملي كده يا وليه انتي مش خاېفه ولا ايه من ربنا
الجارة
لا ياختي انا خاېفه بس هي فعلا مش بنسيب التليفون واللي دايما ماسكة التليفون دي يبقا اكيد بتكلم رجاله اومال يابت هو انتي معرفتيش اللي حصل للبت شيماء لما جوزها قفشها بتكلم واحد ولا ايه
سنية
لا سمعت طبعا بس انا مالي بالحكاية دي كل واحده وحرة في حياتها احنا ملناش دعوه
