جوزي
تروحي بيت ابوكي ليه يا ليلي عايزة ترجعي تعيشي مع مرات ابوكي
ليلى
ماهو الصراحة مرات ابويا دي ولا جنة امك ياجمال دي كل شوية تقولي اني انا اللي فقر ونحست اخوك
جمال
لا متقوليش كده يا ليلي انتي ملكيش ذنب في لي حاجة اسمعي اطلعي شقتك وانا هتكلم مع امي في كلمتين كده بس ياريت متروحيش اي مكان دلوقتي وخليكي في شقتك
حاضر يا جمال عند اذنكم
وطلعت ليلى شقتها وجمال قال لأمه
انتي بتعامليها ليه كده يا أمي بس هي ليلى مالها ومال اللي حصل لسعد ابنك مش كل شوية تقولي لها كده
الام
والله انا كل ما اشوف البت دي افتكر اخوك واللي حصل معاه يصعب عليا وأفضل اشتم فيها واتهمها انها السبب
جمال
لا لا مايصحش اللي انتي بتعمليه ده برضو مهما ان حصل دي ليلى مرات اخويا وكانت بتحبه
بقولك ايه ياجمال يابني انا مش عايزة اشوف البت دي تاني في البيت خليها تمشي تروح على بيت ابوها ومراته تتصرف معاها
جمال
بس ليلى هتفضل هنا يا أمي ومش هتروح بيت ابوها عشان انا هتجوزها واعيش معاها
الام پصدمة
انت بتقول ايه ياجمال انت عايز تتجوز ارملة اخوك انت اټجننت دي هي اللي كانت السبب في اللي حصل له انت عايزها تنحسك زي ما نحست اخوك لا لا انسي الموضوع ده
لا يا أمي أنا مش هنسي ليلى انا بحبها وعايز اتجوزها وهتجوزها واعيش معاها
الام
وانا قولت لا ياجمال وليلى لازم تروح بيت أهلها وهما بقا يتصرفو معاها هناك اوعي كده من وشي
وبعدها جمال بقا يتحايل على امه وعدت الايام وقال لها
طيب اسمعي يا امي انا هودي ليلى عند بيت ابوها وهسيبها هناك لحد العده بتاعتها تخلص وبعدها اروح اتجوزها
يعني اللي في دماغك في دماغك برضو مفيش فايدة فيك يا جمال عايز تتجوزها
جمال
انا خلاص هتجوزها يعني هتجوزها بس العده تخلص على خير
وفعلا بعدها ليلى راحت بيت ابوها وهناك مرات ابوها قالت لها
وانتي بقا ياختي هتفضلي قاعده لنا كده في البيت ولا شغله ولا مشغله ولا هتعملي اي حاجة خالص فى حياتك
ليلى
انتي عايزاني اعمل ايه يامرات ابويا انزل اشتغل يعني ولا انزل اشتغل بقولك ايه خليكي في حالك وانا في حالي انا مش ناقصاكي
نعم ياختي وانا مالي يابت بيكي انا الحق عليا اللي عايزاكي تبقى مبسوطه
ليلى
انا قاعده في بيت ابويا ما أنا مش هرجع للوليه حماتي دي تاني واشوف منها المرار ماشي سبيني في حالي بقا
مرات ابوها
طيب اسمعي انتي كان في واحد متكلم عليكي وعايزك وانا قولت اقولك يمكن توافقي عليه
ليلى
واخد مين ده ان شاء الله وبعدين انا عايزة واحد يكون متريش ومعاه فلوس حلوه مش واحد مفلس اخده ويقولي هسافر اشتغل وبعدين يرجع لي چثة
لا ياختي ولا هو متريش ولا حاجة بس راجل ابن حلال وهيصونك بدال ما انتي قاعده لي كده في البيت وانا اللي اكلك
ليلى
ماهو انا مش هتجوز غير واحد معاه فلوس غير كده متحلميش اني اتجوز عندك واحد معاه انا جاهزة انما غير كده لا
هي
خلاص يابت خليكي قاعده كدة لحد لما العمر يجري بيكي وتلاقي نفسك بقيتي لوحدك كتك الهم والقرف
وبعدها شوية راح لهم جمال وقال لها
ازيك يا ليلي انا جاي بعد العده ماخلصت عشان كنت عايزك في موضوع مهم أوي
ليلى
موضوع ايه ده ياجمال اللي انت عايزني فيه انا مش فاهمة يعني
جمال
انتي عارفه يا ليلي اني عندي ورشة نجارة بتاعتي وانا اللي بشغلها وكسيب ومعايا الحمد لله اللي يفتح
