امي كامله بقلم هويدا زغلول
بتصدقي عاوزه تخلعي ادخلي يا ختي شمري عاوزكي تعملي المحمر والمشمر لاخوكي زمانو راجع من السفر هفتان
مني
هو ده وقتو يا ماما كلامك ده هو في حد جايلو لاي اكل ولا شرب ولا انتي نسيتي ان بابا رايح امبارح
الام
الحزن يا حبيبتي في القلب مش في الاكل ولا انتي عاوزاني اهمل في اخوكي ومراتو
والمفروض تعملي كده من نفسك مش انا الي اقولك تعملي كده الواد كان مسافر وانا مصدقت أنه رجع
خلاص يا ماما انا داخله والموضوع مش مستاهل كل ده علي العموم خلي بالك من الولاد ومش تزعليهم لو عملو حاجه
الام
لا طبعا مفيش الكلام ده عندي ويا حبيببتي انا مبحبش الدلع الفارغ الي بتعملي بيه عيالك
وانتي يا بت انتي وهو تقعدو زي الكرسي الي قاعدين عليه واعملو حسابكم لو اتحركتو
متعرفوش انا هعمل اي فيكم
يا ماما مش كده ودي مش طريقه دي عيال زي دول اطفال لسه مش هيفهمو الي هتقوليه
الام
ملكيش دعوه يا مني وادخلي يله يا اختي اعملي الي قولتلك عليه ولا هتفضلي ترغي لحد ما اخوكي يصحي هو و وولادو وميلاقوش اكل
مني
حاضر يا ماما الي تشوفيه وبروح داخله علي المطبخ وبعد شويه بخلص وبيكون احمد صحي
وخرجت من المطبخ ولقيت ماما بتقول
الام
كويس يا مني انك جيتي شوفي ولاد اخوكي حلوين اواي وهمه عمالين يلعبو قصادي
مني
ايوه يا ماما شايفه بس انتي مش ملاحظة انك مفرقه بين الولاد شويه ومقعده ولادي علي الكنبه وولاد احمد عمالين يلعبو قصادك وبتتكلميش
اي ايه انتي يتقوليه ده يا مني معقول انتي الي بتقولي الكلام ده
طب ازاي ولو طنط مبسوطه بالولاد علشان مش قصاد عنها وفرحانه بيهم مش علشان حاجه يعني
الام
سيبك منها يا شروق متشغليش بالك بكلامها هيه مني كده بتقول اي كلام وخلاص
بقولك اي يا مني لو خلصتي الاكل ياريت تغرفي
وكفايه عليكي كده خدي ولادك وامشي
عبير
اي روايح الاكل دي الي يشم كده ميقولش ان كان في عزا في البيت هنا
الام
يلي قاعدين يكفيكو شړ الجايين جايه ليه يا عبير انا عارفه كويس انك مبتحبيش تيجي تاني هنا غريبه يعني
عبير
بصراحه كده يا ماما من غير لف ولا دوران
انا جايه علشان اكلم عن توزيع الورث بتاعتنا
وبالذات الدنيا مزنقه معايا ومع جوزي العيال
الام پحده
هو انتي اټجننتي يا بت انتي ازاي تيجي تتكلمي في الموضوع ده وابوكي لسه رايح
عبير
هو انا غلط يعني في اي انا بطالب بحقي انا مقولتش حاجه غلط يعني
الام
ومفيش اي فلوس او ورث الا لما اخوكي كريم ينزل وكلكم تبقو مجتمعين غير كده مفيش اي فلوس
عبير
خلاص يا ماما سيبي الفلوس الي في البنك دلوقتي لو كده اكيد بابا سايب فلوس حلوه في البيت وبالذات مكنش بيحب يحط كل الفلوس الا في البنك وشوفي حقي اد اي وادهولي ووزعي الباقي عليهم وقت ما تحبي
الام
هو انتي يا بت مجنونه ةلا مبتسمعيش انا اخر مره اقول ليكي مفيش حد هياخد اي فلوس الا لما كريم ينزل ويله خدي اختك وامشو خلي اخوكي ومراتو يستريحو وبلاش تكبسو علي نفسهم كده
مني
تمام يا ماما ويله يا عبير كفايه علينا لحد كده
وبروح واخده عبير وبنمشي
عبير
انا مش فاهمه امك بتعمل كده ليه
وبتفرق بينا وبين احمد وكريم
ده حتي مقلتش لينا نقعد ناكل معاهم ونلاقيكي انتي الي طبخه
مني
لا طبعا مفيش الكلام الي في دماغك ده
