امي كامله بقلم هويدا زغلول
كل الحكايه بس ان اخواتك الصبيان وحشنها علشان كده بتعمل كده معاهم بس مش اكتر
عبير
خليكي كده يا اختي هبله هو انتي ناسيه كانت بتعاملني انا وانتي ازاي ويتعاملهم ازاي بلا نيله
علي العموم انا لما اروح اكلم كريم علشان ينزل خليني اشوف موضوع الورث ده هيوصل علي فين انتي متعرفيش انا لو متصرفتش في الفلوس هنبقي انا في الشارع انا والولاد
مني
طب اهدي يا حبيبتي وان شاء الله كريم هينزل وكل الامور هتتحل
عبير
يارب انا همشي بقا لما اشوف ممكن يكون سامح وصل لحل وبتروح سيباني وبتمشب
وفوق عند امي بيجي ليها احمد
احمد
ايوه كده يا ماما يا حبيبتي عجبتيني
وكويس انك اديتي ليا كل الفلوس الي كانت موجوده في البيت انتي متعرفيش انا مزنوق اد اي في فلوس الغتره الي جايه
وانا ميرضنيش يا حبيبي والفلوس كلها ليك انت واخوك انت تشاور انا عليا انفذ
احمد
صحيح يعني ابويا يتعب طول الفتره دي ويجيب الورث ده كله ويجي رجاله غريبه تاخده على الجاهز
الام
بس برده ما تنساش اخواتك باي حاجه حرام علشان ما نشيلش ذنبهم
احمد يا ماما انا عارفه اخواتي البنات هبله جدا ولو واحد من جوازاتها ضحك عليها ياخد اللي وراها واللي قدامها
عندك حق يا نن عين امك
وتعالي بقا كل
احمد
طب ثواني هدخل الاوضه واجي علي طول
واول ما بيدخل الاوضه بيروح مطلع كيس
ابيض وبيروح مفضيه علي التربيزه وبيروح يفضل يشم فيه وفي الوقت ده بتدخل شروق
شروب
اي الي انت بتهببو ده يا احمد مش خاېف لا امك تشوفك تبقي مصېبه وساعتها
هتاخد الفلوس الي انت واخدها
يا ستي فكك متقلقيش ماما مش هتعمل حاجه ليا انتي متعرفيش هيه بتحبني اد اي
شروق
طيب وطي صوتك وامسح الي علي مناخيرك ده
وتعالي نطلع بدل ما تطب علينا دلوقتي
وزي ما قولت ليك حاول تسلك منها اي فلوس انت شايف الظروف عامله ازاي
احمد
متشغليش بالك انتي بس اسبقيني وانا جاي وراكي مش عاوز اطلع من الدماغ الي انا عاملها
تمام وبتروح سيباه وبتمشي
وفي البيت عندي لسه جايه اطلع الشقه بتاعتي
لقيت حماتي بتقول
الحما
اخيرا يا حلوه شوفنا وشك يا ريت بقا تقعدي في البيت شويه
وتشوفي بيتك وولادك بدل ما انتي مقضياها عند امك كل شويه وحجتك
ابوكي راح مبقاش ليمي حجه تانيه بدل ما انتي سايبه الشقع بتاعتك تقلب تقعد ولا كان في بنادمين عايشين فيها
والله يا حماتي الوضع ده عاجب محسن لو في حاجه مش عجباه هيقولي مش هيتكسف يعني مني لما يقولي كده
الحما
ما ابني عبيط وانتي ضاحكه عليه
بس طول ما انتي بتعملي كده هيزهق يا حبيبتي وهيبص بره وساعتها خلي المحكمه تنفعك بولادك وبتروح مخلصه كلامها وبتقفل الباب في وشي
مني بضيق
اي الغباء ده والله لولا انت يامحسن كنت اخليها ټندم علي قفلت الباب ده
وبروح طالعه ومغيره هدومي وبنام
وبصحي علي صوت محسن وهو بيزعق
محسن بزعيق
اصحي يا ست هانم انتي هتفضلي نيمالي ولا اي هو اليوم الي ارجع فيه والاقيكي فيه
ارجع ملقيش اكل والشقه تقلب تقعد
مني
مالك يا حسين داخل حامي كده ليه ولا امك لحقت تسخنك عليا بعدين هو انت مش عارف ان انا كنت رايحه عند ماما ولا ايه
محسن
اي الي جاب سيره امي في الموضوع انا نفسي احس ان متجوز وابقي اول حد في حياتك مش ركناتي علي الرف كده انا والولاد
مني
بقولك اي يا محسن لو طالبه معاك خڼاقه مع نفسك انا راجعه من عند ماما مصدعه ولو جعان اقوم اعمل ليك بيضتين يسدو جوعك مش
