امي كامله بقلم هويدا زغلول

مع العيال اليومين دول علشان انتي عارفه ان انا مش هقدر اغيب من شغلي
الحما 
لا لا ان شاء الله هقعد مع مين ما فيش الكلام ده انا ماشيه دلوقتي الصبح وانت رايح شغلك يا حبيبي ابقى وديهم لامهم
محسن 
ازاي يعني يا ماما الكلام ده ما انت عارفه ان اليومين دول اليومين عزا عندهم ازاي العيال هيكونوا موجودين
الحما 
ما ليش فيه يا حبيبي خد العيال ووديهم عند امهم انا ما ليش دعوه ويلا تصبح علي خير 
انا رايحه شقتي وبعدها كنت قاعده ولقيت الباب بيخبط وفتحت
احمد 
ازيك يا منى عامله ايه هو ايه اللي حصل ده بابا راح ازاي
مني 
الف حمد لله على سلامتك يا احمد تعال ادخل تعالي يا شروق عامله ايه
شروق 
ازيك يا منى اخبارك ايه البقاء لله يا حبيبتي وبعدها دخل ولقيت ماما قامت وفضلت تحضن في احمد جامد
الام 
حبيبي يا ابني ما تعرفش والله البيت كان وحش من غيرك ازاي ده انت واحشني قوي يا ابني تعالي يا شروق ادخلي امال العيال فين
شروق 
طالعين مع الدادا بتاعتهم وبعدها طلعوا 
وماما فضلت تجيب الاكل ليهم وبعدها قالتلي
الام 
معلش يا منى روحي انتي بقى يا حبيبتي اصل أنت شايفه الشقه صغيره ازاي انا يا دوبك اوضه واخوكي ومراته اوضه واللي جاي معاهم دي تنام في الصاله
مني 
ماما انت عايزاني اروح شقتي الساعه 300 الفجر انت بتتكلمي ازاي يعني وبعدين هو في حد هيجيليه نوم في الليله دي
الام 
اعملك ايه يا منى يعني لو حبوا ينام اقول لهم لا ما تناموش خليكم صاحيين عشان ست منى روحي وتعالي الصبح وبعدين ايه المشكله يعني ده بيني وبينك تاكسي هياخد نص ساعه من هنا لهناك
مني 
عندك حق يا ماما انا ازاي مكبره الموضوع قوي كده حمد لله على سلامه احمد يا ماما 
وبعدها روحت وفتح محسن
مني 
معلش الصبح لما سمعت الخبر خدت بعضي ونزلت على طول من غير ما اخد مفاتيح معلش ان انا صحتك من النوم
محسن 
هو انت جيتي دلوقتي ازاي يعني وايه اللي حصل عشان تمشي في وقت متاخر زي ده
مني 
اخويا احمد رجع فقلت خلاص بقى هو مع ماما وهاجيلك انت البيت عشان خاطر ما تكونش زعلان عشان تعرف برده ان زعلك فارق معايا
محسن 
ايه فارقه الكام ساعه دول الساعه 400 على فكره هو انتي هتصحي الساعه 800 الصبح تروحي انا هناك بس ما تسيبيش عيالك خديهم معاكي
مني بضيق 
اي الكلام الي انت بتقولو ده يا محسن عاوزني اخد الولاد معايا في العزا ازاي 
وغير كده انت عارف ماما كويس بتزهق من العيال
محسن 
وانا هتصرف ازاي انا دلوقتي مش معقول كل شويه اغيب من الشغل ويتخصم مني
وفي الاخر ابص لاقي نفسي في الشارع .
انا مش فاهم فين انا والولاد من كل ده 
وكل شويه تطلعي بحجه اشي ابوكي واشي مش عارف اي انا تعبت من ده 
كلو
مني 
طب اهدي يا محسن خلاص هاخدهم بكره وخلاص وروح الشغل بس خليك فاكر الموضوع ده وبروح داخله وسيباه 
وتاني يوم بروح الساعه 8 00 بلاقي ماما فتحالي
الام 
اي يا مني الي جابك مش المفروض تحسي علي دمك ومتجيش وانتي عارفه كويس ان احمد اخوكي جاي متأخر وعاوز يرتاح وكمان جايبالي العيال وهو انا مش قايله ليكي قبل كده مش تجيبيهم بيعملو دوشه
مني بضيق 
يعني كنتي عاوزاني اسبهم فين يعني ما انتي عارفه ان محسن هيروح الشغل ومينفعش اسبهم لوحدهم قصر الكلام يا ماما هدخليني ولا اروح بدل ما انتي موقفاني علي الباب بالشكل ده
الام 
لا طبعا تروحي فين هو انتي