ام احمد _ كامله _بقلم هويدا زغلول
خير وهتتقبلي بأمر الله تعالى وتدعي لي هناك بقا اوعي تنسيني
حسنية
انساكي ايه بس ده انتي هتبقي وش الخير عليا قال انساكي قال لا طبعا مقدرش ده انتي اول واحدة هدعي لها بس ربنا يكتبهالنا جميعا يارب
ام احمد
اللهم امين يارب بقولك ايه ياحسنية مفيش اخبار عن ام محمد اللي كانت جارتنا دى انا معرفش حاجة عنها من زمان واخبارها انقطعت خالص
دي بيقولو انها سافرت عند بنتها في بلاد بره وهي مش عايزها ترجع من هنا عشان يعني منسواها وكده
ام احمد
والنبي الوليه دي قطعت بيا دي كانت ونعم الجيرة زي كده متتخيرش عنك يا حسنية انتو الناس الحلوه اللي مفيش زيها ابدا
حسنية
وانتي كمان والله يا ام احمد ربنا يخليكي لينا انا هاقوم بقا عشان ورايا كام مشوار كده بالاذن ياحبيبتي
طيب ياحبيبتي مع السلامة
وفي الوقت ده لقيت سعيد القهوجي جاي يقولي
ياخالتي ياخالتي ام احمد
رحت افتح له الباب وقولت له
في ايه ياواد يامنيل مالك جاي عمال تنادي تنادي ايه ياواد مافي جرس على الباب ماتخبط عليه وانت ساكت لازم الازعاج ده
سعيد
اصل ياخالتي عايزينك في البيت اللي ناصية الشارع التاني في هناك واحده متوفيه وبيقولوا انها ماټت يوم دخلتها
لا حول ولا قوة الا بالله انت بتقول ايه ياواد انت ايه الحكاية الغريبة دي طيب وماټت ازاى كانت تعبانة ولا ايه انطق وقولي
سعيد
ولا كانت تعبانة ولا حاجة دي بيقولو انها ماټت كده مره واحده بعد ما الماذون كتب الكتاب ولسه هتدخل مع العريس راحت ماټت وبيقولوا كمان ان بيخرج شعر من بوقها عشان كده بعتوني اجيبك انتي بالزات
انت بتقول ايه بيخرج شعر من بوقها انت متأكد ياواد يا سعيد من الكلام ده
سعيد
ايوه ياخالتي دي مراتي كانت هناك وشافت بعنيها وجات وقالت لي والله اعلم بقا هي ايه اللي جرا معاها بالظبط عشان كده أهلها عايزينك
ام احمد
طيب روح انت وانا جايه وراك يا سعيد روح يابني
ومشي سعيد وانا فضلت افكر في الكلام اللي قالو سعيد وقولت لنفسي
صباح الخير ياماما انتي خارجة ولا انتي بتلبسي ليه
ام احمد
اه ياحنان رايحة يابنتي عند ناس عند واحده اټوفت وبعتولي دلوقتي
حنان
بس احمد قالك متخرجيش عشان انتي تعبانة وضهرك تاعبك
اعمل ايه بس ياحنان اصل المتوفيه دي عايزاني انا وانا لازم اروح يابنتي عشان اعرف حكايتها ايه دي
حنان
طيب خلي بالك من نفسك واتصلي با احمد عرفيه بقا لحسن كان بيقولي انك تعبانة
ام احمد
حاضر يابنتي هكلمة دلوقتي علطول واعرفه اني رايحة
ومشيت من البيت واتصلت با احمد وعرفتة هو الأول اعترض لانه خاېف عليا بس انا لما حكيت له الحلم وافق وسابني
ورحت على بيت المتوفيه ولقيت امها عماله بتسرخ وبتعيط جامد وبتقول بناتى الاتنين يروحو مني كده ياربي رحمتك بيا يارب رحمتك بيا
وروحت اقعد جنبها وقولت لها
وحدي الله ياختي هما اتنين ولا واحدة اللي اټوفت
الام
واحدة اټوفت والتانيه عقلها راح منها قبل اختها ماتروح وانا مليش حد غيرهم ولا هما ليهم حد غيري
ردت واحدة جارتها وقالت لها
استهدي بالله يا ام سامية مش كده ياختي وربنا يخلي لك سامية ربنا يحفظها لك يارب واهدي وقولي يارب
الام
والله بقول الصبر من عندك يارب انا مش عارفه اعمل ايه ياحبيبتي يابنتي
ام
