ام احمد _ كامله _بقلم هويدا زغلول

مامتك واختك
قمر
ااه مسكينة انا هعمل ايه بقا اختي وامي ملزومين مني عطول يا استاذ حمدي ولعلمك انا اللي بعملهم كل حاجة في البيت برضو يعني زي ما انت سمعت كده بالظبط
حمدي
امممم طيب والله برافو عليكي يا قمر بس اكيد اختك بتساعدك يعني مش انتي اللي قايمة بكل حاجة صح ولا ايه
قمر
في الحقيقة سامية اختي شاطرة برضو وانا بجيب لها الحاجات بتاعت السوق وهي تطبخ وكده يعني
حمدي
طيب ممكن يا قمر تبقى تقولي لوالدتك اني عايز اقابلها كنت عايزها كده في حاجة
قمر فرحت وقالت له
ايه ده بجد حاضر طبعا هاقولها انك عايز تقابلها حاضر من عنيا
وطلعت قمر بسرعه على امها وبلغتها وقالت لها
وده هيكون عايز ايه يعني ده يا قمر مقالش عايز ايه يا بنتي ولا ايه
قمر
لا هو مقالش بس عيونة كانت بتقول ياماما انه عايز يخطبني يعني عايز يطلب أيدي منك وكده الصراحة هو زي القمر ومفيهوش عيب خاااالص ياماما عشان كده انا موافقه عليه من غير كلام
الام
طيب يابنتي مش المفروض ان اختك اللي اكبر منك هي اللي تخطب الأول ولا ايه
قمر
ياسلام وهو انا لما يجي لي عريس انتي هتقولي له لا اختها الأول ولا ايه ياماما لا بقولك ايه انتي لازم توافقي عليه انا مصدقت انه حد عبرني اصلا
الام
خلاص يا قمر خليه يجي يابنتي وأمري لله لما نشوفه ده عايز ايه ده كمان وانتي ادخلي يلا جوه
ودخلت قمر عند سامية وقالت لها
مش انا جاي لي عريس ياسامية بس ايه شاب زي القمر ياختي يلا عقبالك كده
سامية
الف مبروك ياقمر عقبال كده يارب ما اشوفك في الكوشة وانتي عروسة قمر وانتي فعلا قمر
قمر بغل
وانتي بقا ان شاء الله تمثيلك ده هيدخل عليا ياختي ولا ايه لا بقولك ايه انا مش عايزاكي تعملي لي الشوتين دول انتي اصلا جواكي ھتموتي مني
سامية
انا ياقمر وليه بتقولي كده بس ده بالعكس انا طول عمري بحبك وبتمنا لك الخير كله انت اختي حبيبتي
قمر
لا ياختي انا مياكلش عليا الكلام اللي انتي بتقوليه ده اصلا ماشي فبطلي بقا الحبه بتوعك دول
سامية
الله يسامحك ياقمر انا مكنتش اعرف انك تعملي معايا كده
قمر
انا مش عايزة صعبنيات من بتاعتك دي ماشي ويلا عشان تجهزي البيت ده كله عشان انتي اللي هتعملي كل حاجة
سامية
بس كده يا قمر من عنيا يا حبيبتي انا هعملك البيت كلك وانتي كمان مش هتحطي ايديك في حاجة خالص يلا انا هاروح اوضب البيت
وتاني يوم حمدي راح عندهم وامهم قابلته وقالت له
اهلا وسهلا يابني منورنا والله قولت لي بقا انت اسمك حمدي
حمدي
ايوه ياست الكل انا حمدي ابن الحج منصور العطار المحل اللي تحت ده بتاع والدي الله يرحمة
الام
بجد يابني والله ده انت نورتنا بجد ده الحج منصور ده خيره على الناس كلها راجل طيب واصيل الله يرحمة يارب وانت باين عليك ابن حلال كمان اوي
حمدي
الحمد لله انا متشكر لحضرتك
الام
العفو يابني على ايه اؤمرني انا تحت امرك
حمدي
انا كنت جاي وطالب ايد الانسة سامية انا سالت عنها كتير اوي وعرفت انها بنت اخلاقها عالية ومحترمة جدا
دخلت قمر في اللحظة دي وقالت
هو انت كنت امبارح لما قولت لي انك عايز تقابل ماما كان عشان سامية اختي
حمدي
ايوه يا قمر بصراحة انا عرفت انها اللي الكبيرة وكمان عارف اخلاقها الناس كلها بتحكي عنها
قالت قمر كلامها وراحت لاختها في الاوضة وقالت لها
انتي عملتي له ايه خلتيه يجي لك انتي وانا لا ها قولي
سامية
عملت ايه في ايه