ام احمد _ كامله _بقلم هويدا زغلول

المغسلة المټوفية بيخرج من بوقها شعر
انا ام احمد المغسلة طبعا عارفني كويس انا النهاردة جايبة لكم حكاية غريبة
وقبل ما ابدا الحكاية في يوم وكنت في نص الليل كده وانا نايمة صحيت على صوت واحدة لقيتها واقفه قدام السرير وشكلها بشع اوي وعماله تضحك وبس انا لما شوفتها اټخضيت وقولت لها 
ب ب بسم الله الرحمن الرحيم ان ان انتي مين انتي وايه اللي جابك هنا
لقيتها بتتكلم بصوت تخين اوي زي ماتكون راجل بيتكلم وقالت لي 
انا عايزاكي عايزاكي لازم تروحي البيت عندها هما هيبعتو ياخدوكي
ام احمد 
هما مين دول ياختي وانتي اصلا مين انا معرفكيش انتي جيتي منين وعايزة مني ايه بالظبط

هي 
هتعرفي كل حاجة بس لازم تيجيبي حقي وحقها هي كمان انا غلط فيها بس انا عايزاكي تقولي لها تسامحني انا عايزاها تسامحني
ام احمد 
هي مين دي اللي تسامحك بس انت عايزة مني ايه بالظبط انا مش عارفه حاجة
وبصيت لقيت مره واحدة كده طلع من بوقها شعر وفضل يطلع من بوقها شعرها كتير وهي لا فضلت تصوت تصوت تصوت وبعدها اختفت خالص
واقي الوقت ده انا صحيت فاجاة وفضلت انهج من الخۏف وفضلت اقول اعوزو بالله من الشيطان الرجيم ياساتر يارب
وبعدها نمت وشوفت في المنام حسنية جارتي وهي بتطوف حوالين الكعبة وقومت من الحلم ده فرحانة اوي عكس الکابوس التاني والصبح لقيت احمد ابني عدي عليا وقالي 
صباح الخير يا أمي عامله ايه النهارده طمنيني عليكي
ام احمد 
انا بخير ياحبيبي انت عامل ايه ومراتك وابنك عاملين ايه طمني عليهم
احمد 
الحمد لله ياست الكل هي حنان هتنزلك عشان تعملك كل حاجة وياريت انتي متعمليش حاجة في البيت خالص انا عايزك ترتاحي خالص عشان الدكتور قال كده
ام احمد 
طيب يابني وايه لزومة مراتك تنزلي انا مفيش حاجة عندي عايزة تتعمل وبعدين هي كفاية عليها ابنها يابني زمانه بيسهرها
احمد 
اه والله فعلا يا أمي دي ياعيني مش بتنام خالص ولا بتشوف النوم ده شكله الله يكون في عونها
ام احمد 
يارب ياحبيبي وبعدين هي الخلفه كده طب ده انت وانت صغير كنت موريني المرار بس الحمد لله طلعت مشاء عليك احسن واحد في الدنيا كلها
احمد 
وده بفضل تربية ليا يا أمي انتي كنتي معلماني كل حاجة في الدينا وفي الدين ربنا يخليكي ليا يارب
ام احمد 
ويخليكي ليا ياحبيبي يارب يلا اتوكل على الله وروح شوف شغلك ربنا معاك يارب
ومشي احمد وبعدها كنت قاعده ولقيت حسنية جارتي بتخبط وجات لي وقولت لها 
والله انتي بنت حلال ياحسنية ده انا كنت لسه هبعتلك والله تعالي ادخلي
وهي داخلة قالت لي 
صباح الخير يا ام احمد عاملة ايه النهاردة انا سالت عليكي الشيخ أحمد وهو خارج دلوقتي وقالي انك بعافيه شوية خير مالك طمنيني عليكي وبعدين هو انا كنت على بالك ولا ايه
ام احمد
الحمد لله ياحسنية انا بخير ياختي انتي عامله ايه وولادك عاملين ايه ايوه ده انتي كنتي لسه على بالي اصلي حلمت بيكي
حسنية
خير اللهم اجعله خير ياحبيبتي انا عارفه أحلامك بتحقق يا ام احمد يارب يكون خير انا بتفاءل باحلامك
ام احمد
خير طبعا وكل الخير انا شوفت عند الكعبة وانتي بطوفي حواليها ولابسه لبس الإحرام وكنتي بتدعي لي وانتي هناك
حسنية
اللهم صلي على النبي ده الحلم الجميل ده ياااه لو يتحقق يا ام احمد بس انا بحب أحلامك انتي اصلا أحلامك بتتحقق وعلى كلا انا مصطفى ابني قدم لي في العمرة ويمكن المره دي اتقبل بقا
ام احمد
بجد والنبي طيب ياحبيبتي ان شاء الله