خادمه بنتي بقلم هويدا زغلول

كويسه وبعدها هو دخل وهو قال
احمد 
هو انت بتعملي ايه هنا وماسكه الموبايل بتاعي ليه هاتي بسرعه
نور 
انت بتعمل ايه يا احمد ايه اللي انت بتتفرج عليه ده والله لاقول لبابي ومامي انت ازاى تعمل
احمد 
هوووش وطي صوتك انتي اټجننتي يابت ولا ايه انتي ازاى تدخلي الاوضه بتاعتي اصلا
نور 
عشان سمعتك وانت مشغل قرف عندك هنا على التاب قولت لازم اعرف انت بتعمل ايه وبعدين عيب وحرام اللي انت بتشوفه ده
احمد 
انا مش بشوف حاجة لعيب ولا حرام يانور وملكيش دعوة بيا واتفضلي روحي اوضتك بدال مانادي على ماما واخليها تطين عيشتك
نور 
انت ايه يا اخي مش مكسوف من نفسك ولا ايه انا لازم اعرف ماما باللي انت بتعمله ده والله لاقولها
احمد 
تعالي هنا يابت انتي واخرسي خالص وصوتك ده ميعلاش انتي فاهمة 
ورحت جري على صوت احمد وقولت له
سوسن 
في ايه يا احمد انت بتزعق ليه كده مالك ياحبيبي
احمد 
تعالي شوفي الهانم بنتك دخلت عليا اوضتي من غير استاذان ولما بقولها عيب تدخلي عليا كده عشان انتي بنت وانا ولد تقولي وفيها ايه وعايزاني ياماما اجيب لها حاجات عيب على تليفوني
سوسن پصدمة 
ينهارك اسود ومنيل يانور ايه اللي انا بسمعة من اخوكي ده انتي صحيح عملتي كده انطقي يابت ردي
نور 
والله ماحصل ياماما اللي بيقول عليه ده ده كداااب انا دخلت عليه لما لقيتة هو مشغل الحاجات دي عنده وانا بقوله عيب راح مزعق فيا والله ده اللي حصل
احمد 
اااه ياكدابه بقا انا برضو اللي مشغل البنت دي ياماما عايزة تتربى من اول وجديد على فكرة بقا البنت دي باظت خالص
نور 
انااا يا احمد ماتصدقيهوش ياماما ده كداب والله 
رحت ضرباتها بالقلم وقولت لها
سوسن 
اخرسي يا قليلة الادب انتي اللي كدابه وستين كدابه اخوكي عمره مايكدب ابدا يلا غوري على اوضتك وانا ليا تصرف تاني معاكي يلا امشي
نور برقت لي بعنيها وفضلت دموعها تنزل من 
غير ما تتكلم وبعدها خرجت من الاوضه 
ودخلت وارها صباح وقالت
صباح 
في ايه يانور ايه اللي حصل ردي ياحبيبتي متسكتيش كده لا حول ولا قوة الا بالله امك دي ربنا ينتقم منها معلش ياحبيبتي
وانا قولت لأحمد 
متزعلش ياحبيبي البت دي انا هربيها وانت متحطش في نفسك واعمل اللي انت عايزة ياقلبي انا عارفه انها بتكدب وعايزاني اعمل مشكلة معاك
احمد 
الحمد لله ان انتي عارفه ياماما بس لو سمحتي عرفيها بعد كده متدخلش اوضتي دي خالص ماشي
سوسن 
حاضر ياحبيبي انا هاروح اطلع عنيها دلوقتي يلا اسيبك انا بقا
ومشيت من عند احمد اللي فضل يرقص ويقول
احمد 
هاهاهاها قال فاكرة ان امها هتصدقها قال ده انا هنا الاستاذ ياست نوور هاهاها لما اتفرج بقا على بقيت الفيلم الجامده ده 
ورحت على اوضة نور ولقيتها قاعده على السرير وخاېفه وصباح جنبها وانا قولت لها
سوسن 
اطلعي بره ياصباح وسبيني مع البت دي عشان عايزة تتربى شوية
صباح 
ياهانم براحة على نور دي مش حمل اي زعل ولا حاجة من دي
سوسن بتزعق 
وانتي بقا ياخدامة انتي هتعرفيني ازاى اتكلم مع بنتي امشي اطلعي بره من هنا
صباح 
امرك ياهانم انا اسفه حقك عليا 
قالت كلامها ومشيت وانا فضلت مع نور وقولت لها 
سوسن 
اسمعي يابت انتي اوعي تكوني فاكرة لما تقولي كده على اخوكي انا هقف في صفك واجي عليه لااا انتي بتحلمي يابت انتي انا احمد اخوكي ده جبتة بعد ما فضلت ادعي ربنا انه يرزقني بالولد انا اصلا كنت عايزة ولاد مكنتش عايزة بنت وانتي جيتي يبقا تحترمي نفسك وتعرفي ان احمد عندي بالدنيا كلها انتي سامعه 
قولت لها كده وسبتها وخرجت