مشكله البنت

حضرتك والدة نداء اللي ضړبت حماتها.. احكيلنا ايه اللي حصل بالظبط
نداء جاتلي يوم الجمعة وجايبة هدوم بتقولي ياماما انا جاية عندكم قولتلها جايه ليه يانداءانا مش قيلالك عيشي!! كل ما تقولي او تشكيلي من حاجه اقولها عيشي واستحملي الايام المرة بتيجي في الاول وبعدين الحلوة
قالتلي انتي كنتي مدياني فلوس الموسم وحماتي كانت عايزاهم وبتقولي عليهم
قولتلها تعالي انا هاخدك و نروحلها فروحنالها البيت و بنتي قالتلي تعالي اطلعي معايا قولتلها طالما صاحبة البيت مش هنا مش طالعه شوفيهالي فين فجت فقولتلها فيه ايه يا ام يا سناء زعلانين من بعض دا انتوا اتنين بس و شيلوا بعض فقالتلي بصراحه كدا خدي بتك معاكي قولتلها اخدها ليه يا وليه قالتلي بتك مش نافعه قولتلها ليه ايه قل نفعها يا وليه 

قالتلي بتقولي عالموسم و انا موديه موسم بناتي قولتلها و احنا كنا مشغولين في بيتنا الجديد عشان كدا مجبناش موسم بس اديت بتي 200 جنيه قالتلي و انا كمان اديت بناتي قولتلها متزعليش نفسك لو عايزه ال 200 خديهم جت قايلالي انا مش محتاجه حاجه من حد دا انتوا عالم ناقصه و جت شاتمه بنتي بلفظ مش هقدر اقوله و عملتلها حركه بإيدها كدا فنداء وشها احمر و اتحولت و راحت ضړباها و انا فضلت احوش و كل اللي كان هاممني بنت بنتي مش هما الاتنين والله و حوشت بنتي و قولتلها انتي قليلة الادب دي حماتك زي امك و ضړبتها زي ما ضړبت حماتها و بوست على راس ام سناء راحت ضړباني و شتماني بألفاظ بس طبعا كل ده مبانش في الفيديو لان الفيديو ده نص ساعه ولا حاجه فكل ده اتشال و ام سناء ضړبتني و ضړبت نداء برضو و كلمت ابو نداء و جه قالها حقك علينا يا حاجه قالتله اطلع برااا اطلعوا براااا يا عيله ناقصه ده بيتي و محدش هيقعد فيه..في خلال عشر دقايق من اللي حصل ده لقيت كل عيالها جم معقول لحقوا يعرفوا اانا بقول ان