اتحبست بدل حماتي كامله بقلم هويدا زغلول

ايه
ومشي محروس وانا قولت لحماتي
هي الفلوس اللي ادتيها لأسامة انتي استلفتيها من المعلم محروس ياما بقا اسمه كلام برضو ده أسامة لو كان عرف كان حلف انه مش هيسافر
الحما
وانا اعمل ايه يعني يابت يعني كنت هسفر ابني منين وانا شيفاه محتاج لكل قرش اه اديني اتصرفت ودلوقتي مش عارفه اجيب منين
زهرة
مش كنتي بتقولي في جمعيه هتقبضيها هي فين دي الجمعيه دي
الحما
يابت ده كلام ولا في جمعيه ولا غيرة انا كنت بقول كده بس لحد لما اخد الفلوس
زهرة
يلهوي ياما طيب وبعدين هنعمل ايه دلوقتي بقا في الورطه دي والراجل ده مش هيسكت علينا هيفضل ينط لنا كل شوية واحنا ولايه لوحدينا
الحما
اديني قولت له يصبر شهرين كمان يمكن أسامة يبعت حاجة اي مبلغ نسكتة بيه وخلاص ربنا يفرجها يابنتي
وبعد شهر أسامة بعت فلوس بس على اد مصاريفي انا وحماتي وقولت لها
الفلوس دي يادوبك تكفى الاكل والشرب ياحماتي هنعمل ايه في فلوس المعلم محروس
الحما
انا مش عارفه يا زهرة انا مرضتش اقول لأسامة على موضوع الفلوس ديه ليعملي مشكله انتي عارفاه
زهرة
طيب وهنعمل ايه مع المعلم ده فاضل شهر واحد على المهله اللي هو ادهالك للسداد
وسكتت حماتي ومعرفناش نعمل ايه والايام كانت بتعدي بسرعه جدا وجه المعلم بعد شهر لحماتي وقال لها
بصراحة بقا كده يام أسامة انا صبرت عليكي كتير اوي وانا كده جبت أخرى الصراحة ولحد كده بقا وكفايه اوي كلمي الاستاذ ابنك خليه يبعت الفلوس عشان كده كتير
الحما
الله جرا ايه يامعلم هي الناس مش عايزة تصبر على بعضها ليه كده بس هو في ايه اللي حصل في الدنيا
محروس
اللي حصل كتير ياست الكل الفلوس دي فلوس ناس ومشغلينها معايا فالصراحة كده الناس عايزة فلوسها ماهو معلش يعني مش ده جزاتي اني وقفت جنبكم
زهرة
طيب كمل جميلك يامعلم واقف جنبنا لحد الاخر بس ينوبك ثواب
محروس
ياست زهرة انا صبرت بما فيه الكفاية ولحد كده وخلاص انا جبت أخرى انا عايز فلوسي ياناس رجعو لي فلوسي
الحما
طيب وانا هجيب منين بس ياخويا ما انت شايف الحال اهو نعمل ايه بس
محروس
اسمع ياست ام أسامة انتي دلوقتي تمضي لي على وصل الأمانة ده بالمبلغ كله وابقي انا كده عداني العيب وزيادة
زهرة
ازاى يامعلم محروس عايز تمضي حماتي على وصل أمانة انت ازاى تقول كلام زي ده وبعدين هو احنا هناكل عليك حقك يعني ولا ايه
محروس
انا مقصدش حاجة ياست البنات انا اقصد بس اضمن حقي بوصل الأمانة دي انا بقولكم الفلوس دي فلوس ناس ياعالم حسو بيا
الحما
طيب يامعلم انت ايه اللي يرضيك وانا اعمله وقولي اللي يرضيك عايزني امضي على وصل أمانة انا همضي هاتو
زهرة
استني ياما الكلام ده مش هينفع ابدا ازاى هتمضي وتمضي ازاى وراجل البيت مش موجود افرضي حصل حاجة يبقا انتي اللي تبقى غةفي الوش ساعتها
الحما
طيب هنعمل ايه بس يابنتي ماهو الراجل عايز يضمن حقه
زهرة
خلاص انا اللي همضي مش انتي هات يامعلم الوصل وانا امضي لك عليه وان شاء الله اول لما الفلوس تبقا معانا انا بنفسي هجيبهم لحد عندك
محروس
ماشي ياست البنات الوصل اهو بس انتي بتصحي بنفسك عشان حماتك
زهرة
انا افدي حماتي دي بروحي انت فاكر ايه يعني
محروس
مشاء الله مرات ابنك دي اصيله ياست ام أسامة ربنا يبارك فيها يارب يلا استاذن انا بقا سلام عليكم
ومشي المعلم وحماتي قالت لي
ليه كده بس يازهرة بقا اسمه كلام يابنتي تكتبي وصل امانه على نفسك ده جوزك لو عرف هتبقا مصېبة وجات على