اتحبست بدل حماتي كامله بقلم هويدا زغلول
انت
أسامة
لا ارجع ايه انتي كمان هرجع قبل ماسد الفلوس اللي عليا دي كانت أمي تروح فيها انا لازم اعافر واعمل كل اللي في وسعي عشان خاطر امي اوعي تجيبي لها سيرة يازهرة
زهرة
لا طبعا يا اسامة هو انا عبيطه عشان الكلام ده انا عارفه طبعا انا بعمل ايه ربنا يرزقك يا اسامة وتقدر تسد الفلوس لحسن دي تبقي مشكلة فعلا
أسامة
وقفلت معاه ودخل عليه صاحبه وقاله
في ايه يا اسامة انا حاسس ان الشغل هنا مش عجبك مش عارف ليه مع ان الشغلانة سهله خالص ومش متعبه اوي يعني
أسامة
ايوه يا منصور بس فلوسه قليله اوي وانا زي ما انت عارف مستلف الفلوس بتاعت السفر دي وانا عايز حاجة تعوضني
خلاص يا اسامة انا عن نفسي هاشوف لك شغل كمان إضافي مع ده وربنا يكرمك وتقدر تخلص وتسد اللي عليك كلنا كنا كده يابني والله هو في حد جه البلد دي الا وكان مديون كلنا في الهوا سوا ان شاء الله خير
وعدت الايام والشهور وحماتي لسه مسدتش الفلوس للمعلم محروس وجه عندنا وانا فتحت له الباب وقالي
بسم الله مشاء الله اهلا ياست الستات وست البنات كلهم ازيك ياست زهرة
الحمد لله بخير خير يامعلم محروس هو في حاجة ولا ايه انت جاي وعايز مين
محروس
لامؤاخذة ياست زهرة انا جاي وعايز الست ام أسامة ياترى هي موجوده ولا لا
زهرة
اه موجودة ثانية واحده اديها خبر انك هنا
ودخلت قولت لحماتي
المعلم محروس برة وعايزة يا اما هو الراجل ده عايزك ليه
لقيتها اتخصت وقالت
م مين المعلم محروس هو ايه اللي جابه دلوقتي ده هو احنا في شهر كام يابت يازهرة هو أسامة مش لسه مسافر الشهر اللي فات
أسامة مسافر مسافر بقاله يجي تلات شهور ياما
الحما
ده عدو هوا يابنتي طيب وده اقوله ايه بقا ان شاء الله ربنا يسترها خليه يدخل
زهرة
هو في ايه ياما هو الراجل ده عايزك ليه وبعدين انا مش برتاح له ده لو أسامة عرف انه جه هنا هيطين الدنيا
الحما
اكتمي يابت واسكتي واسامة اصلا هيعرف منين انتي اوعي تقولي له حاجة خالص
طيب انا هطلع اخليه يدخلك وربنا يستر بقا
وخرجت قولت له
اتفضل يامعلم ادخلها جوه هي مستنياك
ودخل وقال
يارب ياساااتر
الحما
اتفضل يامعلم محروس خطوة عزيزة ياخويا يا اهلا وسهلا بيك ده انت نورت البيت والله ياخويا
محروس
ده نورك ياست ام أسامة انا قولت اسيبك شهر كمان انتي كنتي متفقه معايا على شهرين لما الاستاذ أسامة يسافر وترجعي الفلوس هو دلوقتي بقاله تلات شهور اهو اظن كده اخد فلوسي بقا ولا ايه
اااا والله انت كتر خيرك يامعلم انك صبرت علينا بس ياخويا تم جميلك واستني شوية شهرين كمان ولا حاجة
محروس
طيب وده اسمة كلام يام أسامة برضك يعني انا اديكي الفلوس وانتي هتقعدي تمطوحيني كده كل شوية وتدوخيني عليهم
الحما
والله ياخويا انا كنت هقبض جمعيه بس حصلت ظروف كده واتاجلت شوية واسامة ابني لسه في أول الشغل ومش هيعرف يسد الفلوس دي كلها دلوقتي
محروس
يعني ياست ام أسامة دلوقتي انا اعمل ايه المفروض اني استني تاني اد ايه اديني ميعاد عشان افضل ساكت لحد مايخلص
الحما
يعني اديني قيمة شهرين كمان والفلوس تكون عندك ياخويا هعمل ايه بس انا عايزة اردهم لك النهاردة قبل بكرة بس العين بصيرة والايد قصيرة
محروس
خلاص يا ست ام أسامة انا هصبر عليكي شوية كمان لحد لما اشوف اخرتها
