اتحبست بدل حماتي كامله بقلم هويدا زغلول
دماغنا
زهرة
ماهو مش هيعرف ياما ان شاء الله وكله هيعدي من غير هو مايعرف خلاص انتي بقا اهدي المهم اننا نسكت الراجل ده بعيد عننا
وعدت الايام وجات سماح بنت اخت حماتي عندنا وقالت لها
ياسلام ياخالتي يعني الست زهرة عملت جدعه عشان انتي تصرفي نظر انك تجوزيني ابنك مش كده
الخاله
انتي عايزاني اعمل ايه يابت بعد اللي عملته ده انا اه كنت ناوية اجوزك لأسامة عشان كمان يمكن تخلفي حته عيل بدال الموكوسة دي بس دي مضت بدالي اعمل ايه بس
مليش فيه ياخالتي انا عايزة أسامة وخلاص والبت دي تغور في داهيه كفايه انك مستحملاها كل ده كفايه بقا
الخاله
خلاص يابت أسامة بس يشد حيله في السفر كده وانا اكلمة عنك واقوله يجي يتقدم لك انا عارفه ابني مش هيرفض لي طلب ابدا
سماح
لما نشوف ياخالتي اخرتها معاكي ايه الا هي فين اللي متتسماش دي انا مش شايفاها يعني
راحت عند امها تزورها النهاردة عشان بقالها كتير مراحتش هناك اكيد زمانها جايه
وعندي في بيت ابويا ومراتة قالت لي
يانهار اسود يعني رايحة تمضي على نفسك وصل أمانة عشان تنجي الوليه حماتك طيب افرضي الراجل ده عمل حاجة بالوصل ده يجو بقا يجرجروكي وابوكي يتبهدل معاكي الحق بنتك ياعبده وعمايلها
عبده
ايه الكلام ده يازهرة هو صحيح حصل منك كده يابنتي طيب ليه كده انتي عايزة تودي نفسك في داهيه ولا ايه
يابابا انا كان لازم اعمل كده وبعدين حماتي طيبة وكويسة معايا ليه انا مقفش جنبها في الشدة وبعدين انا جايه لك وعايزة منك لو انت معاك فلوس يابابا ياريت اخدها اسدها
مرات الاب
وهو ابوكي هجيب لك منين ياحبيبتي هو قاعده على بنك عشان يديكي المبلغ ده كله
زهرة
والنبي يامرات ابويا خليكي محضر خير واسكتي انتي انا بتكلم مع ابويا مش معاكي انتي
ماهي فوزية عندها حق يازهرة انا يابنتي هجيب مبلغ زي ده منين بس انا مش معايا فلوس خالص اعمل ايه بس
زهرة
يعني ايه يابابا يعني مش هتقف جنبي ولا ايه ده انا محتاجة لك في الشدة دي
عبده
ماهو انا لو معايا مش هنتاخر عنك يازهرة انتي عارفه يابنتي مفيش في أيدي حاجة اعملها بصي سيبها على الله يمكن ربنا يفرجها وجوزك يبعت فلوس
والنبي انا مش عارفه الناس اللي مش اد السفر دول بيسافرو ليه ويبهدلو نفسهم كده يمين وشمال ويتغربو هنا وهنا
زهرة
النصيب بقا يامرات ابويا على العموم يابابا كتر خيرك انا ماشية عشان سايبه حماتي لوحدها
فوزية
مع السلامة يازهرة ابقي اسألي ده بيت ابوكي ومفتوح لك برضو
ومشيت من عندهم وهي قالت لبابا
هي بنتك دي بتستهبل ولا بتستهبل يا عبده هي عايزاك تجيب لها مبلغ كبير كده منين ماهو طالما المحروس جوزها مش اد السفر بيسافر ليه
خلاص بقا يا فوزية اهي البت مشيت وخلاص وملوش داعي اللي انتي بتقوليه ده بقا
فوزية
انا ساكتة اهو ياخويا لما اشوف اخرتها معاك انت وبنتك ايه
وعدت الشهور والايام ومفيش فلوس والمعلم جه وقال
انا كده بقا جبت أخرى ياست زهرة ودلوقتي لازم اودي الشيك ده للنيابة وهما يجيبو لو حقي
الحما
يعني ايه يا راجل انت انت جاي تستقوي على ولايه زينا اتقي الله يامعلم مش كده
محروس
اتقي الله وانتو ليه متقتوش الله لما اخدتو مني مبلغ كبير زي ده هو انا يعني دي جزاتي اني سلفتكم عشان تسلكو اموركم
زهرة
طيب يامعلم انا جوزي لسه مبعتش حاجة هنعمل ايه ولا هنجيب منين الله يخليك يامعلم اصبر علينا شوية كمان
محروس
انا صبرت كتير يامدام واظن كفايه
