اتحبست بدل حماتي كامله بقلم هويدا زغلول
انت في الصفحة 1 من 8 صفحات
اتحبست بدل حماتي وطلعت من السچن لقيتها مجوزه جوزي
وقبل ما بدأ حكايتي اعرفكم بنفسي انا أسمي زهرة عندي 28 سنه متجوزة وعايشة في بيت مع حماتي
وفي يوم لقيت أسامة جوزي بيقولي
انا زهقت من العيشه هنا يا زهرة والشغل اللي مش جايب همة ده اومال لو كان عندنا عيال كنا عملنا ايه واحنا اصلا مش عارفين نعيش لوحدنا
زهرة
أسامة
ونعم بالله العلي العظيم بس انا عايز حياتنا تتصلح يا زهرة مش هينفع كده انا بفكر اسافر بس عايز اسافر إيطاليا البلد دي فيها فرصة حلوه اوي للشغل واحد هناك صاحبي قالي
زهرة
انت عايز تسافر وتسبني يا اسامة انا هعيش من غيرك ازاى دلوقتي انا انا مش هعرف اعيش من غيرك وبعدين انا اعرف ان السفر لايطاليا دي بيكلف كتير هتجيب منين انت
مش عارف ماهو ده اللي مزعلني يا زهرة مش عارف اجيب فلوس السفر منين بس انا زهقان اوي وتعبان ونفسيتي زي الزفت
زهرة
معلش يا حبيبي بكرة تتدبر
وفي الوقت ده جات حماتي عندي وقالت له
مساء الخير ياولاد مالكم كده في يا اسامة يابني مالك انت زعلان كده ليه اوعي يابت تكوني منكدة عليه
زهرة
انا برضو ياما اهو قدامك اهو اسالية
زهرة ملهاش دعوة باللي انا فيه يا أمي أنا عايز اسافر ومش عارف اعمل ايه ولا اجيب فلوس السفر منين
الام
سفر سفر ايه يابني هو انت عايز تسافر ولا ايه
زهرة
ايوه يا ما ابنك عايز يسافر قال ويسبني بس مش لاقي مصاريف السفر ومش عارف يجيب منين
الام
طيب وانت عايز تسافر ليه يابني ماهو شغلك هنا حلو اهو
أسامة
ولا حلو ولا حاجة الشغل هنا بقا صعب ياما والفلوس بقت قليلة اوي انا عايز اسافر عشان اعدي زي الناس
طيب وانت ضامن السفر ده الأول يعني وكده قولي وانا ادبرلك الفلوس اشوف حد استلف منه ولا حاجة ولا اشوف جمعيه ادخلها
أسامة
بس انا عايز حوالي مېت الف أو اكتر ياما هتقدرى عليهم وانا اوعدك خلال كام شهر ارجع الفلوس دي كلها
الام
خلاص سبني كده وانا هاشوف الموضوع ده وربنا يكرم ياحبيبي ويحقق لك اللي بتتمناه
وعدي كام يوم وحماتي راحت للمعلم محروس جارنا اللي عنده محل حديد وقالت له
محروس
اهلا ياست ام أسامة اتفضلي ده ايه الخطوه العزيزة دي اهلا وسهلا بيكي المحل نور والله
ام أسامة
اهلا بيك يامعلم ده المحل منور أصحابه انشالله يخليك ياخويا انا كنت جايه لك في موضوع كده لامؤاخذة يعني
محروس
خير ياست ام أسامة قولي طلبات وانا تحت امرك
ام أسامة
بص ياخويا انت طول عمرك جارنا من زمان وليك فضل علينا وعلى الحتة كلها وانا بصراحة طمعانة في كرمك يامعلم وقولت انك مش هترجعني مکسورة الخاطر
انا رقبتي سدادة ياست ام أسامة قولي اللي انتي عايزاه علطول احنا اخوات
ام أسامة
طبعا وده العشم برضو انا ياخويا كنت محتاجة قرشين كده لأسامة ابني اصل جاي له سفر لاطاليا ومحتاج فلوس يسافر وانا قدامي جمعيه هقبضها لسه كمان شهرين وهو عايز الفلوس علطول فانا بقول لو اخدهم منك الواد يسلك نفسه بيهم ويسافر وانا اول لما اقبض علطول اجيب الفلوس
محروس سكت شوية كده ورد عليها وقال
بصي ياست ام أسامة انا ان كان عليا لا بحب اسلف ولا استلف من حد بس طالما الحاجة فيها مصلحة الاستاذ أسامة
