شغل صيني
دروس يا عمي وفر نصائحك لاولادك لو سمحت
محمد اټصدم من وقعته وقام بسرعه وشد التليفون من ايده وقال له پغضب
طب وريني بقى هتعمل فيديوهات ازاي يا اسلام والمربيتك ولسه ابوك لما يجي هحكي له على كل اللي انت بتعمله ده وهخليه يربيك من اول وجديد
اسلام بعصبيه
هات التليفون يا عمي وما تتدخلش في اللي ما يخصكش
محمد
انا اتدخل زي ما انا عايز يا قليل الادب وغور على اوضتك ما فيش تليفونات وده اللي عندي لو مش عاجبك اخبط دماغك في اتخن حيطه
يعني ايه الكلام ده انا بقول لك انا عايز التليفون انت مش من حقك تاخده مني
محمد
انا مكان ابوك بالظبط من حقي اعمل اللي انا عايزه طول ما هو مسافر انت ملزوم مني وامك لو اشتغلت منك ثاني اقسم بالله حاجه اربيك واديك علقھ تحلف بيها عمرك كله فاهم
وبعدين بص للام وقال لها
لو عمل اي حاجه تاني تكلميني وتبلغيني بيها على طول واياك تدي له تليفونك ولو ما راحش المدرسه تعرفيني وانا ڠصب عنه هوديه
الام
حاضر يا محمد معلش تعبتك معانا
محمد
تعبك راح يلا السلام عليكم
ومشي محمد من البيت واسلام زعق لوالدته وقال
انت اټجننتي رايحه تكلميه مفكره ان انت كده يعني هتمشيني على مزاجك انا برده مش رايح المدرسه وهاخد تليفونك وهصور عليه الفيديوهات
الام پحده
ما فيش فيديوهات هتتصور واسمع بقى اما اقول لك لو ما سمعتش الكلام انا اخر حاجه هعملها هكلم ابوك وهخليه ينزل من السفر ويربيك ويعلمك الادب اتفضل بقى ادخل اوضتك وذاكر دروسك اللي فوتتها عشان بكره هتروح المدرسه
اقسم بالله ما رايح يلا بقى
وبعدين دخل غرفته وهو متعصب وفعلا ثاني يوم ما رضاش يروح المدرسه وحاول ياخد تليفون الام بالڠصب ولكن رفضت
الام
ما فيش فايده يا محمد جربت الشده واللين والهداوه ما فيش فايده
محمد
طب هنعمل ايه معاه دلوقتي انا مش فاهم الواد ده مين اللي زرع الفكره الهباب دي في دماغه
الام
ما حدش يا اخويا كتر فرجته على التليفون وعلى الاكل لحست دماغه
طب اقفلي دلوقتي وانا هبقى اجي اتكلم معاه تاني ونشوف حل للموضوع ده
الام
طيب مع السلامه
وعدى اسبوع كمان ومحمد جاء له ثاني علشان يتكلم معاها
محمد
انت ليه بتعمل كده يا اسلام ليه بتضيع نفسك يا ابني مش مقدر شقه وتعب ابوك ليه ابوك مسافر وبيشقى علشان خاطرك علشان يعيشك عيشه كويسه ويصرف على تعليمك وتطلع حاجه كويسه عايز في الاخر تبقى فود بلوجر حته عيل تافه تطلع تجرب الاكل وتقول للناس رايك هو ده طموحك يا اسلام
ايوه هو ده طموحي ومش هتنازل عنه
محمد
طب ايه رايك نقسم البلد نصين
اسلام
ازاي يعني
محمد
يعني انت ذاكر وشوف دروسك واعمل فيديو كل اسبوع مش كل يوم وتنتبه لدروسك وتجيبك درجات كويسه علشان تدخل ثانوي عام
وساعتها لو جبت درجات عاليه ممكن نزود جرعه الفيديوهات وبدل الفيديو يبقى اثنين وثلاثه ايه رايك
اسلام بتفكير
ماشي وانا موافق هات التليفون بقى
مش دلوقتي يوم الجمعه هديك التليفون بس اسمع من والدتك انك رحت دروسك ومدرستك واكلم مدرسينك ويقولوا انك شاطر ودرجاتك كويسه
اسلام بضيق
طيب
محمد
يلا ادخل اوضتك وذاكر
وفعلا دخل اسلام اوضته ومحمد قال
ادينا ولما نشوف اخرتها معاه هيعمل اية
الام
ماشي يا محمد ربنا يهديه و يبطل اللي بيعمله ده
وعدة اسبوع و كان اسلام مواظب علي دروسه و مدرسته و لكن مكنش بيسمع كلام و الدته ولا عمه بيروح بعد المدروسة مع صحابه في جنينة عامة
اسلام
بقولك اية يلا جهز الكاميرا بتاعتك علشان
