شغل صيني
كل حاجه مضر بالصحه مضر بالصحة... اومال فين الأكل السليم.... وبعد حوالي كام ساعه بدا اسلام في تصوير الفيديو....
وبعد انتهاء التصوير...
اسلام...
اخيرا نجحت في التحدي..
الأم ...
عارف لو صحيت بالليل ومسكت بطنك تاني ولا هسال فيك... وابقي خلي بتوع الصين ينفعوك...
اسلام....
لا مانا خلاص فهمت اللعبة ازاي..انت هبدا التحدي من الأسهل للاصعب... لغايه ما اوصل اني اكل خروف مره واحده..
ويا تري بقي هتجيب فلوس الخروف من فين ..
إسلام...
ما هو انا يا ماما لما اوصل لمرحله الخروف هتكون القناه دي كبرت وحققت ارباح كتير.... وساعتها بدل ما اجيب الخروف ممكن اجيب عشرة ...
الأم...
صبرني يارب وعوضني عوض الصابرين
وعدى اسبوعين وكان اسلام مواظب على عمل الفيديوهات ده غير كمان ان الدروس والمدرسه ما بقاش يروحها وصفحه اليوتيوب بتاعته بدا يدخل لها ناس من خلال البث المباشر اللي بيعمله
الام
المدرس بتاعك كلمني النهارده وقال انك بقى لك اسبوعين ما رحتش الدرس ده غير انك كمان ما بتروحش المدرسه لغايه امتى هتفضل كده يا ابني هتضيع مستقبلك بايدك حرام عليك
اسلام
انا قلت لك يا ماما انا مش رايح لا دروس ولا مدرسه هفضل اتعلم وفي الاخر هتخرج وهقعد في البيت زيك كده ما ليش لا شغل ولا مشغله او هتغرب بره واشتغل في بلد ثانيه يبقى ايه لازمته التعليم بقى يا ست ماما لكن انا كده بشتغل وبكره يجي لي فلوس قد كده انا خلاص بقيت 200 متابع في اسبوعين بس شوفي لما اقعد شهر كمان هيجي لي ناس قد ايه
يا ابني انت بتدمر صحتك ما ينفعش اللي انت بتعمله ده مش شايف جسمك بدا يزيد ازاي
اسلام وهو بيبص لنفسه
انا ما زدتش غير 2 كيلو بس ما تكبريش الموضوع
الام
المره دي 2 كيلو المره الجايه بكميات الاكل اللي انت بتاكلها دي هتزيد 10 يا ابني حرام عليك انت صحتك دي ربنا هيسالك عليها
اسلام بعصبيه
خلاص بقى يا ماما بلاش ۏجع دماغ انا مصمم اعمل كده يعني هعمل كده
ابوك لو عارف هيطين عيشتك وعيشتي يا ابني حرام عليك انت بتعمل فينا كده ليه مش كفايه غربته وشقاه وتعبوا علشان خاطرك
اسلام
انا اللي عندي قلته مش هرجع فيه بعد اذنك
ودخل اوضته وهي قاعده ټعيط
الام
انا لازم اتصرف الواد هيضيع مني
وفعلا اتصلت على عمه وحكيت له على الموضوع
محمد
يعني ايه الكلام ده وانت ازاي سامحه له يعمل كده
هعمل ايه بس يا محمد غلطت فيه كلام ما فيش فايده مش بيسمع كلامي وما بيعملش غير اللي في دماغه حاولت اخد منه التليفون بهدلني وما رضيش ومش عارفه اعمل ايه واخوك لو عرف هيبهدل الدنيا
محمد
انا هاجي له بكره وهتكلم معاه ولو ما اتعدلش بالذوق انا هاخد منه التليفون
الام
يبقى احسن اهو نرتاح من الموضوع الزفت الفيديوهات اللي بيعملها دي
والدتك بتشتكي منك يا اسلام وبتقول انك مش عايز تروح المدرسه ولا الدروس وانك عايز تخرج من التعليم عشان تتفرغ للفيديوهات الزفت اللي بتعملها
اسلام
اه هي كلمتك بقى عشان تيجي تغير لي تفكيري انا مش هغير فكرتي وهعمل اللي انا عايزه انا حر شغالين دماغكم بيا ليه
محمد پصدمه
عايز تكلم عمك بالطريقه دي يا ولا انت ايه ما فيش ادب خالص ولا مفكر عشان ابوك مسافر انك ما لكش رقيب هنا وان احنا هنسيبك تعمل اللي على مزاجك انت لو ما اتظبطتش ورحت دروسك ومدرستك انا
اسلام قاطعوا
انا رايح مدرسه ولا رايح
