شغل صيني

تصورني يا احمد
احمد
انت كل يوم تاخرني وبابا يزعق لي بسبب اني بقى افضل اصور فيه بالساعات مش مهم النهارده بقى علشان اروح
اسلام
ما انت كده كده هينومك من الحب جامد لما يطلع لي ارباح من القناه هديك حقك ما بتشتغليش ببلاش يعني وبعدين انت الكاميرا تليفونك حلو هتصور الفيديو بجوده عالي علشان كده بقى صورني وبلاش تضيع الوقت
وفعلا احمد بدا يصور اسلام وهم جايبين اكل كثير جدا وبدا اسلام التصوير وهو بياكل بشراهه
وبعد ساعه قفل البث المباشر اللي شغله بعد ما حط حسابه على تليفون احمد وبعدين قفل احمد البث
احمد
يلا بقى انا لازم امشي انا اتاخرت جامد وكفايه نروح عليا درسين كمان
اسلام
لما تمسك الفلوس كل الدروس والمدرسه دي مش هتفرق معاك خالص اسمع مني يا احمد ومش بعيد كمان تعمل معايا تحديات زي دي واحنا اللي هنكسب في الاخر
احمد
اما نشوف يا سيدي يلا انا ماشي
ومشي احمد واسلام روح البيت ووالدته قالت
كنت فين كل ده يا اسلام
اسلام
كان عندي درس يا ماما حضرت وجيت يلا انا داخل اشوف اللي ورايا بقى عشان ورانا امتحان بعد بكره لان يوم الجمعه انا هاخد من عمي التليفون
الام
ماشي يا ابني ربنا يهديك
وفعلا دخل اسلام الاوضه يذاكر ويوم الامتحان راح وجاب 30 من 50
محمد
وانت ما جبتش 50 من 50 ليه ناقص ايد ولا رجل
اسلام
انا عملت اللي عليا يا عم حضرتك قلت انك هتديني التليفون يوم الجمعه ما تخلفش كلامك معايا
محمد
طيب يا اسلام خدي التليفون ويوم السبت هاجي اخده منك واياك تعرضني
اسلام
حاضر يا عمي
وعاده شهرين وكان اسلام بينزل فيديوهات من على تليفون احمد صاحبه كثير جدا وكان بياكل كتير جدا وبقى وزنه فوق ال 120 كيلو وكان عامل لوالدته ووالده وعمه حظر علشان ما يشوفوش الفيديوهات بتاعته
كانت والده اسلام ماشيه في السوق قابلها المدرس بتاعه وقفت معاه وقالت
السلام عليكم يا استاذ كنت عايزه اسال اسلام عامل معاك ايه في الدرس
المدرس
هو يعني ماشي حاله مش شاطر قوي ومش خايب قوي يعني معقول بس في حاجه كنت عايز اقول لحضرتك عليها بس مكسوف
الام
مكسوف من ايه حضرتك
المدرس
يعني اسلام بقى له اكتر من شهرين ما دفعش فلوس الدرس وبيقول لي ان والده يعني بيمر بمشكله ماديه وان ما فيش فلوس علشان خاطر يدفع فلوس الدرس بس اللي انا بستغرب منه انه بيعمل فيديوهات على النت بكميات اكل كبيره جدا ومش معاه يدفع فلوس درس 120 جنيه
الام پصدمه
هو لسه بيعمل فيديوهات ده موقفها من زمان وانا بدله فلوس الدرس كل شهر
المدرس باحراج
واضح انه بياخد الفلوس وبيجيب بيها اكل وتقريبا عامل كده مع كل المدرسين
الام پصدمه
انا اسفه يا استاذ انا هجيب لك الفلوس المتاخر بنفسي انا مش عارفه اودي وشي منكم فين والله
المدرس 
ولا يهمك ده شباب مراهق والجيل ده ما يعلم به الا ربنا انا والله ما يهمني فلوس بس كنت مستغرب بس مش اكتر وحبيت اسال وكويس انه عرفتك احسن ما يكون ماشي مع شباب مش كويسين وهم اللي بيجروا لي الحاجات دي
الام
شكرا يا استاذ بعد اذنك
مشيت الام وهي حزينه جدا وروحت البيت وهي بتتوعد لاسلام على ايه اللي عمله
دخلت البيت وشافته قاعد على التلفزيون
الام
بقى بتضحك عليا يا اسلام وتقول لي انك ما بقيتش تاكل ولا تعمل فيديوهات وانا مستغربه ازاي تخنت بالمنظر ده وانت ما بتاكلش وما بتعملش فيديوهات اتاريني طلع مضحك علي كان لازم اعرف انك كذاب ليه يا ابني كده احنا