شغل صيني

بقى انا هدخل اتفرج على فيديو صيني واشوف هم هياكلوا ايه عشان التحدي اللي جاي هيبقى مقارنه ما بيني وبينه..... ودخل اسلام يمارس هوايته اللي متعود عليها وهي الفرجه على مشاهد الاكل الصيني..
حوالي الساعه 1 00 بعد نص الليل
اسلام بصړاخ...
اااااه بطني ..بطني ھټموټني الحقيني يا ماما
الأم...
في اي يا اسلام مالك
اسلام...
بطني يا ماما مش قادر بتقطع فيا... وديني لاي دكتور بسرعه اتصرفي يا ماما..
الأم...
ده اللي انا كنت خاېفه مني وعامله حسابه.. الاكل اللي انت اكلته هو اللي عمل فيك كل ده
اسلام...
يا ماما مش وقت كلام دلوقتي الحقيني باي دكتور... او وديني حتى المستشفى
في المستشفي...
الدكتور...
احنا عملنا له غسيل معده لان بصراحه كده واضح انه اكل كميات كبيره من الاكل..
الأم...
وهو عامل ايه دلوقتي يا دكتور
الدكتور...
ان شاء الله هيبقى بخير وكلها الصبح بالكتير وممكن يمشي معاك على البيت... المهم ما ياكلش الكميات دي ثاني لان ده ممكن يزود نسبه الكوليسترول عنده ويسببله سمنه مفرطه... ويا ريت الاكل في الكم يوم دول يكون مسلوق
الأم...
حاضر يا دكتور...
وتاني يوم...
اسلام...
اي ماما الاكل اللي انت جايباه ده... انت جايبالي شوربه فراخ وكمان مسلوق..
الأم...
ده اللي قال عليه الدكتور... واحنا لازم نسمع كلام ولا انت ناوي ترجع تاني للي كنت بتعمله كفايه اللي حصل لك وربنا عداها على خير
إسلام...
ايوه يا بابا انا هكمل اللي كنت بعمله... بس هقلل التحدي شويه شويه يعني هنخليها فرخه في خمس دقائق...
الأم...
انت عارف الدكتور قال ايه... انت ممكن يحصل لك سمنه مفرطه وما تعرفش حتى تتحرك من مكانك بسبب الاكل...
اسلام...
يعني ايه سمنه مفرطه يا ماما
الأم...
يعني هتبقى تخين... وطبعا لو التخن زياده عن اللزوم هيجيب لك كل الامړاض
اسلام.. 
هو انت برده يا ماما بتصدقي الكلام ده... الدكتور بس قال لك كده بېخوفك... انت مش شايفه بتوع الصين عاملين زي عود القصب مع انهم بياكلوا كميات كبيره
الأم...
يادي بالصين واللي بيجينا من الصين... هو احنا ما فيش حاجه ورانا غير الصين والفيديوهات بتاعتهم....
بعد مرور يومين وفي المدرسة
اسلام...
ودي قناتي على اليوتيوب عايزكم كلكم تشتركوا فيها وتبعتوا الرابط بتاعها كل اصحابكم..
طالب 1...
هو انت اكلت كل الاكل ده يا اسلام ده انت واكل فرختين غير الرز
اسلام...
امال يا ابني ولسه التحدي اللي جاي هيكون دمااااار
طالب 2..
يا بختك يا اسلام كل يوم هتاكل فراخ ولحمه يا عم..
اسلام...
طيب ايه رايكم بقى لو القناه دي بتاعتي نجحت هجيبكم في تحديات معايا وهنشوف مين اللي يخلص اكل الاول... وهنراهن على فلوس ومنها تكسبوا فلوس ومنها تاكلوا فراخ ولحمه
طالب 1..
صحيح يا اسلام طيب انا معاك واعتبرني موافق من دلوقتي
طالب 2..
وانا كمان معاك طالما فيها فراخ ولحمه يبقى انا من ايدك دي لايدك دي
اسلام...
خلاص اتفقنا وحيث كده بقى تعملوا اللي انا قلت لكم عليه عشان نكبر القناه... انا همشي دلوقتي يلا سلام
طالب 1...
استنى يا اسلام انت ناسي ان معانا درس النهارده ولا ايه
اسلام...
يا ابني انا مش فاضل الدروس والكلام الفاضي ده انا بكره هيبقي فود بلوجر مشهور وكل القنوات هتجري ورايا عشان اعمل معاهم بس حوار ده غير الفلوس اللي هتبقى في ايدي زي الرز.... تقولي درس ومدرسه وكلام فاضي .... اليوتيوب والتيك توك هو الحل وسلم لي على المدرسه واللي بناخده من المدرسه.....
في اليوم التاني...
الأم...
هو انت برده ما دفعتش فلوس الدرس وجبت بيها اكل..
اسلام...
اه يا ماما بس النهارده هعمل تحدي هاكل 20 كيس اندومي كوري
الأم..
20 كيس يا اسلام... يا ابني حرام عليك معدتك وكفايه كمان الاندومي ده مضر بالصحه..
اسلام...
هو