شغل صيني

على مدرسه تاني..
الأب...
كلها باقي لك سنه وتدخل الثانوي ما فيش اي لازمه انك تحول لمدرسه ثانيه... وانا بكره هاجي المدرسه واشوف الحكايه دي ايه....
الأم بصوت واطي...
جيب العواقب سالمه يا رب... واول ما بيروح المدرسه بيعرف الحقيقه من المدرس
الأب...
انا اسف ليك يا حضره المدرس واللي حصل ده مش هيتكرر ثاني
المدرس....
ما فيش اي داعي للاسف انا كل اللي يهمني مصلحته في الاول وفي الاخر...
الأب..
الفيسبوك والتيك توك بوظوا عقول العيال وبدل ما نستفاد من الحاجة دي بقينا نستخدمها غلط... والنتيجه في الاخر زي ما انت شايف جيل ما عندهوش اي ادنى احساس من المسؤوليه...
بعد حوالي شهر...
الأم...
ايه يا واد الاكل ده كله وجبت فلوسه من فين..
إسلام...
النهارده يا ماما انت هتصوريني اول فيديو..
الأم...
ردي عليا انت جبت فلوس الاكل ده كله من فين
اسلام...
بصراحه كدة دي فلوس الدرس... وانا مش عايز اروح المدرسه دي تاني وهكلم بابا واعرفه
الأم..
اوعى تجيب سيره لابوك باي حاجه كفايه عليه غربته... واللي بتفكر فيه مش هيحصل
اسلام...
انا عملت قناة على اليوتيوب وهنزل فيها النهارده اول فيديو وهاكل الاكل ده كله مره واحده
الأم پصدمة...
ده اكل وحالها عايز تاكله مره واحده ده انت ممكن ټموت بعدها
اسلام...
يا ماما الصينيين بياكلوا قد الاكل ده عشر مرات ومافيش أي حاجة بتحصلهم..
الأم...
هو انت بتصدق الكلام ده... يا ابني الكلام ده كله تمثيل وضحك على الدقون عشان اللي زيك وغيرك يتفرجوا عليهم لكن كل ده كدب..
اسلام...
ما أنا كنت فاكر زيك كدة وان كل ده كدب وتمثيل... بس في واحد طلع منهم وعمل تحدي في بث مباشر وانا بصراحه اقتنعت...
الأم.. 
طيب يا ابني هو انت مش بتقرف من طريقه اكلهم ده كفايه الصوت اللي بيطلعو وهما بياكلوا...
اسلام...
هوف بقا وبعدين معاكي يا ماما هو انتي كل ساعه بحوار انا مش هرجع عن اللي في دماغي وانت كمان هتساعديني وهتصوريني... وبدأ اسلام التجهيز عشان يصور اول فيديو..... وبعد حوالي كام ساعه...
اسلام...
اهلا بكم في قناه الجديده على اليوتيوب واللي هيكون فيها تحديات جديده غير اي تحديات شفتوها قبل كده في اي قناه تانيه.... وتحدي اليوم هيكون عباره عن ثلاث فرخات مشويين وكيلو رز بالمكسرات ومعاهم السلطات والطحينه... والتحدي ده يا جماعه هيكون مختلف لان لازم اخلص الاكل ده كله في ربع ساعه بس... وانا هظبط لكم التايمر اللي ظاهر قدامكم على الشاشه.... المهم عايزكم تدعموني في القناه وتعملوا لايك وفعلوا زر الجرس عشان توصل لكم فيديوهاتي اول باول واللي مش مشترك يشترك.... يلا جو..... وبدأ اسلام التحدي
.....
طعم الفراخ المشويه حلوه قوي كمان التتبيله واصل للاخر والمكسرات موديه طعم الرز في حته تانيه... عايز اقول لكم يا جماعه ان ماما هي اللي عملت الاكل ده..... وبدا اسلام يكمل اكل پشراسه والوقت شغال يقعد وهو شغال ياكل
وبعد ربع ساعة...
للاسف يا جماعه انا خسړت التحدي وما قدرتش اكل غير فرختين بس لكن بكره هعمل تحدي جديد بنفس الكميه وما تنسوش تدعموني على قناتي...
الأم...
يا ابني حرام عليك اللي بتعمله في نفسك وصحتك ده... وبعدين احنا هنجيب فلوس لكل الاكل ده من فين ده الاكل اللي قدامك يعمل له بتاع 1000 جنيه
اسلام....
بكره لما القناه بتاعتي تكبر ال 1000 جنيه دول هيجوا في ساعه واحده ونعوض كل حاجه صرفناها... المهم دلوقتي انا عايز منك 2000 جنيه عشان اجيب بيهم طلبات الاكل بتاعه الفيديو اللي جاي
الأم...
وانا اجيب لك من فين 2000 جنيه انت فاكرني واقفه علي بنك..
إسلام...
يا ماما يا حبيبتي فك الكيس