شغل صيني

شغل صيني....
إسلام ولد عنده 15 سنة بيعشق الڤرجة علي فيديوهات الاكل الصيني علي التيك توك واللي فيها بياكلوا كميات اكل رهيبة...والحكاية بدأت لما..
الأم...
يا بني حرام عليك الساعه دلوقتي 4 00 الفجر وانت لسه ما نمتش وكمان الصبح معاك مدرسه..
إسلام...
هخلص الفيديو ده يا ماما واقوم انام على طول... مش هياخذ 10 دقائق
الأم...
انا بسببك شحن الباقه الشهر ده ثلاث مرات وابوك لو عرف اللي انت بتعمله ده مش بعيد ياخذ منك التليفون....
إسلام...
وهو مين بس هيعرفه اللي انا بتفرج عليه.. هو فاهم ان الباقه دي بتخلص على الدروس الاون لاين وخليه كده فاهم على طول..

الأم...
مش مهم الباقه ولا مهمه اي حاجه بس عشان خاطر عينيك ويا ريت بتتفرج على حاجه مهمه... انت ما فيش حاجه بتتفرج عليها غير الاكل وبس... انا مش عارفه ايه بيعجبك في الفيديوهات اللي تجيب تخمه دي..
إسلام...
هي بتجيب تخمه اه بس كمال بتجيب فلوس كثير بسبب المشاهدات... دول بيدخل لهم زيارات في اليوم من ملايين المتابعين...
الآم...
وعلى كده الموضوع ده بيكسب يا واد يا اسلام
إسلام..
اه يا ماما بيكسب قوي كمان
الأم...
وانت بقى عرفت من فين وانه بيكسب
إسلام...
البحث في جوجل ما خلاش اي حاجه مش معروفه بس في الاول بيبقى في تعب لكن بعد كده لما بنتشهر ونتعرف مش هنلاحق على الفلوس... ما انت شايفه يا ماما مصريين كثير واخدين الاكل ده محتوي...
الأم...
بس اللي بنشوفه ده اسمه شحاته... وبصراحه حاجه تعر وحاجه غريبه علينا كمصريين
إسلام...
وانا مالي ومالهم انا لو عملت حاجه هعمل ازاي بتوع الصينيين اجيب اكل كثير وافضل اكل واخلي الناس تتابعني
الأم...
نهارك اسود يا اسلام اوعى تفكر تعمل حاجه زي كده... ده ابوك ممكن يطلقني ويمشيني انا وانت من البيت لو عرف
إسلام...
ياما شغلي دماغك بقا بابا كلها اسبوعين وهيسافر السعوديه تاني وهيقعد هناك مش اقل من سنتين... ولما يرجع هنكون اتشهرنا وعملنا فلوس كتير هو مش بعيد يشتغل معانا..
الأم...
انا مش مقتنعه بالكلام اللي انت بتقوله ده... وسيب الزفت اللي في ايدك ده ويلا نام...
في اليوم التاني في المدرسة...
المدرس...
اسلام تقدر تقول لي انا كنت بقول ايه
اسلام...
انا كنت بتقول حضرتك ان الاكل ده جوسي جدا جدا..
المدرس...
شكلك نسيت اننا في المدرسه وفاكر نفسك في مطعم قصر المندي... وريني التليفون اللي في ايدك ده
المدرس...
انا نفسي اعرف ايه القرف اللي انت بتتفرج عليه ده فيديوهات كلها عباره عن اكل بس...
اسلام...
ما هو ده اللي بيجيب فلوس اليومين دول والناس بتحب الحاجات دي
المدرس...
ما فيش حد بيحب الحاجات دي غير الناس التافهه الناس اللي ما فيش اي حاجه وراها تعملها غير انهم يعملوا المحتوى ده.... اتفضل اطلع من 
الفصل وما تجيش غير ومعاك ولي امرك
اسلام...
خلاص مش هعمل كده ثاني ابويا لو عرف ممكن يعمل في حاجه
مدرس...
ما هو ابوك لازم يعرف عشان ما يجيش في الاخر يجيب اللوم علينا... لان هو شريك معانا فى اي حاجة تخص مستقبلك الدراسي....
وبيرجع اسلام على البيت
الأم...
اوعى تجيب اي سيره لابوك... ابوك مش لازم يعرف حاجه زي كده
اسلام...
طيب واعمل اي في المدرسة مش هيدخلوني غير لما اجيب ولي امري...
الأم...
وانا مش هطلق بسببك ولا بسبب المدرسة بتاعتك ..
الأب...
طلاق ايه اللي بتقول ايه يا وليه انت حبيبتي يا زفت الطين انت
اسلام پخوف..
يا بابا ده المدرس ده المدرس حاططني في دماغه عنده غسلت مش باخد درس عنده.... وكل شويه يقول لي انت مش بتعمل حاجه غير انك ماسك التليفون في ايدي.... وبصراحه كده انا کرهت المدرسه دي عايز احول