اخو جوزي _كامله _ بقلم هويدا زغلول
تولد وبلاش شغل غيرة النسوان دي متعمليش علينا الشويتين دول
سارة
غيره انا غيرانة وانا هغير ليه انا حتى لسه عروسة جديدة ومش مستعجلة على موضوع الحمل ومراتك ربنا يكملها على خير وتشيل ابنها
خالد
ااه اعمليهم علينا اعمليهم
الحما
اسمعي يابت انتي نظام الغيرة والقرف ده ميمشيش عندي هنا انتي سامعه ولا لا
مني
يلهوي يعني هي على كده غيرانة مني ومن حملي لاااا رجعني بيت بابا ياخالد انا خاېفة على نفسي وعلى ابني
اسكتي يامنى دي هتخدمك والجزمة فوق رقبتها ولو مش عجبها هي عارفه انا ممكن اعمل فيها
سارة
لا وعلى ايه حاضر ياحماتي انا هعمل لمني كل اللي هي عايزاة
الحما
ايوه كده ناس مابتجيش غير بالعين الحمرا ودلوقتي قومي ادخلي المطبخ يلا عشان تعملي حاجة لمنى تغذيها هي محتاجة تغذية عشان الحمل
سارة
حاضر ياحماتي
ودخلت المطبخ وفضلت اعمل في الأكل ورحت اوديه لمنى اللي كانت قاعده على السرير وحماتي قاعده جنبها وخالد وقولت لها
مني
انا مش واكله من الأكل ده انا خاېفه لتكوني حاطه لي فيه حاجة ولا حاجة
سارة
يعني هكون حاطة فيه ايه يا منى انا عملت لك حتى الاكل اللي حماتي قالت لي عليه
مني
لا ياختي انا مش عايزة ولا اقولك كولي منه انتي الأول انا مضمنش تكوني حاطه لي فيه ايه
سارة
والله ماحطة حاجة فيه انا بقول لك عامله لك الاكل اللي حماتي قالت عليه حتى دوقي
ماتاكلي انتي الأول وانتي ساكتة يابت هو انتي عايزة مناهدة وخلاص
خالد
ااه كولي انتي الأول ولا انتي خاېفة تأكلي يبقا اكيد حاطه فيه حاجة
روحت واكله قدامهم من الاكل وفضلت اكل استغربت من الناس المجانين اللي انا عايشة معاهم دول وبعدها اخر النهار طلعت شقتي ونمت محستش بنفسي ويوسف بيصحيني
ياسارة سارة قومي انتي نايمة كده ليه انتي حكاية النوم معاكي مش فاهم
يوسف انت جيت انا حاطه لك الاكل على السفرة ياريت تاكل وتحط المواعين في الحوض
يوسف
هو انا كل يوم ارجع من بره الاقيكي نايمة كده انا مكنتش اعرف انك بتاعت نوم بتحبي النوم كده انا مش عارف اقعد معاكي خالص
سارة
انا بنام يايوسف من التعب اللي بشوفه طول النهار انا شغاله في البيت ده زي الساقيه وكل اللي بعمله اني بقول نعم وحاضر وبس انما انت لو مش عايزني انام وتيجي اخر الليل تلاقيني مستنياكي يبقا تخليني ليك لوحدك مش اخدم حد تاني
يوووه هنرجع للكلام اللي لا يودي ولا يجيب ده تاني انتي ايه مبتزهقيش
سارة
لا انا تعبت وياريت تخرج من الاوضة وتطفي النور وتاخد الباب في ايدك عشان هصحي بدري ادور الساقيه اتفضل
قولت كده وانا عيوني كلها دموع ولقيته خرج من سكات وقفل النور وراه
وتاني يوم نزلت عند حماتي وقالت لي
انا عايزاكي النهاردة تعملي الحمامات لحسن دي بقت تقرف ياختي
هي ايه دي اللي تقرف انا كل يوم بنضفها وبرش معطر فيها كمان هو في انضف من حمامات البيت هنا
الحما
والله ياختي انا عايزة كل يوم يتنضفو وياريت متقاوحيش معايا وتعملي اللي بطلبه منك انتي سامعة يابت
سارة
حاضر ياحماتي اي خدمة تانيه
الحما
طبعا اومال انا لسه خلصت طلبات انتي تخلصي هنا وتطلعي عند منى تشوفي طلباتها وتعمليها وتعملي لها اكل حلو وتنزل هنا تاني عشان تعملي الاكل
سبتها ومردتش عليها ودخلت الحمام عشان انضفة وهي قالت لنفسها
هي ايه البت دي كتك الهم في شكلك انا عارفه عجبه فيها ايه ديه
وبعدها طلعت فوق لمنى وقالت لي
بقولك ايه يا سارة سيبي اي حاجة في أيدي وتعالي بسرعة
سارة
في ايه
