اخو جوزي _كامله _ بقلم هويدا زغلول

يامنى مالك
مني
تعالي هاتي لي شوية مايه سخنة وادعكي لي رجلي لحسن انا حاسة ان في ڼار فيها والدكتور قالي من الحمل ولازم حد يدعكها لي
سارة
ادعك لك رجلك يعني ايه وانا مالي بالموضوع ده انا ماتدعكي انتي لنفسك
مني
جرا ايه يابت هي مش حماتي قالت لك تعملي اللي انا اطلبه منك طيب ايه رايك بقا انتي هتدعكي رجلي وبعدين تدخلي المطبخ تعملي لي محشي اصل نفسي فيه يلا بقا ياختي قولي لا
دخلت جوه اجيب لها الطبق الكبير عشان احط فيه المايه السخنة ورجعت لها وقولت
اتفضلي حطي رجلك يامنى في الماية
وحطت رجلها وجالها اتصال من واحدة صاحبتها وفتحت الكاميرا وقالت لها
ازيك يابت يانونا وحشتيني اوي ياكلبة انتي فينك كده يابت انتي فين وريني كده
نونا
انا في الساحل اهو ياموني انتي عامله ايه طمنيني عليكي يابت
مني
انا الحمد لله ياحبيبتي بخير ايوه بقا يابختك قاعده في الساحل ولا همك حاجة ههههه
نونا
الجو هنا روعة يابت ياموني ماتجيبي جوزك وتيجي يومين يابنتي ده انتو هتنبسطو اووي والله
مني
ياريت يانونا خلاص لما خالد يرجع من برة هاقوله واشوفه هيقول ايه ااه براحة ياختي هو في ايه
نونا
مالك ياموني في ايه
مني
مفيش ياقلبي اصل البت اللي بتشتغل عندي بتدعك لي رجلي اهي ودورت الكاميرا عليا ولقيتها قرصت على رجلي جامد
انا سمعتها بتقول كده رحت سيباها وطالعه شقتي اڼهارت من العياط وصاحبتها قالت لها
انتي عندك شغاله يابت ياموني ايوه بقاااا اللي اداكي يدينا
مني
ههههه اومال يابنتي دي خدامة انما ايه بريمو لو عايزاها تيجي تخدمك قولي وانا ابعتهالك علطول
وفضلت ترغي مع صاحبتها وقفلت معاها وانا فضلت في شقتي بعيط ومش قادرة استحمل الإهانة لحد كده وطلعت حماتي لمني وقالت لها
اومال اللي تنخفي دي فين هي مش كانت عندك هنا يا منى
مني
ااه كانت عندي هنا وبعدين لقيتها طلعت من غير حتى ماتقول حاجة قولت هي حره بقا ولعلمك معملتش حاجة النهاردة عشان اقولك البت دي غيرانة مني تبقى تصدقي
الحما
يانهار اللي جابوها اسود يعني هي طلعت شقتها وقاعده فيها ومنزلتش تعملي الاكل
مني
ااه ياحماتي ولا عملت ليا انا كمان شوفتي
الحما
ده انا هخلي نهار اللي جابها مش فايت النهارده انا طالعه لها يابت
ولقيت حماتي طالعه تخبط عليا وانا عيوني كانت مليانة دموع وقالت لي
انتي ايه اللي مقعدك هنا ياختي ومعملتيش حاجة لسلفتك في الشقه ليه ها وكمان منزلتيش عندي جرا ايه يابت انتي هتتدلعي ولا ايه
سارة
انا لا بدلع ولا بتنيل ياحماتي وارجوكي بقا سبيني في حالي الله يخليكي انا مش هعمل حاجة لحد من هنا ورايح
الحما
يعني ايه ياروح امك الكلام ده انتي عايزة تقعدي في البيت هنا هانم ولا ايه لااا بقولك ايه ياب....... 
وقبل ما تكمل كلامها قولت لها
بقولك ايه انتي انا اهلي مكنوش بيجوزوني لابنك عشان اشتغل خدامة ليكي انتي ومرات ابنك لا إذا كنت انا ساكته على اللي بيحصل فيا وبستحمل فده عشان انا بنت أصول ومش عايزة مشاكل انما توصل لان مرات ابنك تقول لصحبتها على خدامة ده مش هقبله ابدا
الحما
طيب وايه الجديد يابت ما انتي خدامة فعلا وبعدين انا مصدقش ان مني تقول كده انتي كذابه
سارة
اهي عندك روحي اساليها بس انا كده من هنا ورايح مليش دعوة بيكم في البيت ده ياما امشي احسن
الحما
يبقا تاخدي بعضك كده وتمشي وتروحي لأهلك اللي مش لاقين ياكلو انتي سامعه يابت الكلام
وجه على صوتها يوسف اللي قال في ايه يا أمي انتي بتزعقي ليه عملت لك ايه البت