مشكله البنت

ده كان فيلم على بنتي حسبي الله و نعم الوكيل
هو ايه المشاكل اللي بينهم
بنتي من اول ما اتجوزت و حماتها بتتريق على عزالها و بتقولها انتي مجبتيش عزال زي الناس و بتقعد تعايرها ده غير المصاريف.. انا بنتي بقالها 6 شهور بتكمل مصروفها من ابوها
جوز نداء مسافر من امتى
هما اتجوزوا شهر 5 السنه اللي فاتت و جوزها قعد معاها شهرين ونص و سافر
جوزها بيبعتلها مصاريف
ببيبعت لوالدته و والدته بتديها 350 جنيه في الشهر و دي واحده معاها عيل تعبان و عنده ثقب في القلب و محتاج مصاريف فكلمت جوزها عشان المصاريف قالها هما ال جنيه دول اللي هتاخديهم و حطيهم في بوقك
طب لما بنتها بتىعب بتكشف عليها ازاي
بتروح تكشف عليها و حماتها بتبعت معاها واحده تحسب المصاريف اللي بيصرفوها والله بنتي قالتلي يا ماما بتحسب انا بصرف كام بالظبط لما بكشف على بنتي.. انا بنتى تعبت و حماتها كل شويه فهي زهقت بقا بس والله انا بنتي محترمه و انا مربياها والله بس هي غلطت انا عارفه و بتاخد عقابها و مسجونه فارحموها و ارحمونا.. كل الناس بتتكلم عننا حتى عم بنتي و اخوات جوزي مش راحمينا بسبب مشاكل عالورث و طالعين يعملوا بث مباشر يشتموا فينا.. حتى جوزها كل شويه ينزل عليها حاجه عشان ياخد مشاهدات
ممكن تقبلوا الصلح
اايوا بس اضمن ان بنتي تعيش في امان.. المحاميه بتاعتهم قالتلنا هتنتازل عن القضيه و بنتكم تتطلق و تاخد اامطبخ بس.. بس احنا مش عاوزين بنتنا تتطلق
انتوا رافضين انها تتطلق
اايوا تتطلق ازاي و بنتها دي تعمل ايه.. والله بنىي بتحب جوزها و لو كان هو حبها زي ما هي بتحبه مكنش ده كله حصل
تحبي تقولي ايه لعلي جوز بنتك
اقوله انا كنت بعزك و اعمل حساب لبنتك لاني كنت بشيلك من علي الارض شيل و انت كنت مبهدل بنتي بس انا كنت بعزك