حربايه البيت _الحلقه الاولي _بقلم هويدا زغلول

يا حبيبتي كلنا عارفين الكلام ده ربنا يخلي 
ليكي يارب وتفرحي بيه
فتحيه
ما هو انا جايه بقى علشان افرح بيه انا بدور 
ليه علي عروسه وكل الناس قالتلي عليكي برحاب بنت ناس وجدعه وانا شايفه بعيني كده برده يا حبيبتي
روحيه 
كان على عيني يا حبيبتي بس انتي عارفه العين بصيره والايد قصيره وجوزها اللي منه لله ما اداهاش اي حاجه في جهازها وابوها مش معايا يجهزها تاني
فتحيه 
اخص عليكي الكلام ده هو انتي عارفه برده ان احنا مستنيين حاجه زي كده انتي عارفه ان احنا لينا عماره بنبنيها هي هتقعد معايا بس قد السنه دي وبعد كده هيكون ليها شقه وانا هفرشها ليها من كل حاجه
روحيه 
والله انا مش عارفه اقولك ايه معقوله الكلام اللي انت بتقوليه ده انت طول عمركم احسن الناس وكمان عايزه تاخدي بنتي بشنطه هدومها
فتحيه 
اه يا حبيبتي المهم شوفي ميعاد 
علشان ابني رجب يجي يقابل ابوها
روحيه 
وقت ما تحبوا تيجوا يا حبيبتي تعالوا نوروا في اي وقت
فتحيه 
خلاص باذن الله هننزل نجيبلها اوضه نوم جديده علشان تتجوز فيها وفعلا الفرح تم بسرعه 
ويوم الډخله كان قاعد رجب ورحاب
رحاب 
صينيه الاكل هي ولا تحب اقوم اعملك اي حاجه يا سي رجب
رجب 
والله يا رحاب انا مش عارفه اقول لك ايه بس بجد انا كنت بحب منار مراتي دي قوي ومش قادر اڼسى انها راحت انا عايزك بس تستحمليني الفتره دي
رحاب 
رجب انا عارفه الكلام ده كويس قوي خد وقتك يا اخويا انا هقوم اشوف امي واجي وبعدها 
ډخلت عند امي
الحما 
انت ايه يا بنت اللي خلاكي تسيبي عريسك وتيجي في وقت زي ده
رحاب 
مش عارفه ياما انا حاسھ ان انا محروجه منه شويه وهو بصراحه قالي هيصبر عليا وكمان عرفت ان انت لما بتقفي على رجلك كثير لازم تدهني مرهم قولت لازم اجي ادهنلك المرهم
الحما 
هو انا بحلم ولا حقيقه معقول الكلام ده 
يابت شكلك جدعه اوي والله
رحاب 
ميجيش من بعد خيركم علينا 
ما تعرفيش انا فرحت ازاي ان انا اتجوزت والله
متعرفيش مرات اخويا كانت عامله فيا 
اي ومش قادره افتح بوقي معاها
الحما 
منها لله حد يبقي عندو قمر

زيك كده 
ولا تلاقي يابت علشان احلي منهم
رحاب
ياريتها بالحلاوه لما اقوم اڼام بقى وبعدها 
ډخلت وفي شقتي
عصام 
مالك يا مروه رايحه جايه ليه كده فيه اي
مروه
وربنا ما هسبها انا طول عمري مش برتاح 
للبت دي وبعدها الباب خپط وفتحت 
وكانت رحاب ...
ولحد هنا تكون خلصت حلقتنا