سهيله

يسهل ونقدر نعرف ايه الأسباب اللي عملت فيه كده
ووصلو عند باب المشرحة ودخلوا هما الاتنين سوا ومحروس قالا لهم
ايه يادكاترة انتو كنتو فين لغاية دلوقتي ده حصل حاجات تشيب النهاردة
سهيلة 
حاجات ايه دي يامحروس اللي حصلت
محروس 
اصل يادكتورة النور كان عمال يقيد ويطفي وأصوات كده غريبة اللهم احفظنا عامله زي اصوات الشيطان وتكسير ورزع ده الواحد كان هيتهبل
سهيلة 
ايه الكلام الغريب اللي انت بتقولو ده يامحروس من امتى بيحصل حاجات من دي عندنا هنا
محروس 
ماهو من ساعة ماجات چثة الراجل السخام دي اني مكنتش مرتاح له ولا مرتاح لچثة اللي دخلت علينا بالخړاب دي ياست الدكتورة
سهيلة 
بطل تخاريف يامحروس وبلاش الكلام الأهبل ده اوعي تتكلم مع حد فيه تاني انا بقولك اهو انت سامع قالت كلامها ومشيت على الاوضة اللي فيها الچثة
ومحروس قال بصوت مسموع 
سامع يادكتورة سااامع ياسنينك اللي مش معدية على خير يامحروس
رجعت سهيلة وقالت له 
انت بتبرطم بتقول ايه يامحروس
محروس 
ولا بقول ولا بنيل انا رايح اجيب للدكتور بكر الديتول اللي طلبه وجاي وراكي
ودخلت سهيلة الاوضة ومكنش فيها حد ولبست الجوانتي بتاعها والكمامة عشان تبدأ تشتغل في الچثة ولسه بترفع عنه الغطا لقت ايد مسكتها رفعتها لفوووق وسهيلة عمالة ترفس مش عارفة تتنفس في الوقت ده دكتور بكر راحت سهيلة مرمية على الأرض جري عليها وقال 
دكتورة سهيلة يا دكتورة محروووس يامحروس تعالي بسرعة تعالي
محروس 
خير يا دكتور ايه ده هى الدكتورة مالها ايه اللي حصلها ديه ومين اللي رماها كده
بكر 
انت لسه هترغي اجري بسرعة هات سنتي حقنة خلينا نفوقها بسرعة يلا
محروس 
ح ح حاضر يادكتور وراح محروس ورجع وفوقو الدكتوره سهيلة وبكر قالها
ايه اللي حصل يا دكتورة شوفتي ايه
سهيلة
مفيش حاجة حصلت يادكتور الظاهر اني دوخت ووقعت وانا واقفه بشتغل انا هاقوم اكمل شغل
بكر
لا لا انتي ترجعي البيت النهاردة وبكرة نكمل شغل انتي شكلك تعبانة جدا وبعدين اليوم النهارده كان مرهق ومتعب جدا بالنسبة لينا كلنا
سهيلة
بس عشان نلحق نقدم التقرير عن الحاله دي
بكر
لسه الايام جايه الدنيا مطارتش يادكتورة يلا بس قومي روحي قومي
ومشيت سهيلة وهي سايقة العربية بتاعتها شافت حد شكلة بشع وعيونه حمرا وبوقة بيخرج مادة حمرا وكان وراها ماسكها من رقبتها وقال لها
ابعدي عني احسن لك ملكيش دعوة بيا يا سهيلة عشان مش هتقدرى عليا
في الوقت ده سهيلة فضلت تميل بالعربية يمين وشمال يمين وشمال لحد لما مره واحدة وقفت وهي مخضۏضة وجم عليها الناس اللي في الشارع وواحد قال لها
حضرتك كويسة في ايه نجيب لك ماية يافندم
سهيلة
لا لا انا متشكرة اوي ليكم انا كويسه كويسة
وفضلت قاعده شوية في العربية تفتكر اللي حصل معاها من شوية ومن ساعت اللي ظهر لها ده في المشرحة وقالت
باين كده الموضوع كبير اوي
ورجعت البيت وكانت شكلها تعبان ومرهق وكان هشام مستنيها وقال لها
في ايه ياسهيلة تليفونك مالو بقالي يجي ساعتين برن عليكي وكان مغلق في ايه ياحبيبتي وبعدين اللي قلقني اكتر اني اتصلت في المشرحة قالو انك مشيتي كنتي فين
سهيلة
كنت هعمل حاډثة ياهشام
هشام
بتقولي اييييه ازاى وليه انتي بتعرفي تسوقي احسن مني
سهيلة
ماهو اللي كان عايز ېخنقني في العربية وخلاني مش شايفة الطريق قدامي خالص وكنت هاروح
هشام
سلامتك ياحبيبتي هو مين الحيوان اللي عمل كده ده وكان عايز يخنقك ده وازاي متتصليش بيا وتقولي لي
سهيلة
اهدي بس ياهشام وانا هحكي لك كل حاجة حصلت معايا من اول ما الچثة جات المشرحة وهي بتعمل معانا حاجات غريبة
هشام
چثة ايه دي وأرواح تاني ولا ايه ياسهيلة
سهيلة. بس