سهيله

كان بيعمل كده كان عمل لنفسة سحر عشان الحكومة متقبضش عليه وتعدمه لا الراجل عمل حاجة وخلا الأسياد تغضب عليه اساليني انا
سهيلة
ههههه الأسياد والنبي بقا في دكتور في الدنيا يقول الأسياد دي ايه يادكتور احنا هنسيب الطب ونشتغل في الشعوذة ولا ايه
بكر
والله يادكتورة انا من ساعت ما عشرتك وانا بقيت اعرف حاجات عن عالم الأموات عمري ماقرات عنها اصلا وشكلي كده هقرا عن عالم الأسياد وهتبقا ليلة كبيرة ساعتك يلا بينا نرجع على شغلنا نشوف الدنيا فيها ايه
سهيلة
طيب ايه رايك قبل مانرجع الشغل ناخد لفه كده على أهل البلد هنا ونسالهم الراجل برعي ده كان بيعمل ايه معاهم عشان يبقا ليه كرمات كده
ومشيو في البلد وسهيلة وقفت بعربيتها قدام ستات كتير قاعدين على مسطبة وراحت عليهم وقالت
مساء الخير ياجماعة انا أسمي الدكتورة سهيلة وكنت جاية عايزة اعرف معلومات عن الراجل اللي اسمه برعي اللي اتعدم ده اكيد طبعا كلكم عارفينو
ردت واحده من اللي قاعدين
الا عارفينو منها لله الحكومة عشان خدت الراجل البركة الطيب ده والله مكان يستاهل اللي جرا له ده
سهيلة
كان طيب ازاى هو مش في واحده راحت علي ايده يعني هو السبب في انها تروح
ردت الست وقالت
لا ياست هانم ده هى اللي راحت لوحدها ااه دي كانت بتاخد منوم كتير لحد لما راحت انما سيدنا ده غلبان خالص
سهيلة
يعني انتو كلكم منتو عايزينو يفضل معاكم مش كده
الست
ايوه ياريتة كان فضل ده اني كنت لسه هودي له مرات ابني عشان يخليها تحبل الا بقا لو مكنتش الحكومة جات وخدته منهم لله
سهيلة
الراجل ده كان بياذيكم باعماله السفلية وانتو مش حاسين بحاجة كلكم مساكين
الست
ايه الأعمال السفلية دي انتي شكلك كده من المباحث واكيد جايه عشان توقعينا في الكلام الحقو يانسوان الست دي جاسوسة وجايه تخرب علينا
سهيلة
لا ابدا انا مش من المباحث ولا حاجة انا كنت جاية وعايزة بس اعرف الراجل ده بيعمل ايه عشان انتو تقولو عليه انه مبروك اوي كده
الست
لا الشهاده لله ياست هو عمل ياما ده كفاية ان خلي البت بهية بنت هانم تخلف من جوزها البت الله اكبر عليها جابت تؤام في بطن واحده
واحدة تانية ردت عليها وقالت لها
يابت يا نبوية ده مش هو اللي خلاها تحمل دي هي اللي عملت عملية الحقن المجهرية دي اللي بيقولو عليها
واحدة تالتة قالت
يابت لا ده هو اللي خلاها تحبل يابت اسمعي مني اني عارفه امها وحماتها وهما اللي قالو ان الشيخ برعي هو السبب
بكر
بقولك ايه يلا بينا نمشي من هنا
سهيلة
انا بقول كده برضو يلا بينا
وركبت سهيلة عربيتها والدكتور بكر معاها وقال لها ايه التخلف اللي الناس لسه عايشه فيه ده معقولة الناس دي في عصرنا ده انا اشك الصراحة
سهيلة
انا كمان مستغربة زيك بالظبط يادكتور واللي شوفته دلوقتي ده قلقني وخلاني اخاڤ من الناس دي من نفسهم دول بيفكروا تفكير عقيم
بكر
وانهو عقيم بس انا خلاص بقت ما سمعت اللي ذكية قالته واللي اهل البلد قالوه ده انا كده مش مطمن خالص يادكتورة
سهيلة
لا اطمن احنا هنقدر نجيب الكائن ده اللي عمل كده في برعي عشان انا متأكده انه هو اللي عمل فيه كده
بكر
طيب وليه مشكتيش انه يكون من العساكر والحكومة كانو بيعذبوه عشان يعترف بحاجة
سهيلة
لا طبعا استحاله وبعدين يادكتور انت ناسي ان الټعذيب جه بعد ماهو اتعدم خلاص يعني بعد ماراح مش معقوله العساكر هتعذبة بعد ماراح
بكر
ايوه انا كنت ناسي الحكاية دي برضو يلا ربنا