سهيله

المره دي روح شريرة وقوية اي ياهشام وانا مش عارفة هتصرف ازاى معاها انا كنت في المشرحة ببان قدمهم اني قوية بس انا لما بكون معاك بستقوي بيك انت
هشام
اهدي ياقلبي واحكي لي براحة كده ايه حكاية الچثة وروح ايه اللي شريرة دي
سهيلة
انا هحكي لك النهاردة الصبح جات چثة في المشرحة لواحد دجال والدجال ده بقا بيعمل أعمال سودة على دماغه المهم بقا حصل معانا حاجات من اول لما استلمنا الچثة لحد وانا قاعده معاك دلوقتي
هشام
مش فاهمة حاجة فهميني براحة
وابدت سهيلة تحكي لهشام كل اللي حصل معاها طول اليوم منه الروح الشريرة دي ورد هشام قال لها
ايه الخرافات والكلام الفارغ ده يا سوسو معقوله حصل كل ده من اول يوم جات فيه الچثة اومال لو قعد عندكم فترة هيعمل فيكم ايه
سهيلة
ماهو عشان كده احنا لازم نعرف بسرعة ايه اللي حصل مع الچثة دي عشان نخلص من الهم ده ياهشام بس زي مايكون الروح دي مش عايزانا نقرب من الچثة ولا نعمل فيها حاجة ولا نكشف الحقيقة
هشام
طيب والحل ايه دلوقتي ناوين على ايه
سهيلة
مش عارفة والله ياهشام انا احترت انا والدكتور بكر هو كمان مكنش بيصدق في خرافات السحر والشعوذة دي لحد لما بقا يشوف بعينة كل اللي بيحصل معايا في المشرحة
هشام
اسمعي ياسهيلة انتي قبل كده قولتي هستقيل من الشغلانة دي وانا معترضتش وفجأه لقيتك رجعتي تاني برضو بارادتك وانا مردتش برضو اتكلم عشان متقوليش اني بقف في طريقك بس انا شايف انه لحد هنا وكفاية اوي ياحبيبتي كفايه تعب أعصابك ده
سهيلة
ياهشام انا حابه شغلي ده والمشكله اني مبحبش حد يقولي انتي غلط ابدا انت عارفني لما بدخل تجربة يبقا لازم اعديها واتخطاها وبنجاح وانا عايزة اكمل في شغلي عشان خاطري ياهشام مش معنى اني باجي احكي لك كل حاجة بتحصل يبقا استني منك تقولي خليكي ومتروحيش والكلام ده
هشام
انا خاېف عليكي وانتي عارفة كده كويس ومانعك نفسك من الخلفه لحد دلوقتي بسبب انك ماسكة في الشغل بتاعك ده وانا ساكت مش عايز اتكلم مع اني نفسي اقولك اني عايز ابقي اب زي الناس كلها
سهيلة
يعني انا اللي حرماك ياهشام من الخلفه ماهو انا لو هينفع اخلف كنت خلفت
هشام
وايه اللي مش هينفعة بقا ان شاء الله ياسوسو
سهيلة
هيتبهدل معانا ياحبيبي ايه ذنبه الطفل اللي يجي ده ويلاقي مامتة بتشوف عفاريت وأرواح وكده ايه ذنبة بقا خليه دلوقتي انا مش ناسية موضوع الخلفه ده بس سيباه لوقته
هشام
ماشي يا سوسو اعملي اللي يريحك ودلوقتي قومي يلا عشان تنامي وانا هدخل اعملك كوباية لبن سخنة عشان تهدي أعصابك
سهيلة
ربنا مايحرمني منك ابدا ياهشام وبعدين ما أنا بنتك اهو عايز عيال تاني ليه بقا انا كده هغير على فكرة بقا
هشام
انتي بنتي ومراتي وحبيبتي وصاحبتي وكل حاجة ليا في الدنيا
سهيلة
وانت وكمان والله ياحبيبي كل دول
هشام
كل دول ازاى يعني بنتك وصاحبتك واختك وحبيبتك ههههه
سهيلة
ههههه انت ااخ منك انت يلا روح اعمل اللبن وهاتو على اوضتي
هشام
تحت امرك يامولاتي اتفضلي انتي
ودخلت سهيلة الاوضة بتاعتها تغير هدومها وطول الوقت حاسه انه في حد معاها في الاوضة وعماله تتلفت حواليها يمين وشمال ومش لاقيه حد ودخل هشام باللبن وقالت له
خليك معايا ياحبيبي اوعي تسبني انا خاېفة اوي ياهشام
هشام
ايه يا سوسو ايه يا حبيبتي انا اول مره الاقيكي خاېفة كده في ايه بس انتي ليه قلقانة وخاېفه كده انا مش متعود منك على كده
سهيلة
مش عارفة بس في حاجة
انا حاسها ياهشام حاسه انه في حد معايا في الاوضة هنا صدقني ده احساسي
هشام
دي اكيد تهيؤات ياحبيبتي متحطيش في بالك اي حاجة خالص ويلا نطلع على السرير عشان ننام وانا جنبك متقلقيش
وطلعت سهيلة على السرير واول لما حطت دماغها نامت علطول وهشام فضل صاحي جنبها لحد لما راحت في النوم
وبعد شويه في نص الليل سهيلة نايمة لقت ايد بتصحيها وبتقول لها
اصحى اصحى فاقت سهيلة وقالت مين مين انت مين
نهايتك قربت ياسهيلة ابعدي عني ومتحاوليش تدوري ورايا
سهيلة عماله تتلفت حواليها وتقول 
مييين انت مييين وعايز مني ايه انت ميييين
وفجأة لقت الاوضة اتملت ناس كتير اوي واقفين حواليها عمالين يدورو حواليها ويقولو ابعدي يا سهيلة ابعدي ياسهيلة ابعدي
سهيلة
ابعدوا انتو عني ابعدوا عني ابعدوا عني سيبوني في حالي حرام عليكم......