سلفتي المفتريه _كامله_بقلم هويدا زغلول
انت في الصفحة 1 من 7 صفحات
وقبل ما بدا حكايتي اعرفكم بنفسي انا أسمي ليلى عندي 27 سنة
في يوم كان عمر خطيبي جاي عندنا وقالي
عمر
انا جهزت الشقة خلاص وكل حاجة جاهزه انتو ايه نظامكم انا عايز اتجوز بقا يا ليلي نفسي افرح امي اوي
ليلى
على فكرة ياعمر ماما وبابا امبارح كانو بيتكلمو في الموضوع ده وقالو انهم خلاص قربو يخلصو كل حاجة في الجهاز يعني فاضل حاجات بسيطة وبعدين يعني هي مامتك مجوزة اخوك المهندس يعني مش انت الوحيد الي هيتجوز
اصلك مش فاهمة حاجة يا ليلي مرات اخويا الدكتوره تقريبا كده مش بتخلف لأنهم متجوزين بقالهم تلات سنين ومحصلش حمل لحد دلوقتي فامي بتقولي الأمل فيا انا وانتي عارفه امي
من الارياف وموضوع الخلفه ده فارق معاها اوي
والله
ليلى
بس دي حاجة بتاعت ربنا وده نصيبها مش كده ولا ايه يمكن اكون زيها وربنا مش يديني اولاد
طبعا يا ليلي انا عارف كويس الكلام ده وهي عارفه بس انتي عارفه بقا الستات بتاعت زمان تفكيرها كان عامل ازاي وانا امي بقا دماغها رايحة مع الناس بتوع زمان
ليلى
ااه طيب افرض دلوقتي ياعمر اني وانا وانت اتجوزنا وحصل نفس الحكاية واتاخرنا في الحمل مامتك هتفضل تقول دي مخلفتش
عمر
يا ليلي بقا انتي ليه بتحطي احتمالات زي كده ياحبيبتي خليكي متفائلة خير انا عن نفسي عارف اننا ان شاء الله اول لما نتجوز هنخلف ونفرح امي
ان شاء الله ياعمر خير وربنا يسهل
وفي الوقت ده خرجت ماما من المطبخ وقالت
الام
ايه ياعمر انت ليه مأكلتش من الكيك اللي قدامك مش عجبك ولا ايه
عمر
لا ازاى بقا ياطنط ده عجبني جدا تسلم ايدك يارب انا اصلا كنت ماشي لاني ورايا شوية مشواير كده ورايح اعملها بقولك ياطنط ماياريت بقا تقولي لعمي اني انا خلصت وجاهز وعايز العروسة بجد نفسي اتجوز في اسرع وقت
راحت ماما ضاحكة وقايله له
ههههه انت مستعجل اوي ليه كده بس ياعمر وبعدين يعني المهلة اللي محددنها لسه مخلصتش انت عارف ده فاضل لسه يجي اربع شهور
عمر
ما أنا عارف والله بس انا بقول يعني لو جهزنا ليه نستنى وخير البر عاجلة
الام
ان شاء الله يابني انا لما عمك يصحى من النوم انا هاقوله برضو وربنا يسهل
خلاص تمام طيب استأذن انا بقا عن اذنك ياطنط مش عايزة حاجة يا ليلي
ليلى
عايزة سلامتك ياعمر مع السلامة
ومشي عمر وماما لقتني مكشرة قالت لي
مالك يا ليلي هو عمر زعلك ولا ايه انا عمري
ما شوفتك بالشكل
ليلى
لا ابدا ياماما بس اصل مرات اخوه صعبانة عليا اوي تصوري ان عمر بيقولي انها لسه محملتش وحماتي بقا من النوع القديم ده اللي عايزة عيل عشان تفرح بيه والكلام ده
ربنا يكرمها يابنتي محدش عارف النصيب فين وانتي بقا ان شاء الله ربنا يكرمك لما تروحي بيتهم وتخلفي وحماتك تفرح بالحمل
وساعتها اللي الالي هتكوني فرخه
بكشك عند حماتك يا بت
ليلى
انتي برضو هتفكري زي عمر اللي بيقولي الأمل فيكي انتي لما تحملي وتفرحي امي طيب بزمتك هيبقا شكلي ايه لو انا روحت هناك وحملت وهي لسه اللي متجوزة قبلي بكتير
الام
الله دي حاجة بتاعت ربنا يا ليلي هو انتي هتقولي كلام قبل اوانة ليه يابنتي وبعدين أن شاء الله ربنا يكرمك وملكيش دعوة بحد
واحنا عيلتنا كلها ولاده يا حبيبتي والحمد لله
مش فيها حد مش مخلف بس انا اعرف ان سلفتك عندها كام حد في عيلتها كده
اسكتي انتي بس وبالله عليكي بلاش
تكوني مضايقه انتي عروسه ومن حقك
تفرحي يا حبيبتي
