سلفتي المفتريه _كامله_بقلم هويدا زغلول

عايزكي تتجوزي تكوني 
في حالك ملكيش دعوه ب حد انتي سامعه ولا لا 
النفوس مريضه يا حبيبتي
ليلى
حاضر ياماما انا مش هيبقا ليا دعوة بحد
الام
انا هدخل اخلص شغل المطبخ لحد بابا مايصحي ونشوف هنعمل ايه في موضوع عمر ده
وعند عمر في بيتهم مامته قالت لمرات اخوه اللي لسه داخله من شغلها
الحما 
انتي لسه راجعة دلوقتي ياست هانم ااه ماهي الدكتورة محدش يعرف يكلمها بقا
فاكره نفسك اي يا حبيبتي شرطتنا عليكي 
ان هيكون ليكي مواعيد في الخروج والدخول ولا انتي نسيتي نفسك شكلك
نوال
في ايه ياحماتي بس انا كنت في الشغل اعمل ايه يعني وبعدين انتي عارفه اني بشتغل دكتورة وشغلي ساعات بيخليني اتأخر
ولا انتي عايزني اقول للناس خلاص 
بلاش تتعبوا ولا اي مش فاهمه انا
الحما
بس انا قايله لك كذا مره حاولي انك متتاخريش في الشغل عشان البيت اللي مسؤل منك ده ولا هو عشان انتي مش حيلتك لا عيل ولا تيل ومفيش وراكي عيل ترجعي من شغلك عشانه تقومي تتأخري براحتك
نوال
لا مش عشان كده عشان انا دكتورة وورايا ناس مريضة كتيرة ولو سبت المرضى ومشيت ذنبهم هيبقا في رقبتي
الحما
ماشي يانوال خليكي كده ردي عليا كلمة بكلمة كل لما اجي اتكلم معاكي في موضوع التأخير هو اللي باخدة منك الرد وبس يلا ياهانم ادخلي المطبخ خلصي الشغل اللي وراكي يلا
نوال
حاضر يا حماتي هدخل بس اطلع شقتي اغير هدومي وانزلك علطول مش هتأخر عن اذنك
وهي خارجة من باب الشقه قابلها عمر قال لها
ازيك يادكتورة
نوال بعصبية 
اهلا ياعمر لو سمحت عديني وسابته وطلعت فوق
ودخل عمر وقال لمامتة
هو في ايه يا أمي هي نوال مالها انتي اتخانقتي معاها تاني ولا ايه هو انا كل لما ارجع من بره الاقيكي بتزعقي معاها حرام عليكي والله اللي بتعملي فيها ده مش كل يوم خناق
الام 
يابني هو انا عملت لها حاجة انا بس بقول لها على موضوع التأخير بقول لها تحاول متتاخرش في شغلها هو انا قولت حاجة غلط لقيتها طلعت فيا وبعدين يعني بدل ما تقول ليها هي كلمتين 
جاي تقولي أنا اخس عليك
عمر 
ياماما انتي عارفه ان نوال دكتورة واكيد تأخيرها ده ڠصب عنها يعني هي هتسيب الناس العيانين عشان تجي لك في الميعاد اللي انتي قايله لها عليه
الام 
بقولك ايه ياعمر انا مش ناقصاك يابني يلا ادخل على اوضتك غير هدومك لحد الشملولة مرات اخوك ماتنزل وتحضر لنا الغدا 
بقولك اي أنا عايزه من اولها تعرف خطيبتك 
تسمع كلامي في كل حاجه مش تعمل زي اللي فوق دي
عمر 
والله ده اللي خاېف منه هههههههههههه 
حاضر يا أمي اها صحيح انا اتكلمت مع حماتي في موضوع اننا خلصنا كل حاجة وفاضل هما بقا وقالت لي هتقولي لحمايا ويردو عليا
الام 
طيب ياضناينا ربنا يفرحني بيك ياحبيبي ومراتك تيجي تملي علينا البيت عيال
عمر 
ان شاء الله ياماما برضو تفكيرك في العيال وبس
الام 
اومال افكر في ايه تاني ياعمر انا اجوز عيالي وعيالي يخلفو ويجيبو لي أحفاد مش يفضلون كده قاعدين من غير خلفة لا ياحبيبي اسم الله عليك انت اللي هتخلف ان شاء الله
عمر 
ربنا يسهل ياماما يلا اسيبك انا بقا
وفي بيتنا بابا قالي 
ايه يا ليلي انت عايزة تدخلي علطول يابنتي ولا نستنا على ما المهلة تخلص اللي انا متفق عليها مع عمر أنا حاسس انك مش جاهزه حاليا
ليلى 
والله يابابا اللي حضرتك تشوفو انا اعمل اللي انت عايزة انما انا معرفش حضرتك ظروفك ايه
الاب 
خلاص يابنتي انا هوضب اموري كده ونشوف الدنيا فيها ايه واللي فيه الخير يقدمه