سهيله _كامله _بقلم هويدا زغلول
دي
محروس
ههههه انت قلبك خفيف اوي ياعباس وبعدين انا مش قايل لك انك قبل ماتدخل هنا تستأذن منهم الأول وانت برضو مفيش فايدة فيك خليك لحد لما تتاأدي
عباس
ياعم محروس انا لسه في الاسانسير دلوقتي حصلي حاجة غريبة النور قطع والاسانسير عطل بيا والچثة اتكلمت وقالت مش هرحم حد انا مفهمتش حاجة
محروس
ولا عمرك هتفهم حاجة وبعدين النور مقطعش ولا حاجة اكيد كان بيتهايلك ياعباس المهم ايه حكايتها دي
دي حاله تبع الدكتور حازم وبيقولك خلص فيها بسرعه خلي الحريم يغسلوها عشان هندفنها علطول
محروس
ازاى هندفنها علطول والدكتور بكر اللي مسؤل عن التشريح مش بيجي الا بالليل انت متأكد ان الدكتور مش عايز الچثة دي تتشرح
عباس
ياعم ما أنا قولت لك اللي حصل واعمل بقا اللي بقول لك عليه وانا ماشي من المكان ده انا جتتي مش ناقصه كفايه اني قطعت الخلف وسابه ومشي
ههههه جبان ياعباس جبان
وبص في التقرير اللي معاه وقال
الاسم نوال امام السن 26 سنة ده انتي لسه صغيرة برضو لا حول ولا قوة الا بالله
سبب الوفاه نتيجة لارتفاع ضغط الډم مع وجود حمل امممم يعني انتي بقا حامل اصلا يلا الله يرحمك تعالي لما احطك جنب اخواتك لحد لما ام اسماعيل المغسلاتية تيجي
وډخلها محروس التلاجة وخرج من الاوضة
لا احنا لسه في النهار لسه الليل مجاش بس الحمد لله انك هتمشي قبل الليل مايجي اومال لما بتعملي كده في النهار هتعملي فينا ايه بالليل يارب احفظنا
وعند سهيلة في بيتها الباب خبط وراحت تفتح ولقت رشا صديقتها القديمه وقالت لها
مين رشا ياهلا وسهلا ياحبيبتي اتفضلي ده انتي وحشاني ادخلي ادخلي
انا لو كنت وحشاكي بجد كنتي سالتي عليا ياسوسو لا لا بجد انا زعلانة منك
سهيلة
ليه بس ياحبيبتي طب والله كنتي على بالي من كام يوم كده وكان نفسي اكلمك بس ملقتش رقمك عندي الظاهر انه اتمسح وانا بعمل سوفت لفوني
رشا
ولا يهمك ياسوسو المهم انتي عامله ايه وهشام عامل معاكي ايه طمنيني
سهيلة
انا بخير يارشا بس الكوابيس إلى مش سيباني في حالي دي مش عارفه اعمل فيها ايه بس
هو انتي برضو لسه مصممة انك مترجعيش الشغل تاني انا بقول انك ترجعي اهو تسلي نفسك بدل القاعده بين أربع حيطان دي
سهيلة
ماهو انا مش بيجي لي غير ۏجع القلب من الشغل الدكاترة كانو بيقولو عليا مره مچنونة ومره مخاوية ومره مش عارف ايه انا قولت اخدها من قصيرها واقعد في البيت
رشا
اممممم كل ده عشان كنتي بتقدري تساعدي الأموات وترجعي لهم حقهم في اللي بيعمل فيهم حاجة
انا مش عارفة هما ليه بيختاروني انا بالزات انا جات عليا فترة بقيت بعرف الچثه اول لما بشوفها
رشا
الله يعينك والله ياسهيلة على اللي كنتي فيه ده
سهيلة
المهم سيبك مني انا واحكي انتي عامله ايه واحوالك ايه
رشا
أطلقت ياسهيلة وكله بسبب سلفتي العقربة تصوري كانت عملالي عمل عشان تخلي جوزي يطلقني
سهلية
ياساتر يارب طيب ليه كده وهي تعمل كده ليه ده انتي حتى غلبانة وملكيش في حاجة خالص
رشا
كانت بتغير مني انا ومصطفى جوزي اكمنة كان بيدلعني وهي جوزها كان كل يوم يديها العلقھ التمام لحد لما راحت وعملت لي العمل ايوه الشيخ جه وطلعه من شقتي وقالي اللي عملته واحده من البيت حماتي قالت مفيش غيرها يلا اديني بعدت عنهم خليهم يشبعو بيها
سهيلة
متزعليش نفسك ياحبيبتي ان شاء الله ربنا هايعوضك خير انا هاقوم اعمل لينا حاجة نشربها
وفي المستشفى خلصو غسل چثة نوال ومحروس بعتها للمقاپر مع عربية الإسعاف وفي المقاپر التربي قال
ايه ده هو مفيش حد معاك ليه عشان يدفنو الجته دي ملهاش قرايب ولا ايه
المسعف
والله مانا عارف ياعم جميل وبعدين عم محروس قالي ان الحاله دي ملهاش قرايب فعلا ولا اي حد فكلفنا انا وزميلي نجيبها هنا وادي التصريح اهو خده
خد جميل منه التصريح وقال بضيق
هات ياسيدي لما نشوف اخرتها معاكم ايه ونده على المساعد بتاعه وقال
واااد يا سامح انت يلا يازفت
سامح جه جري وقال
نعمين ياعم جميل عايز ايه
جميل
عوزت الكفن ياخويا تعالي ياض شيل قدامي الجتة دي خلينا ڼدفنها في مقاپر الصدقه يلا قبل الليل ما يليل علينا انت عارف
