سهيله _كامله _بقلم هويدا زغلول
وراها حاجة وعايزة حد يجيب لها حقها فأنت تيجي تأخدها من ساكت بدل مادخل الحكومة
وقفل في وشه الخط
سهيلة
الجزء التاني
وفضل محروس يفكر في كلام جميل ويقول لنفسه
الحكايه دي شكلها كده مش اللي هي انا هكلم الدكتور بكر واشوف راية ايه في الحكايه دي
وراح للدكتور بكر في مكتبة وقاله
مساء الخير يادكتور
بكر
مساء الخير ايه بس يامحروس قول صباح الخير ده الفجر قرب يأذن وبعدين في ايه اللي صحاك دلوقتي في حاله وفاه ولا ايه
لا حاله وفاه ايه بس ده حاجة حصلت اسود من كده يادكتور
بكر
ياساتر يارب خير في ايه ماتتكلم
محروس
حضرتك الچثة اللي دكتور حازم امر بډفنها النهارده التربي كلمني وقالي الچثة مش عايزة تتدفن وعايزة حقها ومحدش فاهم حاجة
قام بكر وقف وقاله
ايه التخاريف اللي بتقولها دي يامحروس انت شارب حاجة ولا ايه
محروس
والله ابدا يادكتور انا بقول لحضرتك اللي حصل جميل التربي لسه قافل معايا وقالي انهم كل مايدخلو الجتة تخرج تاني
يبقا فعلا زي ماكانو بيقولو زمان ان الچثة بتبقا عايزة اللي يجيب حقها وانا اصلا شكيت في ډفن الچثة دي لما اتدفنت بطريقة زي دي
محروس
ماهو دكتور حازم قال إنها ملهاش اهل يابيه
بكر
ااه واحنا اي حد كده ملوش اهل يبقا مينفعش نجيب حقه انت بتستعبط يامحروس انت كمان على العموم انا عايزك تروح تصحي عبد القادر المسعف والسواق اللي معاه عشان يجو معايا نجيب الچثة دي هنا
طيب ودكتور حازم هنعمل معاه ايه يادكتور بكر
بكر
ملكش دعوة بيه ومش لازم يعرف حاجة دلوقتي انا سامع
محروس
حاضر وانا مالي انا
وراح بكر والسواق والمسعف ورجعوا الچثة المشرحة وبكر قال لمحروس
انا هدخل اشتغل عليها على ما النهار يطلع اكون خلصت وقفلت فيها وفعلا بكر عمل كده بس الغريبة انه كل لما يجي يشرحها الكهربا تقطع وترجع تاني ويسمع صوت سريخ جامد الدكتور پخوف
يامحروووس انت يامحروس
محروس
نعم يادكتور في ايه الچثة اتشرحت
بكر
الچثة دي رافضة التشريح يامحروس انا مش عارف اعمل ايه
محروس
بص ياباشا هو مفيش غير حل واحد بس هو اننا نجيب الدكتور سهيلة وترجع تشتغل تاني معانا هنا صدقني هي اللي هتجيب قرارها
مش دي الدكتوره اللي كانت بتشتغل في المستشفى العام والدكاترة قالو انها مچنونة
محروس
يووه ده في اللي قال مچنونة وفي اللي قال مخاوية وكلام كتير اوي يادكتور بس الشهادة لله يادكتور مكنتش بتخلي چثه تتدفن غير وحقها جاي لها
بكر
وانت عرفت منين بقا يابكر انت اشتغلت معاها قبل كده
محروس
لا مش انا ده ابن عمي شكري وكان بيحكي لي عنها كلام دي كانت بتخلي الحكومة متدورش ورا القاټل هي اللي كانت بتجيبه كانو بيقولو انها بتعرف تتكلم كويس مع الچثث
امممم بصراحة شوقتني اشوفها واتعرف عليها واشتغل معاها اسمع يامحروس انت تروح تجيبها ونشوف فعلا هي هتعرف تساعدنا في التعامل مع الچثه دي ولا هيطلع كلام وبس
محروس
خلاص ياباشا انا هكلم شكري واخد رقمها او عنوانها واروح لها بنفسي
وبعدها فعلا محروس كلم شكري واخد منه عنوان الدكتوره سهيلة
وفي البيت عند سهيلة رجعت لها نفس الكوابيس وهشام بيصحيها وبيقول لها
سهيلة فوقي فوقي
سهيلة
ابعدوا ابعدوا عني اعاااااااا وفتحت عيونها وقالت بسم الله الرحمن الرحيم
هشام
نفس الكوابيس برضو انا مش عارف اخرتها ايه بس الكوابيس دي ياحبيبتي انتي لازم تروحي لدكتور نفساني يمكن يساعدك
سهيلة
انا مش مچنونة ياهشام على فكرة وبعدين الدكتور هيعملي ايه يعني هو هيعملي جلسات انه يقعد يتكلم معايا وخلاص
هشام
بس برضو اكيد هيساعدك هو انا برضو اللي هاقولك ياسوسو
سهيلة
خلاص انا هبقا اشوف الموضوع ده ياحبيبي الجرس بيرن روح شوف مين الي جاي لنا
وراح هشام يفتح ولقي محروس قدامة وقاله
مش دي شقه الدكتورة سهيلة
هشام
ايوه هي انا جوزها مين حضرتك
محروس
اهلا وسهلا بحضرتك واني اسف يعني اني جيت كده من غير معاد انا محروس هي الدكتورة متعرفنيش انا جاي لها من طرف عم شكري بس كنت عايزها في موضوع مهم
هشام
اتفضل ادخل اتفضل
وخرجت سهيلة من جوه وقالت له
خير ومين حضرتك
محروس
انا اسف اني جيت لحضرتك من غير ميعاد بس انا جاي لك عشان عايزينك في شغل المشرحة عندنا في المستشفى
سهيلة
بس انا بطلت تشريح من
