نعمة اندرو شريف المخوفاتي

خرج ڠصب عني
قتلتيها ليه
بدأت ترتبك وتبلع ريقها
قټلت مين انا مش فاهمة انتي بتتكلمي على ايه.
نعمة مرات علي ابنك.
مرات علي ماټت في حريقة جوة الدار هي وامها ولولا انهم كانوا قافلين الباب عليهم كنا لحقناهم.
بس انتي اللي اتسببتي في الحريق ولطيفة عارفة كل حاجة وقالتلي لما عرضت عليها قرشين زيادة.
كدابة.
كدابة ازاي.. ده انا مسجلة كل حاجة قالتها بالتفصيل والشرطة لما تسمع هي اللي تحدد والأهم من الشرطة علي علي اللي انتي عملتي كل ده عشانه.
لأ اوعي تقولي لعلي انا مش عايزاه يكرهني كفاية الصدمة اللي دخل فيها من ساعتها ارجوكي يا داليا انا بعتبرك زي بنتي في بنت تسلم امها
مايشرفنيش واحدة زيك تبقى امي انتي قټلتي نفسين عشان الفلوس والنفوذ.
انا ام ام وعايزة ابني يعيش احسن عيشة وااقسملك انا ماكنش قصدي اقتلهم بس الشيطان وسوس في دماغي لما لقيتهم كل كام يوم بيقعدوا في الاوضة لوحدهم وبيقفلوا عليهم كنت بقرب اسمعهم بيقولوا ايه وفي اليوم ده عيني جت على علبة الكهربا ماعرفش ايه اللي خلاني اعمل كده بس دلقت عليها ماية وولعت في المكان بس تعرفي بعدها ضميري صحي وحاولت الحقهم انما ماعرفتش خۏفت من شكل الڼار وهربت اتصلت بالمطافي ولما جت كانوا خلاص اتفحموا في الڼار وماتوا مانكرش اني حسيت ان كل مشاكل علي ابني هتتحل لكن الحقيقة اني كتبت شهادة ۏفاة ابني علي دخل في حالة نفسية صعبة طول الوقت بقى عصبي بيقعد في الأوضة لوحده حتى شغله اللي كان شاطر فيه بقى زيه زي اي حد بعدها جددت الدار وفتحتها مرة تانية وبسبب نعمة وشبحها اللي في المكان السمعة مابقتش زي زمان وبقيت بقبل ب اي حد يجي يقعد في الدار وفضلت كده لحد ما جت لطيفة وعرفت القصة وساومتني على عيشتها هنا وعلى مبلغ وده في مقابل انها تسكت وتحل المشكلة بحكم انها كانت دجالة في بلدها وفعلا الاصوات قلت وظهور نعمة بقى معډوم لحد ما ظهرتي انتي وكل حاجة رجعت زي ما كانت واخرتها عرفتي القصة وبتساوميني بيها انتي كمان ارجوكي يا نعمة ماتقوليش لعلي... ارجوكي.
مابقاش ينفع انتي لازم تتحاكمي بالقصاص زي ما قتلتيهم.
في اللحظة دي دخلت لطيفة اول ما استاذة مي شافتها انفعلت عليها
بتبيعيني يا لطيفة بعد كل اللي عملته عشانك بتعملي فيا كده
اعمل ايه مش فاهمة.. هي البت دي قالتلك ايه
اعملي نفسك مش فاهمة بقى.. هي سجلتلك اعترافك بس اقولك انا مش هروح في داهية لوحدي.
تروحي في داهية ايه انا ماقولتش حاجة الله يخربيتك البت شكلها وقعتك في الفخ وبتسجلك دلوقتي.
لطيفة خدت خطوتين ناحيتي وجابت الموبايل من على الأرض دورت على اي تسجيل مالقتش ولما اتطمنت بصتلي وقالتلها
مافيش حاجة الحمدلله خليها تروح تبلغ وهي ماعهاش دليل.
رديت عليها وانا مبتسمة
بس التسجيل مش معايا انا.
في اللحظة دي الشرطة وصلت وحكيتلهم على كل حاجة وقبضوا على لطيفة واستاذة مي وده كان تحت عيون بيري اللي ماكنتش مصدقة اللي بيحصل ولا مصدقاني لحد ما والدي وصل وصل ومعاه الدليل اللي كان موجود اه اصل موبايله بيسجل المكالمات وكل اللي قالته استاذة مي اتسجل وموجود على موبايله وهو طبعا بلغ ودلوقتي هم مستنيهم الحكم وايا كان القاضي هيحكم ب ايه الاهم ان علي عرف الحقيقة وهي ان والدته قټلت مستقبله اللي كان مخططله اما نعمة.. فخلاص خدت حقها وارتاحت في قپرها... واظن ان شبحها كمان ارتاح.
تمت.
ماتنساش تعمل لايك وكومنت
أندرو_شريف_المخوفاتي
شبح_نعمة