نعمة اندرو شريف المخوفاتي

بلوته اللي جابته هنا اه ماهو ماحدش يحب يسيب بيته يا روحية ويجي هنا بشوقه.
اتدخلت عفت في الحوار عشان تسكتهم
ما خلاص يا ولية منك ليها البت ذنبها ايه عشان تسمع ده كله.. وانتي يا روحية.. اسكتي شوية.
حطت روحية ايديها على بوقها وبعدها شالتها وقالت
اهو يا اختي خرصت خالص.
كنت لسه حاسة بالأحراج ف استأذنتهم وقومت اشرب دورت على المطبخ لحد ما لقيته وقتها استاذة مي كانت واقفة فيه وقبل ما انادي عليها واقولها اني قومت لقيت حد بينادي عليا بصيت ناحية مصدر الصوت لقيته جاي من اوضة مقفولة بالتحديد جنب علبة الكهرباء بتاعة الدار بلعت ريقي واستعذت الله من الشيطان الرچيم
انا هنا يا داليا
ده صوت بنت كان جاي من جنبي بصيت عليها لقيتني قدام واحدة في حدود العشرينات لبسها محروق ووشها نصه متاكل لدرجة ان مخها طالع من الجمجة من المنظر رجعت خطوتين لورا وهي بتقولي
القصة مش زي ما الكل عارفها يا داليا القصة أصعب اساسها غدر وتخطيط شيطاني.
ارجوكي اوعي تأذيني انا جيت عشان غرض معين وهمشي على طول.
وانا عمري ما أذيت حد بالعكس هم اللي أذوني ووصلوني للحال اللي انتي شايفاني عليه ده.. لعڼة جوة اوضة مقفولة من سنين.
يعني انتي مش ھتقتليني
ابتسمت ابتسامة خفيفة والدموع في عينيها
انا عمري ما فكرت اقتل يا داليا.
في اللحظة دي ايد لمست كتفي من الخضة اتنفضت من مكاني وصړخت بصوت عالي
انا همشي والله.. وووو مش هعمل.
ردت عليا استاذة مي باستغراب
مالك يا داليا انتي كويسة.. وايه اللي جابك هنا
بطرف عيني شوفت استاذة مي واقفة ورايا ف اطمنت شوية ولفيت جسمي ناحيتها
انا كويسة.. مافيش حاجة انا بس كنت عطشانة فقومت عشان اشرب.
مش انا قولتلك لو عوزتي حاجة تنادي عليا
رديت عليها بتوتر
انا اسفة والله ماكنتش عايزة اتعبك بس انا تمام يعني مافيش حاجة انا تمام.
طب انتي خلصتي ولا لسه قدامك شوية.. اصل الوقت اتأخر.
لا انا خلصت وهم شاطرين وهيخلصوا المنهج بسرعة انا بس هاخد من حضرتك الورق بتاعهم وهوديه بكرة الادارة عشان يحددوا مكان المدرسة اللي هيمتحنوا فيها.
بعد ما قولتلها كده روحت انا وهي على مكتبها واديتني الورق ومشيت روحت البيت وقتها لقيت بابا قاعد مستنيني أول ما شافني اتطمن وسلم عليا بس انا.. انا خۏفت احكيله اللي حصل وقولتله اني هخش الأوضة أذاكر شوية لكن في الحقيقة انا دخلت الأوضة وبالي مشغول باللي حصل وهل هروح المكان ده تاني ولا خلاص كده.. قطع تفكيري موبايلي اللي بيرن طلعته من الشنطة كانت بيري اللي بتتصل ورديت عليها بتوتر
ماجتيش النهاردة ليه
انا ماما كلمتني وقالتلي انك سألتي عليا بس والله انا اتسحلت مع عميل مانتي عارفة شغل العقارات رخم وانا اللي غلطانة اني اشتغلت وقت الدراسة.
عامة انا مش هروح هناك تاني انا شوفتها يا بيري كانت قدام عينيا ومحروقة وبعدين فضلت تقولي كلام غريب عن شيطان وخطة كلام مافهمتش منه حاجة ولولا استاذة مي كان زمانكوا بتاخدوا عزايا.
يا حبيبتي اهدي مافيش حاجة ما ماما واسراء قاعدين هناك من سنين وماحصلهمش أي حاجة انتي ممكن بيتهيألك وحتى لو لأ فمټخافيش هي مش مؤذية الله يرحمها مرات علي كانت اطيب خلق الله واخرتها ماټت المۏتة دي.
لا يا بيري انا مش متطمنة للي انتي بتقولي ده وخاېفة اروح لا يحصل حاجة.
بطلي كلام فاضي وانا بكرة هروح معاكي وعشان تطمني اني هاجي انا هعدي عليكي ونروح مع بعض ها حاجة تانية
ماشي بس بشرط.. هتيجي