نعمة اندرو شريف المخوفاتي

جوة الدار وفيه ستات كتير حواليا شكلهم بشع وبيحاولوا ېموتوني فوقت مخضۏضة واستعذت بالله من الشيطان الرچيم وقتها الفجر آذن فقومت اصلي ولما خلصت خۏفت انام تاني وكملت مذاكرة لحد ما معادي جه وقتها لبست ونزلت وأول ما وصلت الدار استاذة مي استقبلتني احسن استقبال وبعد استقابلها ليا سألتها على بيري وقالتلي انها مش جاية فاتضايقت شوية لما عرفت بس هي لما شافتني متضايقة قالتلي ب ابتسامتها الجميلة
ماتزعليش منها ما انتي عارفة هي الفترة دي مشغولة ازاي مش انا اللي هقولك يعني.
لا والله انا ماضيقتش عشان ماجتش انا اتضايقت عشان كان نفسي اشوفها لأنها مشغولة معظم الوقت ومش بنشوف بعض طب دي حتى الكلية بتيجي على السكاشن وتمشي على طول.
خلاص بقى اوعدك المرة الجاية هحكم عليها تيجي وتقعد معاكي انتي مش عارفة هي بتحبك ازاي.
عارفة وانا نفس المحبة والله بيري دي نصيبي الحلو من الدنيا وقبل ما انسى لازم اشكرك لان حضرتك انقذتيني بجد.
حضرتك برضه مش قولنا نقول مي على طول.
مش بعرف والله بس حاضر يااا مي.
ردت عليا بابتسامة بشوشة
ربنا يخليكوا لبعض يا حبيبتي ومافيش شكر على واجب انتي في مقام بيري وعلي بالظبط.
اتحرجت من كلامها وماعرفتش ارد زي كل مرة اما هي ف كملت كلامها
مش عارفة هتفضلي تتكسفي مني لحد امتى بس ماشي عشان بحبك هعديها ودلوقتي نتكلم في اللي انتي جاية عشانه انا عندي تلاتة تحت الستين وكويسين جدا هعرفك عليهم وانتي عيشي بقى بس زي ما انتي عارفة ماتتحركيش كتير في المكان.
ماتقلقينيش بقى يا استاذة مي انا خاېفة ومتوترة لوحدي.
يا حبيبتي ماتقلقيش المكان بقى كويس بقاله فترة والدار رجعت تشتغل مرة تانية بعد ما الناس سابوها بسبب الأوضة.
رديت عليها بتوتر
امان يعني
ضحكت على طريقتي واتريقت على خۏفي وبعدها ردت عليا بابتسامة
امان يا حبيبتي.
يبقى يلا نبتدي.
بعد كده استاذة مي خدتني لأوضة فيها حوالي ست مسنين وبعد ما دخلناها شاورتلي على تلاتة منهم وقالتلي
روحية وعفت ونبوية هم اللي هيبقوا معاكي والباقي لو حابين يقعدوا مافيش مشاكل انا بس بقولك عشان تبقي عارفاهم وبالنسبة لصور بطايقهم وشهادات ميلادهم خديهم معاكي وانتي ماشية انا عارفة ان بكرة يوم عشرة وهو اخر يوم لتقديم الورق.
مش عارفة اقولك ايه يا استاذة مي بجد انتي انقذتيني.
يا حبيبتي ولا يهمك واه قبل ما انسى اسراء ماجتش النهاردة وانا براعيهم مكانها فلو عوزتي حاجة نادي عليا وانا اجيبهالك.
مش عارفة اقولك ايه والله.
ماتقوليش حاجة وابتدي درسك يلا بدل ما الوقت يجري منك وتتأخري على البيت.
استاذة مي مشيت وانا شديت كرسي وقعدت وسطهم عرفتهم بنفسي وقبل ما ابتدي الشرح خدت نفس عميق عشان اهدى شوية من التوتر والرهبة اللي بحسهم كل ما اجي اشرح بعدها ابتديت الدرس ووسط مانا مندمجة وبعلمهم الاملا لقيت واحدة من التلاتة اللي قاعدين معانا قامت وبعد ما قامت ضړبت كف على كف ونفخت بصوت عالي
استغفر الله العظيم انا مش عارفة مي بتعمل فينا كده ليه.
من كلامها وشي إحمر وبدأت أعرق لكن روحية ردت وقالتلي
معلش يا حبيبتي امسحيها فيا ونبي هي لطيفة كده مش لطيفة خالص في الحقيقة ربنا يعينها بقى اصل شغلها القديم لسه مأثر عليها.
ردت عليها نبوية وهي منفعلة
ما خلاص يا ولية انتي ايه مابيتبلش في بوقك فولة ابدا
ونبي اسكتي انتي يا نبوية انتي مش شايفة البت خدودها بقت زي التيفاح ازاي
شايفة يا اختي بس مالوش لزوم اللي اتقال ده كل واحد وعنده