نعمة اندرو شريف المخوفاتي

القصة مش زي ما الكل عارفها يا داليا القصة أصعب اساسها غدر وتخطيط شيطاني.
ارجوكي اوعي تأذيني انا جيت عشان غرض معين وهمشي على طول.
وانا عمري ما أذيت حد بالعكس هم اللي أذوني ووصلوني للحال اللي انتي شايفاني عليه لعڼة جوة اوضة مقفولة من سنين.
يعني انتي مش ھتقتليني
ابتسمت ابتسامة خفيفة والدموع في عينيها
انا عمري ما فكرت اقتل يا داليا.
انا قصتي ابتدت مع مشروع كان مطلوب مني للكلية والمشروع ده كان عبارة عن تعليم تلات اشخاص من سن ستعشر سنة لحد ستين سنة عشان يمتحنوا امتحان محو الأمية وبكده أقدر أخد شهادة تخرجي.. كتير منكوا ممكن يشوف الموضوع سهل لكنه اصعب مما تتخيلوا لأن الشروط كتير وانت وحظك الناس اللي هتلاقيهم دول هيساعدوك ولا لأ ومع ذلك انا عندي الناس دول وسهل جدا ابتدي معاهم شغل من بكرة بس المشكلة كلها في المكان اللي هم عايشين فيه وهو دار مسنين حد هيجي يقولي وايه المشكلة في كده.. الرد هو ان الدار دي حصل فيها حريق زمان وماټ نتيجته فردين ام وبنتها من ساعتها وهم بيسمعوا اصوات من جوة الأوضة اللي ماټت فيها البنت ده غير انها بتظهرلهم وبتطلب منهم طلبات غريبة وانا اصلا بخاف من خيالي فمش هروح لمكان زي ده برجلي بس الظروف ساعات بتجبرك ما انا لو ما قدمتش في الدفعة اللي شغالة دلوقتي السنة هتروح عليا ومش هاخد شهادتي ووقتها ماكنش قدامي غير اني اتصل بصاحبتي بيري وبيري تبقى بنت استاذة مي مديرة الدار وعرضت عليا كذا مرة تكلم مامتها عشان تساعدني في المشروع لكني رفضت ودلوقتي انا اللي بكلمها واول ما ردت عليا قالتلي

ها.. فكرتي في الموضوع يا داليا.. مش كده
اه فكرت ومافيش حل تاني غير اني اوافق احنا اول شهر اربعة والامتحانات قربت بعدها النتيجة هتطلع ومش هاخد شهادتي فكلمي استاذة مي تشوفلي 3 ماكملوش الستين ويبقوا مش متعبين ما انتي عارفة انا مش اشطر حد يشرح وداخلة الكلية بمجموعي مش اكتر.
لا وفخورة وانتي بتقولي داخلة الكلية بمجموعي مش اكتر يا بت ده انتي يهودية اول ما تيجي سيرة الامتحانات بتنعزلي عن العالم وتمسكي الكتب تهريها مذاكرة.
مش وقت هزار يا بيري انا مش طايقة نفسي وعايزة اخلص من الموضوع ده في اسرع وقت ولو مش هتقدري تساعديني قوليلي.
مش هقدر اساعدك ايه.. ده انا بتحايل عليكي بقالي سنة عشان تسمعي كلامي وتيجي معايا.
واديني جيتلك وبطلب منك تساعديني اهو ها هتكلميها امتى
ماتشيليش هم بكرة تعالى الدار وهي هتفهمك كل حاجة بس مش هوصيكي الأوضة الملعۏنة اوعي تقربي منها يعني الزمي مكانك لحد ما تخلصي درسك وتمشي احنا ما صدقنا هديوا علينا.
الله!.. وانتي بتقلقيني ليه يا بيري انا رايحة ومړعوپة لوحدي.
الاحتياط واجب هو انا غلطانة اني خاېفة عليكي يعني
بيري.. اقفلي الله يرضي عليكي انا مش ناقصة تلبيش جتت هي جتتي متلبشة لوحدها من الموضوع ده وبعد اذنك تبعتيلي مسدچ على الواتس اب تقوليلي استاذة مي ردها ايه انا مش هروح على عمايا.
بت انتي رغاية اوي قولتلك الموضوع خلصان وماتكتريش فيه بس عامة ماشي هبعتلك لما اقولها.
بعد ما خلصنا رغي دخلت اوضتي وريحت على السرير شوية وابتديت مذاكرة وفضلت على الحال ده لحد ما بيري بعتتلي رسالة وقالتلي فيها ان استاذة مي مستنياني بكرة رديت عليها بلايك وقفلت الموبايل ونمت شوية عشان بكرة يومي طويل ومن القلق حلمت اني