العنيده وعمده الصعيد الجزء التاني والعشرين بقلم هويدا زغلول

ده واحد واطي
عامر
بص يا دياب مش هننكر ان سلطان غلط غلطه في الاول بس كمان ده ما يمنعش انه انسان محترم ودخل البيت من بابه وما غلطش ثاني من ساعه اخر مره يبقى احنا مش هنعلق له حبل المشنقه ومش معنى انك بتحبها انك تهين راجل ما عملكش اي حاجه
دياب
طيب يا عامر هو محترم وابن ناس انا دلوقتي اعمل ايه انا عايز شمس
عامر
لساني مش مطاوعني اقول لك روح قول لها انك بتحبها لان دي تعتبر خېانه لسلطان ومش من اخلاقنا نعمل كده يا دياب
دياب
امال اعمل ايه اسيبها تضيع من ايدي استعوض ربنا فيها
عامر
مش عارف اصلا شمس هتتقبلك ولا لا انت اهنتها كثير وجرحت كرامتها اكثر وهي كانت بتجري وراك بس انت اللي غبي واستغبيت وعملت نفسك مش داريان بحاجه
دياب
يا اخي خلاص عرفت اني غلطان شوف لي صرفه بقى مش هتقعد تقطم فيا كل شويه انا مكلمك علشان تشوف لي حل
عامر
روح اعترف لها شوف هتقول لك ايه
دياب
انا خاېف ترفضني يا عامر
عامر
لو عملت كده يبقى حقها رفضتها وفي وشها
دياب
يا اخوي انا بكلمك تطمني مش تخوفني اكتر حرام عليك يا عامر اقفل خلاص مش عايزه اسمع حاجه تاني
عامر
انا ما اقصدش حاجه يا دياب حقك عليا يا سيدي انا بس بتكلم معاك بعفويه خلاص روح اعترف لها وشوف هتقول لك ايه بس قبل ما تعترف لها لازم تكون سبت بسنت دي
دياب
حاضر يا عامر ربنا يقدم اللي فيه الخير
عامر
خليك معايا على تواصل وعرفني بكل جديد اول باول
دياب
حاضر سلام
قفل دياب مع عامر ورجع تاني لبسنت اللي كانت قاعده على المرجوحه في المزرعه
بسنت
كنت عارفه يا حبيبي انك هترجع تراضيني وانك مش هيهون عليك زعلي وان الكلام اللي انت قلته كان جارح بالنسبه لي
دياب
اسمعيني زين يا بسنت وبتمنى تفهمي موقفي
بسنت
في ايه يا دياب قلقتني
دياب
احنا مش هينفع نكمل مع بعض
بسنت
ايه الكلام اللي بتقوله ده انت جاي تقول الكلام ده بعد اما سبت جوزي علشان خاطرك وسبت عيالي علشانك بتبيعني يا دياب طب والحب اللي بينا نسيته انا قلت لك انا ما كنتش اقصده اقول الكلام اللي قلته وقلت لك مش هيتكرر تاني ليه دلوقتي عايز تسيبني
دياب
ارجوكي افهميني يا بسنت انا كنت فاكر اني لسه بحبك لما جيت كلمتيني بس اكتشفت لا انا نسيت حبك وبحب واحده ثانيه كانت قدامي وقدام عيني بس انا اللي غبي وسبتها تضيع من ايدي انا اسف يا بسنت انا مش هقدر اكمل في العلاقه دي ارجعي لجوزك وعيالك
بسنت
جوزي ايه اللي ارجع له بعد ما قلت له اني بحب واحد ثاني وهتجوزه انت بتغدر بيا انت مش عارف اهلي ممكن يعملوا فيا ايه بعد ما ارجع لهم واقول لهم ان ضحك عليا وعشمني انه هيتجوزني